Т?рбие са?аты "Таби?атым-ма?танышым"

БҚО, Теректі ауданы,

Шаған ЖОББ мектебінің

бастауыш сынып мұғалімі

Муратова К.О.

Мақсаты:  Табиғатты қорғау, сақтау қажеттігі туралы ой, ынта туғызу. Туған жер табиғатына деген сүйіспеншілігін арттыру. Табиғаттағы сұлулықты көре білу, эмоциялық әсер ала білуге, өз ортасында сымбатты да шыныққан тұлға болуға баулу, экологиялық мәдениетті қалыптастыру.

Көрнекілігі: бейнежазба, интерактивті тақта, күн сәулесі суреті

Барысы:

-Балалар, мына суреттердің алғашқы әріптерін қолдана отырып, сөз құрастырыңыздар. ( табиғат)

-Ия, балалар, бүгінгі сабағымыз табиғат туралы болмақ.

Бейнежазбадан табиғат келбетін тамашалау.

-Міне, балалар, табиғат дегеніміз-аң, құс, өсімдік,тау, тас, өзен, көл.Олардың барлығы Табиғаттың бізге берген сыйы. -Табиғат күллі тіршілік атаулының құтты қоныс –мекені, алтын ұя бесігі, құт –берекесі. Адам үшін табиғат –ең қасиетті де қастерлі ұғым.

-Балалар, көктемгі табиғаттың сәні құлпырған алғашқы гүлде болса, бүгін сол гүлдердің атаулары арқылы топқа бөлініп отырайық.

«Бәйшешек», «Қызғалдақ», «Сарғалдақ», «Жұпаргүл»

- Балалар, табиғатты аң, құстарсыз елестетіп көріңдерші. Құстың сайраған үні жоқ жерде, жан-жануарлардың қайнаған тіршілігі жоқ жерде табиғат сұлу болмақ емес. Олардың да адамдарға үйретері мен ұғындырары мол. Сондықтан табиғаттың сәні болған, тіршілікті жандандырған аң, құстардың табиғатқа бізге берген сыйы деп түсініп, оларға қамқор болумыз керек.

1-тапсырма: табиғаттың адамға пайдасы: (Әр топ өз ойларын ортаға салады.)

«Бәйшешек» тобы ауаның пайдасы

«Қызғалдақ» тобы судың пайдасы

«Сарғалдақ» тобы құстардың пайдасы

«Жауқазын» тобы өсімдіктің пайдасы туралы әңгімелейді

- Қазақ халқының бар өмір – тіршілігі табиғатпен етеңе байланыста. Табиғатқа аялы алақан, жылы жүрек сезімі, көздің қарашығындай қамқолық керек екеніне ерекше мән берген.

Ойын ”Жер,су ,ауа”

Мақсаты: «жер»-деп допты бір оқушыға лақтыру, ол оқушы жерде тіршілік ететін жан-жануардың атын атау керек. «Су» -десе балықтың аттары, «Ауа» десе құстың аттарын атау.

Шығармашылық тапсырма «Жапсырмалау»

«Бәйшешек» тобы көл жағасында

«Қызғалдақ» тобы орманды дала

«Сарғалдақ» тобы шалғын

«Жұпаргүл» тобы жаңбырлы күн

Табиғатқа тілек айтайықшы.( әр топтан бір оқушы айтады)
- Күніміз шуақты болсын!
- Суымыз тұнық болсын!
- Гүліміз жайқала берсін!
- Ауамыз таза болсын!

Жұмбақтар шешу.

Жұрттың бәрі соны сүйеді,

Бірақ қарағысы келмейді. /күн/

Жазда жатсаң – көлеңкесіне алады

Қыста жақсаң – жаның рахат табады . /ағаш/

Үлкен – улкен түйені

Тастапты адам шөгеріп.

Өркеші бұлтқа тиеді,

Бауыры жатыр көгеріп. /тау/

Әдемі түнде мен жүрсем жүреді бірге. /ай/.

-Ал, енді балалар, бүгінгі сабағымыз көңілді аяқталсын десек, өз тілектеріңді күннің шауғына сыйғызып, табиғатқа тілектеріңді білдіріңдер.

(Оқушылар табиғатқа тілек айтып, тақтада ілініп тұрған күннің сәулесіне кезегімен мынандай сөздерді апарып іледі).
Гүлдей бер, Жер-Ана!
Аспаның ашық болсын!
Аспаныңды бұлт торламасын!
Тоғайың аң мен құсқа толсын!
Суың мөлдір, таза болсын!
Өзен, көлің, теңізің балықтарға толсын!
Орманың қызыл, жасыл гүлдерге толсын!
Күнің жарық болсын!т.б.
Хормен :
Табиғат сені сүйеміз,
Басымызды иеміз!

Қорытынды
Табиғатты аялау - әрбір адамның абыройлы да азаматтық парызы. Табиғатты сүйе білген, оны аялай білген адамның ары да, жаны да таза болады. Жасыл желекті ағаштарды, әсем гүлдерді,сайраған құстарды, жан жануарларды қорғаңдар! Жер сенің аяулы бесігің. Осы жер үстінде сен тіршіліктің есігін аштың. Сен өз туған жеріңді, оның табиғатын қорғай біл!
Хормен:
Табиғатты қорғауға,
Өсімдікті жұлмауға.
Ант етеміз!
Құстарды атпауға,
Балапанын сақтауға
Ант етеміз!