Пәні: Дүниетану
Сабақтың тақырыбы: Су. Судың қасиеттері.
Сабақтың мақсаты:
Білімділігі: Оқушыларды судың қандай күйде болатынымен таныстыру. Практикалық жұмыс барысында бақылау, талдау, салыстыру және қорытынды шығара білуге үйрету.
Дамытушылығы: Оқушылардың өз ойларын жуйелі түрде баяндауын, түсініп оқуын, ойлауын, есте сақтау қабілеттерін дамыту.
Тәрбиелілігі:Табиғатты сүюге, оны қорғауға тәрбиелеу.
Сабақтың көрнекілігі: Интерактивті тақта, слайдтар, суреттер, жарты шарлар картасы, видеоролик, тәжірибеге қажетті заттар.
Сабақтың әдісі: Сұрақ - жауап, түсіндіру, әңгімелеу, топтастыру, сызба, топпен жұмыс, практикалық жұмыс
Пәнаралық байланыс:аралас сабақ
Сабақтың жүрісі:
1. Ұйымдастыру бөлімі: психологиялық дайындық
Шаттық шеңбері:
Қуан,шаттан алақай,
Қуанатын күн бүгін.
Қайырлы таң,қайырлы күн,
Сәлеметсіз бе, қонақтар?!
Топқа бөлу:
Мұғалім:
Балалар,
Бір жылда неше мезгіл бар?Атайықшы.
1топ-Қыс
2топ-Көктем
3топ-Жаз
4топ-Күз
Әр топқа көшбасшы сайланады.Әр топтың көшбасшысы өз тобының атауына байланысты мезгілі туралы қысқаша мәлімет береді.
ІІ. Өткен сабақты еске түсіру.
Әр топқа сұрақ қойылады.
1 топ: Ауа туралы не білеміз?
2 топ: Ауаның қасиеті.
3 топ: Ауаның ластануы.
4 топ: Тәжірибелер.
ІІІ. Жаңа сабақ.
Мұғалім жерге сарғайған жапырақтарды шашып қояды.Жапырақтарды жинауға оқушыларды шақырады.Балалар бір-бір жапырақтан алады.Ол жапырақтарда 1-ден бастап 14-ке дейін сандар жазылан.Мұғалім рет-ретімен жапырақтарды тақтаға іледі.Жапырақтардың екінші жағында әріптер жапсырылған.Мұғалім әріп тұрған жағын айналдырып ашып, тақырыпты шығарады.Су.Судың қасиеті деген тақырып шығады.
Мұғалім оушыларға жарты шар картасын көрсетіп, су туралы түсінік береді.
- Екі ғана әріптен құралған осынау мөлдір сұйықтықта тіршіліктің көзі жатыр.Бырақ күнделікті тұрмыстың ажырамас бөлігіне айналған біріміз білсек, біріміз біле бермейміз. Картада көк түспен бейнеленген ол су. Су жер бетінің төрттен уш бөлігін алып жатыр.
Оқушылар су туралы білетін тақпақтарын айтады.Оқушыларға су туралы видеоролик көрсетіледі.
Тәжірибелер жасау.
1 топ: Балалардың алдына екі шыны ыдыс тұрады: біреуіне су, ал екіншісіне сүт құйылған. Екі ыдысқа да қасық салып, қайсысынан көрінетінін, қайсысынан көрінбейтінін бақылайды. Суы бар ыдыстан қасықты көруге болады, ал сүт тұрған ыдыстан қасық көрінбейді. Яғни, «Су – мөлдір, сүт мөлдір емес».
2 топ: Балалар түтікше арқылы су ішіп көреді. Онда дәм бар ма? Оларға салыстыру үшін шырынның дәмін көрулерін ұсынады. Суға қант қосып, дәмінде өзгертуге болады. Балалар өз ойларын айтады, неліктен судың дәмі өзгергендігін.
Балалар суды иіскеп көреді, судың иісінің жоқ екенін сезінгенше, тағы да қайталап иіскету керек. Ал екінші ыдыста түссіз тәтті суға ванилин араластырған суды құйып, балаларға иіскету керек. Балалар екі ыдыстағы судың айырмашылықтарын айтады.
3 топ: Стақан ал. Ол ыдысқа су құй.
Сен әрбір ыдыстағы судың сол ыдыстың пішініне ие болғанын көрдің.
● Судың нақты пішіні болмайды. Ол қандай ыдысқа құйылса, сондай пішінге ие болады.
Қызыл, жасыл, сыры, ақ қағаздардан жолақ дайында. Осы қағаз түстері мен судың түсін салыстыр. Суды қазыл, сары, жасыл ақ деп айтуға бола ма? Болмайды.
● Судың түсі болмайды. СУ – ТҮССІЗ!
4 топ: Қант, тұз, лимонның дәмі қандай? Енді судың дәмін байқа. Оны ащы, тәтті, қышқыл деп айтуға бола ма? Болмайды.
● ТАЗА СУДЫҢ ДӘМІ БОЛМАЙДЫ!
● Біреуіне су құйылған екіншісі бос екі стакан ал. Бос стақанға бірінші стақандағы суды құй. Бірінші стақаннан екіншісіне су құйылады.
● Яғни, су ағады.
Тәжірибе жасап болған соң мұғалім балаларға сиқыр көрсетеді.
Екі стакан алады.Біріншісіне суды құйяды,судың түсі өзгермейді. Ал екіншісіне мүғалім балаларға көрсетпей алдын-ала маргансовка салып қояды. Судың түсі қызарып кетеді.Бұл тәжірибеден судың түсін өзгертуге болатынын және суда ерігіш заттар болатынын аңғарады.
ІV. Оқулықпен жұмыс. Оқушыларға «Су.Судың қасиеті» туралы оқулықта берілген мәліметтерді оқытып, сұрақ-жауап арқылы түсіндіру жұмысын жүргізеді.
V. Сергіту сәті.
VI.Топтық жұмыс.
Әр топқа тапсырмалар беріледі.
1 топ: Су туралы жұмбақ жасыру және тірек сөздерді пайдаланып өлең шығару.
2 топ: Су туралы мақал-мәтел, нақыл жіне тыйым сөздер жазу.
3 топ: Су туралы эссе жазу.
4 топ: Сурет салу.
Әр топтың көшбасшылары қарсылас топты бағалайды.
VII. Дидактикалық ойын: «Адасқан айлар».
Шарты: Мұғалім тақтаға төрт жыл мезгілі жазылған қалташалар іледі.Ал үстел үстіне ай аттары жазылып тұрған қағаздарды теріс қаратып қояды.Оқушылар кезекпен кезек тақтаға шығып, қағазды суырып, жазылып тұрған айдың қай мезгілге жататынын айтып, сол жыл мезгілі жазылып тұрған қалташаға салады.Осылайша ойын жалғаса береді.
VIII. Білімдерін бекіту.
Мұғалім су туралы қызықты мәліметтер айтып, толықтырады.
ІХ. Қорытынды.
- Су жөнінде нені білдік?
- Суды қалай пайдаланамыз?
- Лас суды ішпеу
- Суды ластамау, үнемдеу.
- Қайнамаған суды ішпеу.
- Тазалықты сақтау, Жуыну.
Х. Бағалау.
Оқушылрдан сабақтың қалай өткені туралы сұралады.Смайликтер арқылы сабақты түсінгені немесе түсінбегені туралы көрсетеді.
Мұғалім әр топты және сабаққа жақсы белсене қатысқан оқушыларды смайликтер арқылы бағалайды.
