С?т ?алай ?йы?тады?

Сабақтың тақырыбы: Сүт қалай ұйықтады?

Сабақтың мақсаты:

1. Қазақтың белгілі сықақшыл ақыны Оспанхан Әубәкіровтің өмірбаянымен таныстыру,ертегідегі астарлы ойды ашу

2. Сөздік қорын,ой-өрісін,ұғымын,түсінігін жетілдіру.Оқушыларды өз бетінше ой қорытып сөйлеуге,сауатты,,оқып жазуға машықтандыру.

3. Тәуелсіздік ел тірегі,білімді ұрпақ екенін ұғындыра отырып,білімді болуға,жақсыдан үйренуге,жаманнан жиренуге,еңбек сүйгіштікке тәрбиелеу.

Сабақтың әдісі: Мәнерлеп оқу,сұрақ-жауап,әңгіме,көрнекілік, топтық тапсырма.

Сабақтың көрнекілігі:Тақырыптық суреттер,Оспанхан Әубәкіровтің суреті,нақыл сөз,тыйым сөздер.

Сабақтың барысы:

1. Ұйымдастыру кезеңі

А)Сәлемдесу,оқушыларды түгендеу.

Ә)Оқушылардың назарын сабаққа аудару.

Б)Сабаққа әзірлігін тексеру,оқу құралдарын дайындау.

Психологиялық дайындық.

Қуанамын мен де

Қуанасың сен де.

Қуанайық бәріміз,

Арайлап атқан күнге.

Балалар,тәуелсіздігімізді нық ұстау үшін қандай оқушы болуымыз керек? (ақылды,саналы,білімді)

Балалар,бүгінгі білім ертеңгі байлығымыз екенін әр уақытта есте сақтап «Тәуелсіз ел тірегі,білімді ұрпақ»деген ұранмен сабағымызды жалғастырамыз.

ІІ.Үй тапсырмасын сұрау.Ыбырай Алтынсарин «Салақтық»әңгімесі.

1.Керім қандай бала?

2.Керімге халық не дейді?

3.Керімнің тұла бойына не болды?

4.Оған қарсы таныстары не деді?

5.Керім қандай жұмыс жасады?

6.Жұмыстың қожасы Керімге не бұйырды?

7.Керім қандай жағдайға тап болды?

надандық еріншектік

Салақтық

талапсыздық жалқаулық

Ондай жаман әдеттердің бірі—ұйқышылдық.біздің бүгінгі оқитын келесі тақырыбымыз осы кереғар қасиеттің төңірегінде айтылады.

Жұмбақ.

Сылдыр, сұйық су емес

Ішсең сусын қанады

Ақ болса да қара емес

Шешуін кім табады? (сүт)

ІІІ.Жаңа сабақ.

Сабақ тақырыбы мен мақсатымен таныстыру.

Авторы жайлы мағлұмат беру.

Оспанхан Әубәкіров 1934-1986жылдар аралығында өмір сүрген.Алматы облысы,Жамбыл ауданында дүниеге келген. «Қағаз қалпақ», «Қожанасыр чемпионы» т.б балаларға арналған кітаптары бар.Қазақ әдебиетінде сықақ жанырын дамытуға ерекше үлес қосқан.Шығармалары,қоғамдық,әлеуметтік мәселелерді қозғайды.

Оқулықпен жұмыс

Ертегіні мәнерлеп оқу.

Сүт қалай ұйықтады?

Сүт бір күні ұйықтапты.

Қатты ұйықтапты.

Ұйықтағаны соншалық

Ұйып қапты.

«Ойбай,сүт ұйықтап қапты,

Ұйықтап қапты!

Қарап отырып

Айран бопты»,

Деп ел жұрт қайран қапты.

Сүт ұйқысын қоя алмапты.

Айқайлап жатса да оянбапты,

Мүлде берекесі қашыпты

Айран болу оңайма

Бықырып тұрып ашыпты

Ашыған айран быжынап

Қазанға сыймай құтырыпты.

Сүт ұйқысын қоя алмапты.

Аттандап жатса оянбапты

«Ұйқы-дұшпан» деген ғой

Сүт бір күні іріп қапты

Сүттің мұндай қылығын

Әжем ғана біліп қапты

Не дерін білмей тұрып қапты

«Бұл сүтке ұйқы ұя салыпты»

Депті де әжем айранды

Бір дорбаға құя салыпты

Сүт сонда ғана оянып

Еңіреп тұрып жылапты

Көзінің жасын бұлапты

Бәлкім,жұрттың өсегі

Әңгіме ғой кешегі

«Дорбадан аққан сары су

Сүттің көз жасы»деседі.

«Мұнымыз өтірік»десең де

Ертегіге сыяды-ау

Әй, дегенмен балалар

Көп ұйяқтаған зиян-ау

Ертегіні балаларға оқыту.

ІV.Сергіту сәті.

V.Топтық тапсырма.

1-топ.Автор ертегіде ненің әрекетін суреттеген?

2-топ.Мәтіндегі қорытынды ой айтылған жолдарды тап?

3-топ.Суретке қарап, ертегідегі сүттің іс-әрекетін қара сөзбен әңгімеле.

VІ.Сабақты бекіту.

1.Бір күн сүтке не болыпты?

2.Ел-жұрт қайран қалады?

3.Ұйықтаймын деп сүт қандай күйге ұшырады?

4.Сүттің аянышты хәлін кім байқады?

5.Бұл сүтке ұйқы ұя салыпты деген жолдардың мағынасын қалай түсінесің?

6.Сүттің бойында қандай қасиет бар екен?

VІІ.Сабақты қорындылау

Сонымен балалар көп ұйықтаған зиян екенін ой санамызға түйдік.

Ұйқы деген дұшпан бар

Тұла бойды талдырар

Жолдан істен қалдырар.

VIII.Бағалау.

IХ.Үйге тапсырма: Сүттен жасалатын тағамдар атын,жасалу жолын жазып келу.