Саба? та?ырыбы: "Не деу керек? Буын"

А. Қалниязова

Бастауыш сынып мұғалімі Сабақтың тақырыбы: Не деу керек ? Буын Сабақтың мақсаты: Білімділігі: буын туралы түсініктерін кеңейту,өлеңдегі негізгі ойды түсіндіру,буынға дұрыс бөлуді,сауатты жазуды меңгерту,үйрету. Дамытушылығы: логикалық ойлау қабілеттерін арттыру,сөздік қорларын молайту,дұрыс байланыстырып сөйлеуге тілдерін дамыту. Тәрбиелігі: үлкенді сыйлауды,кішіге қамқор болуды,әдепті,сыпайы болуға тәрбиелеу. Түрі: аралас сабақ Әдісі: ой-қозғау,сұрақ-жауап,түсіндіру,әңгімелеу. Көрнекілігі: Ә.Дүйсенбиевтің суреті, кесте,суреттер,слайд «Не деу ерек керек?»,қима қағаз. Сабақтың барысы: I.Ұйымдастыру кезеңі -Бүгін бізде ашық сабақ.Ашық сабақ дегеніміз-өз білімімізді басқаларға көрсету.Сабағымызға қонақтар келіп отыр. Ендеше біз келген қонақтарға өз білімімізді көрсетейік. Сабақты жарыс түрінде өткіземіз. 3топ болып жарысып,білімімізді ортаға саламыз. II.Психологиялық дайындық. Сыныбымыз тап-таза, Бор да дайын тақтада. Ойымызды жинақтап, Отырайық партаға.

Оқушылар 3-топқа бөлінеді. 1-топ: « Білгіштер» 2-топ: «Ойшылдар» 3-топ: «Алғырлар»

1-белес. «Ой бөлісу отауы». Бұл белесте өтілген тақырыпты пысықтау. 3топқа сұрақтар қойылады.

1-топ. Сөз,сөйлем туралы айтады. Сөз дыбыстардан құралады. Дыбыстар әріптермен таңбаланып жазылады.дыбыстарды естиміз,айтамыз.Әріптерді көреміз,жазамыз.Сөйлем сөздерден құралады.Сөйлемдегі сөздер бөлек жазылады.Сөйлем аяқталған ойды білдіреді.Сөйлемнен соң нүкте,леп белгісі ,сұрақ белгісі қойылады.

2-топ. Дауысты және дауыссыз дыбыстар туралы айтады.тіліміздегі барлық дыбыстар үлкен екі топқа бөлінеді:дауысты және дауыссыз дыбыстар. Дауысты дыбыстар жуан,жіңішке болып екіге бөлінеді. Жуан дауыстылар: а, о, ы, ұ. Жіңішке дауыстылар: ә, ө,і,ү,е. Сөздегі дауысты дыбыстар жуан болса,сөз жуан айтылады: тары, бұғы. Сөздегі дауысты дыбыс жіңішке болса,сөз жіңішке айтылады: әже,береке.

3-топ. Жұп дауыстылар туралы айтады. А-ә, о-ө ,ы-і, ұ-ү – жуан және жіңішке жұп дауыстылар.Олар өзара ұқсас дыбысталады. Мысалы: Асқар-әскер, сан-сән, ұн-үн.

2-белес. «Артық болмас білгенің» Бұл белесте жаңа білім беріледі. Суретпен жұмыс. Кішіпейіл-кісіліктің белгісі.Кішіпейіл-бұл әдепті,сыпайы бала.Барлығымызда Абзал сияқты,кішіпейі де сыпайы бала болайық. Өлеңнің авторымен таныстыру. – Ә.Дүйсенбиев. Қазақ балалар жазушысы. –Біз ән сабағында қандай өлеңдерімен танысып едік? - «Ақ тайлақ», «Қуыршақ».-ал енді Ә.Дүйсенбиев ағамыздың балаларға арналған «Не деу керек?» деген жұмбақ өлеңімен танысамыз. 1)Өледі әнімен айту. 2)балалар жұмбақ өлеңді шешіп отырады. Сауалдарға жауап беру. –Бұдан басқа қандай сыпайы сөздерді білесіңдер? ( Ғафу етіңіз, оқасы жоқ, мархабат,сау болыңыз...)

Әр топ әдептілік туралы өлең оқиды. 1-топ: Атам менің әманда «Әдепті жан бол»деген. Ата сөзі санамда, Жасы үлкенге жол берем. Алдын орап кісінің Кесіп өтпе көлденең. Ізетімен кішінің Сәлемдесіп қол берем.

2-топ: Атам менің әманда «Кішіпейіл бол» деген. Ата сөзі санамда, Мақтанбауды жөн көрем. Атам менің әманда «Әділетті бол» деген Ата сөзі санамда Жүрмін тура жолменен.

3-топ: Қарсы ал ерте күн көзін, Төсегіңді жина өзің . Асықпай іш тамақты, Жалама ыды-аяқты. Саусағыңды сормағын, Салдыр –салақ болмағын. Сыйлап үлкен кісіні, Қамқорлыққа ал кішіні.

3-белес. «Сауал-сізден,жауап-бізден» Бұл белесте тақырыпқа байланысты жаттығулар орындалады. 1-топ: Буын дегеніміз не? 2-топ: Сөздерді буынға бөледі. Балдырған,бауырсақ,кереге, кітап,дәптер. 3-топ: Буынға бөлінбейтін сөздер. Ат,от,қант,ту,бау,қас, тау,құс.

Дәптермен жұмыс. Дәптерімізді ашайық, көркем етіп жазайық. Көркем жазу минуты. Дд әрпі. Денсаулық-зор байлық.

60-жаттығу орындалады. (3бағанды 3топ орындайды.) а-ра қа-ла а-ю о-қы ба-ла о-ю е-кі ше-ге ұ-я

жи-на и-ю

4-белес. «Тынығайық,күш алып!» Бұл белесте сергіту жаттығуы өтіледі.

5-белес. «Қанатты сөз- қазына». Бұл белесте оқушылар мақал –мәтелдер айтады. Оқулықтағы мақал-мәтлдерді оқып,талдау.

1-топ: 2-топ: *Кешірім сұрау-әдептілік. *Үлкенді сен сыйласаң, кіші сені сыйлайды. *Түсінісу-жақсы қасиет. Кіші сені сыйласа,кісі сені сыйлайды. *Әдепті бала –арлы бала, Әдепсіз бала – сорлы бала. *Әдептілік ар-ұят –адамдықтың белгісі ,

Тұрпайы мінез,тағы жат-надандықтың белгісі.

3-топ: Мақсат қоймай алдыңа , Қыдырып құр қаңғырма! Ашуланбай,долданып, Жауап бергін ойланып.

6-белес. «Ойын ой ұштар» «Ойлан ,тап!» ойыны. Айжан (кітапхана) барды. (Кітапхана)адам көп.Ол (кітапхана) кітап алды.

«Адасқан сөздер» ойыны. Сырғанақ,бірнеше,бала,теуіп,жүр. (Бірнеше бала сырғанақ теуіп жүр.) Ақан,сырғанды,шанамен. (Ақан шанамен сырғанады.) Аққала, соқты,балалар,қардан. (Балалар қардан аққала соқты.)

7-белес. «Білгенге маржан». Өтілген сабақты тиянақтау.Сөздерді ауызша буынға бөлу. 1-топ: Құрбақа,сауысқан,құр,жылан. 2-топ.Торғай,шіл,тасбақа,бор. 3-топ: Кекілік,құмырсқа,піл,бұлт. Өлеңдегі негізгі ойды айтып өту.Әдепті,сыпайы болуды үйрендік.

8-белес. «Шыққан шыңымыз» Бұл белесте оқушылардың сабаққа қатысқандарын марапаттау,яғни 3 топтың білімдерін бекіту..Жарысқа 3 топта белсенді қатысты.барлығы білімдерін көрсете білді,сондықтан достық жеңді. Оқушыларды бағалау,бағаға талдау жүргізу. Үй тапсырмасы: 69-70 бет мәнерлеп оқу, 61-жаттығу.

Ақтау қаласы