Саба?ты? та?ырыбы: «А?ылды к?мекші»

«Переменовка орта мектебі» КММ

Габдуллина Мадина Мелдатқызы – бастауыш сынып мұғалімі

Сабақтың тақырыбы: «Ақылды көмекші»

Сабақтың мақсаты:

1. Оқушыларға «Ақылды көмекші» атты әңгіменің мазмұнымен таныстыра отырып, мәтіндегі негізгі идеяны ұғындыру. Оқушылардың компьютер туралы сауаттарын одан әрі кеңейте түсу.

2. Мәтін бойынша танымдылық тапсырмалар беру арқылы өз ойларын тұжырымдап жеке, топта жұмыс жасауға, көп ізденуге, бір-бірін тыңдап, өз ойын еркін, қысылмай айтуға дағдыландыру.

1. Компьютерді күнделікті өмірде пайдалана білуге баулу.

Сабақтың түрі: аралас сабақ.

Сабақтың әдісі: сұрақ-жауап, «Түртіп алу», «Топтастыру» стратегиялары.

Сабақтың көрнекіліктері: оқулықта берілген суреттер, компьютердің суреті.

Сабақтың барысы:

I.Ұйымдастыру кезеңі. Оқушылардың назарын сабаққа аудару, психологиялық

дайындық

Отан үшін, халық үшін

Талмай еңбек етеміз.

Оқып - біліп, құлшынамыз,

Жеңістерге жетеміз.

«Жалғасын тап» ойыны арқылы оқушыларды топқа бөлу

Мақал – мәтел.

1. Оқу білім – бұлағы, І топ. «Білгірлер»

..................................

1. Өнер алды ...................... ІІ топ. «Өнерлілер»

1. Талап- тұлпар, ІІІ топ. «Талаптылар»

..........................................

ІІ. Үй тапсырмасын сұрау. Ы.Алтынсариннің «Талаптың пайдасы» мәтінінің мазмұнын сұрау.

Сұрақ – жауап әдісі.

• «Талап» деген не?

• Шіркеуде патша назарына кім түсті?

• Бала патшаның суретін салуға неліктен қызықты?

• Патша балаға қандай қамқорлық жасады?

ІІІ. Жаңа сабақ

1. Қызығушылықты ояту. (Ой қозғау) стратегиясы.

(Геометриялық фигуралардан компьютердің суретін құрастыру)

- Компьютер.

• Компьютерді сендер қайдан көрдіңдер?

• Осы компьютермен не істейді?

• Компьютердің қандай пайдасы бар?

Компьютер туралы мағлұмат беру.

2. Мәтінмен жұмыс.

Мәтінді оқу, таныстыру, тізбектеп оқыту.

3. Мәтін бойынша сұрақтар:

- Айгүл әкесімен әуежайға не үшін барды?

- Олар неліктен билет ала алмады?

- Айгүлдің сұрақтарына кім жауап берді?

- Айгүл Сирена туралы не білді?

Тиісті белгілерді қою, анықтау. «Түртіп алу» стратегиясы бойынша жұмыс жасау.

Кесте толтыру

ІV. Сөздік жұмыс

Касса-билет сататын арнайы орын

ЭЕМ- электронды есептеуіш құрал

Сирена- дабыл, белгі

Компьютер- ақпараттық процесстерді жүзеге асыратын құрал

V. Ой түйіндеу. Қорыту

«Кубизм» әдісі бойынша

І топ. Жақтайды

(компьютердің адамға пайдасы, жақсы жақтары)

ІІ топ. Даттайды

(Компьютердің адамға келтіретін зияны)

ІІІ топ. Компьютерге хат жазу

VI. Үйге тапсырма. Мәтінді оқып келу және түсініктерін айту, әңгімелеу. Сурет салу.

VII. Бағалау