Саба?ты? та?ырыбы: Б дыбысы мен ?рпі

Солтүстік Қазақстан облысы

Ақжар Қазан ауылы

Қазан орта мектебінің

шағын орталық тәрбиешісі Ысках Марзия

Сабақтың тақырыбы: Б дыбысы мен әрпі

Сабақтың мақсаты:

Білімділігі: Балаларға Б дыбысы мен әрпін таныстыру. Б дыбысы бар сөздерді буынға бөлгізу,б дыбысына қатысты сөздер ойлату

Дамытушылығы: Б дыбысы арқылы баланың сөздік қорын,жұмбақ шешу арқылы ойлау қабілетін дамыту.

Тәрбиелігі: сауаттылыққа, әдептілікке тәрбиелеу.

Әдіс-тәсілдері: түсіндіру,сұрақ –жауап ,жұмбақтар, ойын арқылы

Көрнекілігі: кеспе әріптер,текшелер, бақа,балық, балапан,балта, балға, бесік суреттері,әліппе дәптері.

Оқу іс-әрекетінің барысы: 1.Ұйымдастыру кезеңі.

Тәрбиеші:

Арайлап таң атты

Алтын сәуле таратты.

Жарқырайды күніміз,

Жарқырайды даламыз

Қайырлы күн балалар!

-Кәне, балалар бір-біріміздің қолымыздан ұстап ,алақан жылуы арқылы бір-бірімізге жылы лебіздерімізді білдірейік.

-Еліміз тыныш болсын!

-Аспанымыз ашық болсын!

-Деніміз сау болсын!

-Нанымыз көп болсын!

-Көк туымыз биік болсын!

-Жарайсыңдар, орындарыңа отырыңдар.

-Балалар қазір сауат ашу сабағын бастаймыз.

-Қазір жылдың қай мезгілі?

-Қыс.

-Қазір қай ай?

-Қаңтар айы

-Ауа райы қалай?

-Суық, аяз

ІІ. Өткен сабақты пысықтау.

-Әріп пен дыбыстың айырмашылығы неде?

-Дыбысты естиміз, айтамыз,әріпті көреміз, жазамыз.

-Өткен сабақта қандай дыбыспен таныстық?

-Ұ дыбысымен

-Ұ дыбысы қандай дыбыс?

-Дауысты дыбыс

-Ұ дыбысы бар сөздерді кім айтады?

-Ұршық, ұя, ұн,Ұлан,ұрпақ,ұлу,ұран

-өте жақсы

ІІІ. Жаңа сабақ.

«Кім жылдам?» ойынын ойната отырып,жұмбақтың шешуін табу.

	Б	а	л	ы	қ
б	А	л
	Қ	о	я	н
	А	с	т	а	н	а

1.Суда өседі ,өнеді,

Сыртқа шықса өледі. (Балық)

2.Аю нені жақсы көреді? (Бал)

3.Өзі қорқақ аң? (Қоян)

4.Біздің бас қаламыз қай қала? (Астана)

-Қандай сөз шықты?

-Бақа

-Бақа сөзі қандай дыбыстан басталады?

-Б дыбысынан

-Олай болса бүгін біз Б дыбысымен танысамыз.

-Қәне, бақа туралы өлең, тақпақ, ән білесіңдер ме?

-Бақа туралы әнімізді еске түсірейік.

-Бақа, бақа балпақ,

Басың неге жалпақ?

-Темір телпек көп киіп,

Басым содан жалпақ.

-Бақа,бақа балпақ,

Бұтың неге талтақ?

-Су бетінде көп жүзіп.

Бұтым содан талтақ.

-Жарайсыңдар.

IV. Суретпен жұмыс

-Балалар суреттерге назар аударайық, не бейнеленген?

-Балық, балапан, бақа, бесік, балта, балға,

-Б дыбысының сөздердегі орналасу тәртібін түсіндңрңп өту.

-Ал енді осы Б дыбысын алдарыңдағы айналарыңа қарап,дауыстап айтып көрейікші,не байқадыңдар?

-Балалар Б дыбысын айналарына қарап айтқан кезде ,еріндері бір-біріне тиетінін айтты.

-Ал енді осы дыбысты созып айтып көрейікші, созып айтуға келе ме екен?

-Жоқ, Б дыбысы созып айтуға келмейді,Б дыбысын созып айтсақ Ы дыбысы қосылып кетеді.

-Олай болса Б дыбысы қандай дыбыс екен?

-Дауыссыз дыбыс.

-Оны біз қандай текшемен белгілейміз? Көрсетіңдерші?

-Көк текшемен белгілейміз.

-Ал кане енді кім көп сөз біледі екен, бәріміз ойланып осы Б дыбысынан басталатын сөз ойлайық

-Балық, бақа,балапан, балдырған, бағдаршам, балға, балта, бесік, бұзау,бота, т.б

-Өте жақсы,көп сөздер біледі екенсіңдер. Осы сөздерді буынға бөліп көрейікші.

-Балға сөзін буынға бөлейік. Бал-ға

Б дыбысы сөздің басында, ортасында соңында кездеседі ,

-Міне мынау Б дыбысының әрпі (Кеспе әріптен көрсету)

-Мен осы әріпті ауада жазамын , тақтаға жазып көрсетемін.

-Балалар ауада жазады.

V. Дәптермен жұмыс.

Үзік сызықты қосып Б әрпін жазады.

VI. Сергіту сәті:

-Бала,бала, балақан

Қәне өайсы алақан?

Саусақтарың әйбат,

Былай-былай ойнат.

-Ал енді осы Б дыбысына әр кім бір сөз ойлайсыңда соны текшелеріңмен алдарыңда жазасыңдар және оны оқисыңдар.Кім жылдам орындаса сол бала тақтада көрсетеді.

-Балалар орындайды.

-Жарайсыңдар,жақсы ойлап таптыңдар.Енді мен жұмбақ жасырайын сендер тауып көріңдерші.

Табада бар,

Танада жоқ

Сабада бар

Санада жоқ

-Балалар жауабын тапты ,ол Б дыбысы

-Дұрыс айтасыңдар,ал енді жұмбақты бәріміз қайталап айтайық(екі-үш рет айтқызу)

VII. Сабақты қортындылау.

-Біз қандай дыбыспен таныстық?

-Б дыбысы қандай дыбыс?

-Оны біз қандай текшемен белгілейміз?

-Ойын: «Екінші буыным қайда?» ойынын ойнату

VIII. Мадақтау

.