"С?йлесе білуде ?нер" саба?ы

Сабақ мақсаты: : Балалардың «сөз», «сөз құдіреті», «тіл табысу» ұғымдары туралы түсініктерін кеңейту Міндеттері:

• Сөзді түсіне білу, сөйлесу дағдыларын қалыптастыру.

• Адамдармен жағымды қарым-қатынас жасау іскерліктерін дамыту.

• Өзара сыйластыққа тәрбиелеу.

Ресурстар:(құралдар, мәлiметтер)

Сабақ барысы:

5 т: тәртіп, тыныштық , татулық , талап , тазалық ережесін есте ұстау

Ұйымдастыру кезеңi. Тыныштық сәтi.

Балалар көздерін жұмады.

-Сендердің жүректерің –сендердің жарқыраған күндерің, ол да күн сияқты жылытады. Сендердің күндерің сендерге жылулық береді. Өздеріңнің жақсылықтарыңмен адамдармен бөлісіңдер.Ал,қане жақсылық сезімдерімізді өздеріміздің әке-шешемізге,аға әпкелерімізге, өздеріміздің достарымызға,барлық адамзатқа, келген қонақтарға,маған және өзіміздің кішкене ғана әдемі жер шарымызға ,бәріне –бәріне жіберейік.

Ал енді көздеріңді ашыңдар,жымиыңдар және осы сезімдеріңді ,қуаныштарыңды күні бойы сақтауға тырысыңдар.

Сабақ барысын талқылау:

2. Қ.Салықовтың сөзіне жазылған «Бір ауыз сөз» әнін оқушылар үнтаспаға қосылып орындайды.

3.Жаңа ақпарат

Тыңдай білетін және өзіңді түсіне алатын адаммен сөйлесу адам жанына қуат береді, жағымды әсер етеді.

Адам сөзді есту, тыңдау арқылы шебер болады.

Сөйлеген кезде шындыққа сүйеніп, туралықты айту адам жанының тазалығын көрсетеді. Мәдениетті адам не айту керектігін алдын ала ойланып алады.

4.Үй тапсырмасын тексеру.

“Сөз және мағына” мәтінін оқу

• Қай көрші адамның айтқанын дұрыс түсіндің?

• Сөзді әр кез тура мағынасында қабылдау қажет пе? Неге?

• "Сөз астары" дегенді қалай түсінесің?

Әңгімелеу

Не айтатыныңды ойлап ал. (үнді аңызы)

Сұраққа жауап

Данышпан әйелге қандай тәлім береді ?

Сендер әйелдің сұрағына қалай жауап берер едіңдер ?

Неліктен біреу туралы ғайбат сөз (өсек) айтуға болмайды ?

5.Дәйексөз.

Дәйексөздің мағынасын түсіндіріңдер.

Сөз қадірін білмеген - өз қадірін білмейді.

Халық мақалы

6.Тапсырма
Берілген нақыл сөздерді оқып,мағынасын түсіндір.

Ақылдының сөзі - қысқа, айта қалса – нұсқа.

Ақылды орнымен сөйлесер де,жауабын күтер.

Көп ойлап жақсы сөйле- нұсқа болсын,

Сұраса – жауабың да қысқа болсын.

7. Сергіту сәті

Көңілді күн

8.Шығармашылық жұмыс

Дәптермен жұмыс

«Сөйлеу әдептері» мәтінді оқып,дұрыс сөйлеу ережесін құрастырады.

• Біреумен сөйлескенде, бетіне қадала қарап, тақалып тұрма.

• Біреумен сөйлескенде, керексіз нәрсені қазбалап сұрай берме.

• Өзіңе қатысы жоқ сөзді естуге құмартпа.

• Дастархан басында көп сөйлеме.

• Жаман, бұзақы сөзден тыйыл.

• Біреу бірдеңе сұраса, ойланып, анық жауап бер, аузыңа түскен сөзді айта салма.

• Өзің білмегеніңді басқалардан сұрап алуға намыстанба.

• Әркімді бір кемележдеп, мұқатпа.

• Қолыңнан келмейтін істі тыңдырамын деп ешқашан уәде етпе. Ал уәде бердің екен, қайткенде де орындауға тырысып бақ.

Сөзіңде тұр.

2 тапсырма

Берілген сөз тіркесін оқы.Ауыспалы мағынасын тауып жаз

1.Сөзі мірдің оғындай

2.Тілі балдай

3.сөз сүйектен өтеді

4.Сөзден жығылды

5.Сөзбен шағып алды

6.сөзі майдай ерітті

Сөзі түйеден түскендей

8.Үйге тапсырма:. И.Тоқаштың «Уәдешіл Алтай» мәтінін оқып келу.

9.Соңғы тыныштық сәтi.

Баяу музыка қосылады

• Көзімізді жұмып, тыныштықта бүгінгі сабағымызды есімізге түсірейік. Бүгінгі сабағымыздан алған әсерімізді жүрегімізге орнатайық. Әрдайым жақсыны көруге, жақсыны естуге, жақсыны айтуға үйренейік. Айналамыздағы адамдарға, жан – жануарларға, құстарға риясыз жақсылық жасайық, ешкімге ешуақытта қиянат жасамайық. Енді тыныштық күйде отыра тұрыңыздар. Көздеріңізді ашуға болады.