Т?рбие са?аты "Е?бегін елге арна?ан"

Тақырыбы: Еңбегін елге арнаған

Сабақтың мақсаты: Оқушыларға Тел Жаманмұрыновтың өмірі туралы толық мағлұматтар беру; Өмір жолдарын оқушыларға таныстыру;

Сабақтың көрнекілігі: Т.Жаманмұрыновтың суреті,газетке шыққан материалдар

Барысы: Ұйымдастыру кезеңі:

Психологиялық дайындық

-Балалар,аспанға қарайықшы,не көреміз?

-Сәлеметсіздер ме? Амансыз ба?

-Күндей жарқырап жүрейікші!

-Бәріміз дос болайық!

-Бәріміз тату болайық!

-Аспанымыз ашық болсын!

-Жеріміз бай болсын!

-Еліміз аман болсын!

-Ендеше балалар,осындай жақсы тілектермен сабағымызды бастайық

-Біздің мектебіміз кімнің есімімен аталады?

-Біздің мектебіміз қандай?

-Жаманмұрынов Тел Бұқпанұлы кім?

Тел Жаманмұрынов кедей малшы қазақ отбасында, Ырғыз уезі № 4 ауылда туған. Әкесінен жастай жетім қалған немересін атасы Дәулетімбет ( лақап аты Жаманмұрын) тұрмысының ауырлығына қарамастан,оқытуға күш салады.Ауыл мектебін бітірген соң,Тел Орынбордағы мұғалімдер даярлайтын мектепке еліп түсіп,кейін Орынбор реальдық училищесіне ауысты. Осы кезден-ақ Тел жасырын үйірмеге қатысып,жұмысшы табы,шаруалар көтерілісі,Россиядағы революциялық қозғалыс туралы мағлұматтар алғаш танысты.

Орынбор реальдық училищесін бітірген соң,Петербург политехникалық институтына түсіп,бір жылдан соң денсаулығының нашарлауына байланысты,Москвадағы ауылшаруашылығы институтына ауысады.Мұнда ол 1913 жылдан 1917 жылға дейін оқиды. Тылдағы қара жұмысқа алынған қазақтармен бірге елге оралған Тел,1917 жылдың мамыр айында Торғай облыстық азаматтық комитетінің жолдауымен Ырғыз Уезінде болыстық азаматтық комитеттерді ұйымдастыруға жіберіледі.Ақтөбе қалалық және облыстық партия комитетінің шешімімен партия қатарынан шығарылып, СССР жоғары соты әскери коллегиясының 1938 жылғы 25 ақпандағы шешімімен ату жазасына кесілді. 1958 жылы наурызда ешқандай қылмысты істер құрамының болмауына байланысты кесім өзгертіліп,облыстық партия комитеті бюросының 1960 жылғы 4 наурыздағы шешімімен Т.Жаманмұрынов партиялық тұрғыдан аяқталды. Тел 23 жылдан соң ғана ақиқат жеңіп, халқына қайта оралды.

Енді ,балалар туған жеріміз ,шежірелі туған өлкеміз Ырғыз туралы,Тел ата туралы өлеңдерге кезек берейік:

Бекболсын:

Тағдыр жолы бұралаң,тылсым неткен,

Бір қайғым бар жүректі дүрсілдеткен

Тел,Темір,Ұзақбай ,Телжан сынды,

Қайран-айғарыстарым қыршын кеткен

Жаннұр:

Жұлдыз болып әрбіреуі жара жанып,

Мәңгілік есімдері қалады анық

Солардың елге деген махаббатын,

Бүгінгі перзенттері барады алып.

Шұғыла:

Жүргенов,Шонанов пен Құлымбетов,

Алманов,Жаманмұрынов өтті дүрілдеп.

Қанахин мен Уайдиндер туған мекен,

Қыдыр ата жүрген жер, келіп-кетіп

Исламбек:

Құтты болсын мерекең,

Шалқи берсін берекең

Ырғыз мынау ежелден

Ырысы мол жер екен

«Ер есімі –Ел есінде» атты көрмедегі газет-журналдарға шолу жасау

Оқушылар шығармашылығы:

Менің мектебім

Мен биыл 3 сыныпта оқимын. Біздің мектекбіміз өте әдемі,сәулетті салынған. Мектеп ауласында әдемі гүлдер мен ағаштар жайқалып өседі. Мектебіміз жерлес атамыз Тел Жаманмұрынов есімімен аталады. Мен осындай сәулетті мектепте оқып жатқанымды мақтаныш етемін. Биыл Тел атаның туғанына 125 жыл толуына орай мектебімізде үлкен мерейтой аталып өтпекші. Біздің сыныпта осы мерекеге өз үлесімізді қосамыз деп ойлаймын. Біздер Тел ата мектебінің білімді, тәрбиелі шәкірті болсақ деймін.

Өлең шумақтары: Самғат, Айшолпан

Туған жер туралы мақал –мәтелдер

«Тілек ағашы» балалар тілегі

Қорытынды: Біз оқушылар осындай Тел ата мектебінде оқып жатқандықтан мектеп есімін биікке жеткізер, еліміздің ертеңі болар білімді,саналы шәкірттері болайық! Сендердің жетер биік белестерің көп болсын!