Сабақтың тақырыбы:Салақтық.
Сабақтың мақсаты:Оқушыларға жаңа сабақты түсіндіру.Автор өмірімен
таныстыру.Балаларды таза жүруге,ұқыпты болуға
үйрету. Оқу,түсініп, оқу, адамдық қасиеттерге үйрету.
Сабақтың дамытушылығы:Ойлау сөзжұмбақ,ребустар шешу арқылы
тапқырлыққа баули отырып,танымдық қабілеттерін
дамыту.
Сабақтың тәрбиелігі: Адамгершілікке,сыйластыққа,тазалыққа,
Ұқыптылыққа тәрбиелеу.
Сабақтың түрі: Аралас.
Сабақтың әдісі: Сұрақ-жауап.
Сабақтың барысы: Ұйымдастыру.Оқушылармен амандасу.
Психологиялық дайындық.
Шырылдады қоңырау.
Біз сабақты бастаймыз.
Партамызға отырып,
Өзара көз тастаймыз.
Табыс тілеп көзбенен
Жаңа білім алуға
Алға қадам аттаймыз.
Үй тапсырмасын тексеру: Тест жұмысы.
Балалар, тест жұмысын шешкен болсаңыз,бір-біріңіздің жұмысыңызды тақтадағы тестің дұрыс жауабымен тексересіңіздер
Балалар, біз тест арқылы бірнеше сұраққа жауап бердік.Енді, мен сіздерге ауызша бір-екі сұрақ бергім келіп тұр.
-Ең алғаш мектеп ашқан кім? (Ы.Алтинсарин.)
Ендеше, балалар, тақтадағы бейнекөрініске қарап,Ы.Алтинсариннің шығармасын табайық.
Мультфильм.
Бұл көріністегі бала қандай деп ойлайсыңдар?
Беті-аузы қожалақ,
Киімдері қара дақ.
Мерзімімен суға түспеген,
Тазалықты білмеген,
-Бұл қандай бала? (салақ)
Олай болса, балалар, бүгінгі жаңа тақырыбымыз- Ыбырай Алтинсариннің
«Салақтық» атты шығармасы.
«Сөзжұмбақ» шешу
-Балалар, сөзжұмбақтың шешуі төмендегі тест жұмысының қайсысына сәйкес келеді?
Тест жұмысы: а)Туған жер Отан туралы
Б)Еңбек туралы
В)Жақсы-жаман істер туралы
Г)Ерлік,батырлық туралы
Жаңа сабақ.
Мәтінді оқып беру.
Түсіндіру.
-Мәтіннің авторы кім?
-Ол туралы не білесің?
Салақтық сөзіне қарама-қарсы сөзді тап.
Тазалық.
Олай болса «Кім шапшаң?» ойынын ойналық.
Берілген сөздерді екі топқа бөлеміз.
Тізбектеп оқыту.
-Берілген мақал-мәтелдерден осы мәтіндегі оқиғаға сай келетін нақыл сөзді тап.
Дәптермен жұмыс.
«Тазалық -денсаулықтың кепілі.»
-Мәтіндегі оқиғаның осы нақыл сөзге құрылғанын дәлелде.
Біз таза жүрсек, деніміз де сау болады.Ол үшін үнемі таза жүруіміз керек.
-Ендеше, таза жүру үшін бізге қандай құралдар керек?
Сол құралдарды табу үшін мен сіздерге бірнеше суретті билеттер беремін. Бұл билеттерде өрнектер жазылған. Өрнектің мәнін тауып,суретті тақтаға ілеміз.
Сүлгі.
Сабын.
Тіс тазалайтын паста.
Айна.
Тіс тазалайтын щётка
Қайшы.
Тарақ.
Қол орамал.
Ысқыш.
Жуғыш.
Сабақты қорыту:-Мәтіннің авторы кім?
-Қандай тәрбие аламыз?
-Салақтықтың зияны қандай?
-Кәрімнен үлгі аламыз ба?
Үйге тапсырма: « Салақтық» мәтінін оқып келу.Әңгімелеу.
Оқушыларды бағалау.
