О?ушылар?а с?йлемні? негізгі м?шесі бастауыш туралы бере отырып, с?йлем ішінде кім? не? кімдер?нелер? с?ра?тарына жауап беретін с?йлем м?шесіне с?ра ?оя білуге, оны ажырату?а ?йрету. Ал?ан білімдерін тал?ылау,бекіту ар?ылы ?з ойларын еркін жеткізуге баулу
Просмотр содержимого документа
«Саба?ты? та?ырыбы : "Бастауыш" »
Сабақтың тақырыбы: «Бастауыш»
А.Е.Днишева
Жалпы білім беретін Талдыбұлақ орта мектеп-балабақша кешенінің бастауыш сынып мұғалімі
Сырым ауданы
Сабақтың мақсаты:
Білімділік:
Оқушыларға сөйлемнің негізгі мүшесі бастауыш туралы бере отырып, сөйлем ішінде кім? не? кімдер?нелер? сұрақтарына жауап беретін сөйлем мүшесіне сұра қоя білуге, оны ажыратуға үйрету. Алған білімдерін талқылау,бекіту арқылы өз ойларын еркін жеткізуге баулу
Дамытушылық:
Оқушылардың дамыта оқытуға негізделген шығармашылық қиялын, сөздік қорын молайтып,ойлау қабілеттерін дамытып, сабаққа қызығушылықтарын ояту.
Тәрбиелік:
жазу каллиграфиясын сақтап, көркем жазуға,отансүйгіштікке, ынтымақшылдыққа, өзелінің ардақты азаматтары болып шығуға тәрбиелеу.
Сабақтың көрнекілігі: Деңгейлік тапсырмалар, слайдтар, киіз үй құрал-жабдықтарының суреті.
Сабақта қолданған технологиялар: проблемалық ситуация, деңгейлеп оқыту, топтық, ұжымдық жұмыс
Пәнаралық байланыс: математика, ана тілі, орыс тілі
І. Ұйымдастыру кезеңі. Психологиялық ахуал.
Оқушылардың зейінін сабаққа аударамын.
Мақсатымыз-білім алу
Міндетіміз еңбектену
Беске қолды жеткізу.
ІІ. Үй тапсырмасын тексеру:
-Сөйлем дегеніміз не?
-Сөйлем мүшелері дегеніміз не?
№ 4 жаттығуды пирамида құрастыру арқылы тексеру.
ІІІ. Жаңа сабақ түсіндіру:
Мұғалімнің кіріспе сөзі: Балалар, бүгін мен сіздер үшін көп тапсырмаларды дайындап келдім, бұл тапсырманы орындап үлгеруіңіз тек қана сіздерге байланысты.
Жұмбақ шешу:
Қой жүнінен жасалатын
Еденге төсейтін төсеніш
Ол не? (киіз)
-Ал, кім біледі киізді қалай басады?
(слайдтар арқылы киіз басу этаптарын ауызша түсіндіру)
-қойды қырқу;
-жүнді тазалап жуу;
-жүнді сабау;
-жүнді бояу;
-жүнді шиге шабақтайды;
-су сеуіп, шиге орау;
-бір жазып, бір бүктеп көп,көп білектеу;
- киізді тігіп қайта –қайта қарпиды;
-киізді таза жерге жайып тастайды.
Ал осылай басқан киіздерді қайда қолданатынымызды жұмбақ арқылы білеміз:
Ұқсайтын шеңберге
Қабырғасы жиылып,керіледі,
Жиhазы мол кең бөлме
төбесінен жұлдыздар көрінеді.
(киіз үй)
Бүгінгі сабақта киіз үйді құрамыз. Киіз үйді құру үшін алдымен «Ойлан» кестесінің сырын табайық.
10+20=30(Б)
5+5=10(а)
100+140=240(с)
200+50=250(т)
1+9=10(а)
130+130=260(у)
140+230=370(ы)
320+20=340(ш)
Бұл бүгіні өтетін тақырыбымыз «Бастауыш».
Ол үшін мына суреттерге қарап, сөйлемдер құрастырайық.
Ата (кім?) ертегін оқыды.
Балалар (кімдер?) ойнады.
Жел (не?)гуілдеді.
Малдар(нелер?) өріске кетті.
Мұғалім қорытынды жасайды.
Кім? Не? Кімдер? Нелер? сұрақтарына жауап беретін сөйлемнің негізгі мүшесін бастауыш дейміз.
-Балалар, киіз үйді неден құрып бастайтынымызды мына өлең сөздері көмектеседі:
Ыңғайлы жоқ өзіндей
Тез жиналар,қаласаң
Тор жол дәптер көзіндей-
Керілгенде қарасаң.
Секілді алып парақтар,
Керегелер ұнайды.
-Не туралы оқыдық?
-Иә, дұрыс.Киіз үйдің негізін құрайтын кереге.
«Керегең кең болсын» деген тілек осыдан шыққан. Ойткені үйдің берік кеңдігі осы керегеге байланысты. Керегенің биіктіг 2 м болады. Әр бөлігі қанат деп аталады. Қанат саны 4,6,8,12 болады. Киіз үйді құру үшін керегені жаяды.
Біздің керегеміз дұрыс құрылуы үшін оқулықтан тапсырма орындайық.
1 жаттығу. Сөйлемдерді көшіріп жаз. Сөйлемде кім немесе не жайында айтылып тұр? Сол сөздердің астын сыз.
1. Балалар бүгін музейге барады. 2. Құстар жылы жаққа ұшып кетті. 3.Болат қиын есепті өзі шығарды. 4.Апам бөлмені жинады.
Жаттығудан кейінгі сұраққа ауызша жауап.
Міне балалар киіз үйдің керегесін орналастырдық. Келесі киіз үйдің қандай бөлігін бекітетінімізді мынасипаттау жолдарынан анықтаңыз:
Киіз үйдің уықтарын біріктіріп, еңсесін көтеріп, тұтастырып ұстап тұратын дөңгелек шеңбер. (Шаңырақ)
Қазақтың өмірінде шаңырақтың маңызы зор. Шаңырақ-үй, отбасы деген мағынаны білдіреді. «Шаңырағың биік болсын» деген бата бар. Киіз үйдің басқа сүйіктері ескірсе жаңартады, ал шаңырақты жаңартпайды. Шаңырақты үй иесі, ер адам көтереді. Шаңырақты көтеру үшін келесі тапсырманы орындайық.
2 жаттығу.Суреттің орнына тиісті сөздерді қойып көшіріп жаз.
Киіз үйдің келесі бөлігін мына сурет арқылы білеміз.(уықтың суреті)
Уықтың кереге басына байланатын жағы жалпақтау болып келеді және сол жерді тесіп бау өткізеді, оны «уық бау» деп аталады. Осы бау арқылы уық пен кереге басын біріктіріп байлайды.
3 жаттығу. Өлеңді оқып көшіріп жаз. Бастауыштардың астын сыз. Мен дала бардым
Мен дала бардым
Қыр гүлін берді,
Көл суын берді,
Күн нұрын берді.
4 жаттығу.Мәтінді оқы. Көп нүктенің орнына тиісті сөздерді қойып жаз.
(Кімдер?)... сыныпта гүл өсіреді. (Нелер?)... сынып бөлмесінің ауасын тазартады. Аквариумда (нелер?)... жүзіп жүр. (Кімдер?)... балықтарға қамқорлық жасайды.
