Саба?ты? та?ырыбы: Бізді не ?оршап т?р? (топсеруен)

Бізді не қоршап тұр? (топсеруен)

Сабақтың мақсаты: оқушыларды қоршаған әлемнің алуан түрлілігі және әдемілігімен таныстыру; тірі және өлі табиғат заттары мен құбылыстарын бақылау, талдау, салыстыру және қорытынды шығару сияқты зерттеу жұмыстарының қарапайым дағдылары іскерліктерін қалыптастыру.

Сабақтың көрнекілігі: альбом, қарындаштар, табиғи материалдар жиналған папка.

Сабақтың барысы:

Топсеруенге дайындық.

а) Топсеруеннің мақсаты мен міндеттері қойылады.

ә) Сынып оқушылары бірнеше топқа бөлініп, зерттеу нысанын таңдайды.

Зерттеу, бақылау жұмысы.

Ағаш, бұта, шөптерді бақылау жоспары:

а) Қандай ағаштарды көріп тұрсыңдар? Ағаштың діңіне қарап, оның түсін анықтаңдар. Ағаштардың діңдерінің жуандығын салыстырыңдар. Жапырақтардың түстері қандай? Пішіндері қандай?

ә) Бұталарға қараңдар. Олардың ағаштардан қандай айырмашылығы бар? Олардың сырт көрінісінен қандай өзгешілік байқадыңдар?

б) Өсімдіктердің ішінен шөптерді тауып, оларды ағаш және бұталармен салыстырып, айырмашылыгын табады.

Олар несімен ерекшеленеді? Шөп қандай бөліктерден тұрады?

Мұғалім оқушыларды бірнеше топқа бөліп, әр топқа зерттеуге тапсырма береді.

1-топ ағаштарды зерттейді. Көргендерін және ағаш туралы алған жаңа мәліметтерін пайдаланып, әңгіме құрастырады.

2-топ бұталар туралы әңгіме құрастырады.

3-топ шөп туралы әңгіме құрастырады.

Тыныштық минуты.

Оқушылар үн-түнсіз аспан, күн, құстарды бақылайды. Сонан кейін көргендерін әңгімелейді.

Әңгімелесу.

Оқушылармен мынадай сұрақтар төңірегінде әңгіме жүргізіледі.

1. Тірі және өлі табиғат бір-бірімен қалай байланысты?

2. Адамдар табиғаттан не алады?

3. Қандай сезім мүшелері табиғатты және оның сұлулығын сезінуге көмектеседі?

4. Өз өлкеннің табиғи байлығы туралы әңгімеле.

Сурет салу.

Өз өлкесінің табиғатының сұлулығын бейнелеу.

Пікірталас.

Қоршаған әлемге қалай қарау керек?

Топсеруенді қорытындылау.

1. Топсеруенде көргендеріңен неге қуандыңдар, ал неге реңжідіңдер?

2. Сен қоршаған әлемге қамқоршы, жақсы дос бола аласың ба?