So'z ma'nolari

SO’Z  MA’NOLARI

1-SINF IV CHORAK

  Dars  mavzusi: «So’z  ma’nolarini  mustahkamlash»

  Darsning maqsadlari:

1. Ta’limiy : o’quvchilarning  so’z  manolari  haqidagi  bilimlarini  boyitish, og’zaki va yozma nutqini  o’stirish, mustaqil ishlashga  o’rgatish.

2.Tarbiyaviy : o’quvchilarni  vatanparvarlik  ruhida  tarbiyalash Ona Vataniga  sadoqatli,  farzandlar  bo’lib  kamol  topishlariga hissa  qoshish.

3.Rivojlantiruvchi: o’quvchilarning  mustaqil  fikrlashi, husnixat  malakalarini  shakllantirish, tasavvur  qilish  ko’nikmalarini rivojlantirish.

Dars  turi: yangi  bilim , ko’nikmalarini  shakllantiruvchi.

Dars  metodi: Video  diktant , savol javob, ,,To’g’ri  tanla’’,,,Zinama-zina’’, ta’limiy  o’yinlari.

Dars  jihozi: darslik, mavzuga oid  rasmlar,  so’zlar yozilgan kartochkalar, tarqatmalar  daraxt  maketlari.

Darsning   borishi.

I.Tashkiliy  qism:  Salomlashish, o’quvchilarning  davomatini aniqlash,o’quvchilarni  darsga tayyorgarligini  tekshirish.

 Yurtimizda  amalga  oshirilayotgan  islohatlar, 5 ta muhim  tashabbus  haqida  ma’naviyat  daqiqasi  tashkillash. Darsning «Oltin  qoida» larini  eslatish.

II.Uy  vazifalarini  tekshirish  va  baholash ;Uyga  berilgan  vazifalari  tekshiriladi  va  o’tilgan  mavzu  mustahkamlanadi.

O’tilgan  mavzu ; « Shaxs  va  narsaning  tartibini  bildirgan» so’zlar.

1.Тopshiriq:  So’zlar  yozilgan  kartochkalardan  o’quvchilar qatorma –qator  chiqib  bittadan  oladilar  Kartochkada yozilgan  so’zlarni  o’qib,  qanday  ma’noni  bildirishini  aytib beradilar. O’qituvchi  vazifani  tekshirib , qoidalarni  so’rash orqali  o’tgan  mavzu  mustahkamlanadi

O’tilgan  mavzu : « Shaxs  va  narsaning  tartibini  bildirgan so’zlar ».

2.Тopshiriq : So’zlar  yozilgan  kartochkalardan  o’quvchilar  qatorma –qator  chiqib  bittadan  tanlab  oladilar. So’zlarni  o’qib, qanday  ma’noni  bildirishini aytib beradilar.

O’qituvchi vazifani tekshirib, qoidalarni so’rash orqali o’tgan  mavzuni mustahkamlaydi

III. Yangi  mavzu :So’z  ma’nolarini  mustahkamlash.

Videoproyektorda : Shaxs  va  narsaning  nomini, harakatini, belgisini, miqdorini va tartibini bildiradigan so’zlar  qoidalari  ko’rsatiladi, o’qituvchi  va  o’quvchilar  ularni  o’qiydi.

So’zlar : shaxs, narsa, harakat, belgi, miqdor  ma’nolarini  bildiradi.

Shaxs va narsalarni  nomini  bildirgan  so’zlar : kim, kimlar, nima, nimalar, so’roqlariga  javob  bo’ladi

Masalan: o’qituvchi, bola, kitob, eshik.

Shaxs va narsalarning  harakatini bildirgan  so’zlar : nima  qildi, nima  qilyapti, nima  qiladi so’roqlariga javob  bo’ladi.

Masalan : yozdi,uzyapti, oladi,suzadi.

Shaxs va narsalarning  belgisini  bildirgan  so’zlar : Qanday, qanaqa, so’roqlariga javob  bo’ladi.

 Masalan: ko’k,dumaloq,shirin,sershox.

Shaxs va narsaiarning  miqdorini  bildirgan  so’zlar : necha, nechta, so’rog’iga  javob  bo’ladi.Masalan : o’nta olma, olti.

Shaxs va narsaning  tartibini  bildirgan  so’zlar :nechanchi, so’rog’iga  javob  bo’ladi.

Masalan : birinchi  sinf, 2 – qator, 4 – uy.

2.Topshiriq.

Ekranda so’zlar  ko’rsatiladi.O’quvchilar  qoidalarga asosan  so’zlarga  so’roq  beradilar

Masalan : Marjona, qizil, olma, aytdi, oltita, dugona,go’zal,yozdi, yoqimli, to’rt, anjir, shifokor, ona, bobo,chizyapti, kitob, mazali.

O’quvchilar  so’zlarni  doskaga  chiqib  so’zlarni  ma’nolariga  qarab  ajratib  yozadilar.

Dam  olish  daqiqasi:

Ko’kda  qanotin  qoqqan

Qaldirg’ochim , qaidirg’och.

Bahor  faslin  chorlagan,

Qaldirg’ochim, qaldirg’och.

Osmonlarda  sayragan,

Qaldirg’ochim, qaldirg’och.

Yaxshilikni  tilagan,

Qaldirg’ochim, qaldirg’och.

3.Topshiriq.,, Tog’ri  tanla  “  o’yini  o’ynaladi.

Bunda  o’qituvchi  oldida  har xil  so’zlar  yozilgan  meva rasmlari  va  so’z  ma’nolari  yozilgan  daraxtlar  maketi bo’ladi. O’quvchilarni  guruhlarga  bo’lib  olinadi.

Birinchi guruh: shaxs va narsani  nomini bildirgan  so’zlarni,

Ikkinchi guruh : shaxs va narsani  harakatini,

Uchinchi  guruh: shaxs va narsani  belgisini,

Тo’rtinchi  guruh : shaxs va  narsani  miqdorini, tartibini  bildiradigan  so’zlar  yozilgan mevachalarni  olib, tegishli  daraxtchalarga  ilib  qo’yadilar.

IV.Mustahkamlash

O’qituvchi  har  bir  qatordan  bittadan  o’quvchini  doska  oldiga  chiqarib  bittadan  savol  beradi, qaysi  o’quvchi birinchi  bo’lib  javob  bersa, zinaning  eng  yuqori  qismiga chiqadi va o’z  navbatida  rag’bat  oladi.

Savollar :

1. So’zlar  nimalarni  bildiradi ?

2. Alifboda  nechta  harf  bor ?

3. Unli  tovushlar  nima  hosil  qiladi ?

4. Unli  tovushlarni  ifodalovchi  harflarni  ayting ?

5. O’zbek  tilida  nechta  tovush  bor ?

6. Nimani  yozamiz, ko’ramiz,o’qiymiz ?

7.,, O’zbekiston “ so’zi necha  bo’g’indan  iborat ?

8. Tovushni  nima  qilamiz ?

9. Qaysi  so’zlar  bo’g’inga  ajramaydi ?

10. Joylarga  atab  qo’yilgan  nomlar  qanday  harf  bilan yoziladi ?

11. Shaxs va narsalarni  nomini  bildirgan  so’zlar  qanday so’roqlarga  javob  bo’ladi ?

12.,, Qaldirg’och “ so’zi  necha  bo’gindan  iborat ?

13. Harakatni  bildirgan  so’zlar  qaysi  so’roq larga  javob bo’ladi ?

14. Ona  tili  fani  haqida  she’r aytib  bering ?

15. Shaxs va narsani  belgisini  bildirgan  so’zlar  qaysi  so’roqlarga  javob  bo’ladi ?

Namangan  viloyati  Uchqo’rg’on  tumani

40- sonli  maktabning  boshlang’ich  sinf

Oqituvchisi  Qosimova  Nazokat.