Саба?ты? та?ырыбы: Сс дыбысы мен ?рпі.

Сабақтың тақырыбы: Сс дыбысы мен әрпі.

Сабақтың мақсаты: 1. Білімділігі: Сс дыбысы мен әрпін таныту, Сс дыбысы арқылы берілген сөздерді оқу мен жазуға үйрету, топпен жұмыс жасау дағдыларын қалыптастыру.

2. Дамытушылығы: Сурет бойынша сөйлемдер ойлап, әңгіме құрастыру. Жұмбақтар шешуге үйрету. Баяндап жатқа жеткізе айту қабілеттерін қалыптастыру, Сс дыбысы қатысты болатын жаңа сөздерді оқыту арқылы оқушылардың білімі мен тілін дамыту, сөздік қорын ұлғайту.

3. Тәрбиелігі: Оқушыларды ұйымшылдыққа, адамгершілікке, салт-дәстүр сақтауға, тазалыққа тәрбиелеу.

Сабақтың көрнекілігі: суреттер, кеспе әріптер, буындар, үлестірмелі карточкалар.

Сабақтың түрі: Аралас сабақ.

Сабақтың әдісі:Сұрақ - жауап, түсіндіру, талдау, жинақтау, топтау.

Сабақтың типі: Жаңаша білім беру.

Пәнаралық байланыс: Математика, дүниетану, өмірмен байланыс.

Бағалау: Сұрақ-жауап арқылы, оқушы белсенділігіне қарай мадақтау.

Нәтиже: Оқушылар қауымдасып жұмыс істейді. Оқушылар бірінің пікірін бірі тыңдайды. Өз пікірлерін батыл айтуға дағдыланады.

Сабақтың жүрісі: I. Ұйымдастыру. Топқа бөлу.

1-топ: Тіктөртбұрыш.

2-топ: Шаршы

3-топ: Шеңбер

4-топ: Үшбұрыш

5-топ: Кесінді

Психологиялық дайындық:

Амансың ба, алтын күн

Амансың ба, көк аспан

Амансың ба, достарым

Амансың ба, қонақтар

Сабақты біз бастайық,

Білім кілтін ашайық.

II. Өткенді пысықтау.

Үй тапсырмасын сұрау:

1) Әр топтан бір-бір оқушыдан тақтаға сөз жазу.

2)Тізбектей оқыту.

3) Буыннан сөз құрату.

- Кеше қандай әріппен таныстық? Бб

- Ол қандай дыбыс? Дауыссыз Неге?

- Сөздің қандай бөлігінде кездеседі?

- Б дыбысына сөз ойлату. Бас, бала, балапан, бақа, балық, бақыт, таба, сабын, қарбыз, арба, дорба, жаңбыр.

Сұрақ-жауап әдісімен сабақты пысықтау.

Жаңа сабақ.

Ой толғаныс.

-Қыздар құлағына тағады?........ Сырға

-Қыздар басына киеді?......... Сәукеле

-Қыздар қолына тағады?....... Сақина

-Мектепте оқимыз?......... Сабақ

-Оқу-құралдармызды саламыз?........ Сөмке

-Сырға, сақина, сәукеле, сабақ, сөмке сөздері қай дыбысқа басталып тұр?

-С дыбысы

-Олай болса, бүгін С дыбысымен танысамыз.

-Кәне, хормен айтайық.

-С дыбысы айтылған кезде тілдің ұшы астыңғы тіске тіреле отырып, белгілі кедергі арқылы шуылдап шығады.

-Айтылуына қарай қандай дыбыс?

-Қатаң дауыссыз дыбыс, көк текшемен белгілейміз, буын құрай алмайды.

С дыбысына сөз ойлату.

Оқулықпен жұмыс.

А) Сурет бойынша сөйлем құрау. Талдау үлгісі Сабақ - са - бақ, са - буын, 5 - дыбыс 5 - әріп.

Ә) Талдау үлгісі Сағат- са -ғат, са-ғат- буын, 5 - дыбыс 5 - әріп.

Б)Хормен оқыту.

В) Тізбектей оқу. (Жақсы оқығандарды мадақтап, смайлик тарату).

Г) Әр топ бір-біріне сұрақ қою арқылы оқыту.

-Сара, сабаққа бар. -Асан, сағат қайда?

-Сара қайда? -Сағат қалтамда.

-Ол сабақта. Ол- қалта сағат.

Ғ) Бітеу буындарға ұқсас буындарды қосып оқыту.

Сап-сапта, қап-қапта, аш-ашпа, қаш-қашпа, сал-салма, қой-қойма. Әр топтан бір оқушыға оқыту. Мағынасын ашу.

Сергіту сәті.

Сырға, сырға сырғалар,

Құлағымда ырғалар.

Оң қолымда-білезік,

Сол қолымда-білезік.

Саусақтарда-сақина,

Санап көрші, қанекей,

Бір, екі, үш.

Отырамыз-жинап күш.

Дәптермен жұмыс. А) тарату Ә ) түсіндіру б) үлгі бойынша жазу в)жинау

Постер қорғау:

1-топ: Сағат сөзіне жұмбақ құрастыру.

2-топ: Сырға сөзін буынға бөлу.

3-топ: Са буынынан бірнеше сөздер құрау. Сабақ, сана, сағат, сақина, Самат, т.б.

4-топ: С дыбысына басталатын сан айту. Сегіз, сексен.

5-топ: Сабақ сөзіне дыбыстық талдау жасап, сөйлем құрау.

Кері байланыс:

-Балалар, бүгін сабақта не үйрендік, не білдік?

-Нені түсіндіңдер?

-Түсінбей қалған жерлерің бар ма?

-Нені түсінбедіңдер?

Қорытындылау.

-Бүгін қай әріппен таныстық?

-С әрпі неге ұқсайды?

- С қандай дыбыс?

Бағалау.

Смайликтер бойынша топтарды мадақтау.