Разработка урока по татарскому языку на тему "Эш-х?р?к?тне белдер? торган с?зл?р.Кабатлау."

Татар теле 2 класс

Тема: Эш-хәрәкәтне белдерә торган сүзләр.Кабатлау.

Максат: Балаларны предметны һәм эш – хәрәкәтне белдергән сүзләр белән таныштыру, предметны белдергән сүзләргә кем? нәрсә? эш – хәрәкәтне белдергән сүзләргә нишли? нишлиләр? соравын куя белергә өйрәтү, мәрхәмәтлелек, җәнлекләргә җылы мөнәсәбәт тәрбияләү.

Планлаштырылган нәтиҗә: Белергә тиеш:

- Эш-хәрәкәтне белдерә торган сүзләр җөмләдә Нишли? Нишлиләр? Сорауларына җавап бирүен

Башкара алырга тиеш:

-Җөмләдә эш-хәрәкәтне белдергән сүзләргә сорау кую, аларны билгеләү һәм җөмләдәге ролен гамәли күзәтү.

УУГ:регулятив:укытучы ярдәме белән максат кую һәм эшне планлаштырырга өйрәнү;

эш тәртибен аңлап, уку эшчәнлеген оештыра белү; билгеләнгән критерийларга таянып, эш сыйфатына бәя бирә белү.

танып белү:сөйләм берәмлекләрен логик тәртипкә салу; тиешле мәгълүматны сайлап алу; төп мәгълүматны аеру; укылган яки тыңланган мәгълүматның эчтәлегенә бәя бирү.

коммуникатив:әңгәмәдәшнең фикерен тыңлый белү; төркемнәрдә эшли белү, үз сүзеңне әйтә белү.

Материал6: дәреслек, проектор, эш дәфтәре

1 этап.Оештыру өлеше.

Укучылар белән дәрескә уңай атмосфера тудыру .

- Без сезнең белән хәзер татар теле дәресе үткәрербез.

- Әйдәгез, бер-беребезгә хәерле иртә телик.

Хор белән әйтү:

Хәерле иртә миңа,

Хәерле иртә сиңа,

Хәерле иртә безгә,

Хәерле иртә сезгә!

- Кояш үзенең елмаюы, нурлары белән безгә яхшы кәеф бүләк итә

2 этап.Белемнәрне актуальләштерү.

• Менә бу рәсемдә нәрсәләр күрәсез? (Эт, куян, ат, әтәч, чеби, күбәләк)

• Ләкин бу җәнлекләребез хәрәкәтләнмиләр.

• Алар хәрәкәтләнсен өчен, әйдәгез бергәләп тылсымлы сүзләр кабатлыйбыз:

• Белемле кеше югалмас! Белем бәхет ачкычы. Белем кояштан яктырак.

• Ә алар һаман хәрәкәтләнмиләр, бу гына җитми.

• Әйдәгез, кызык итәбез үзләрен. Бергәләп предмет исемнәрен әйтәбез, сез балалар аларның хәрәкәтен белдергән сүзләрне табарсыз. (проблема куела)

• 3 этап. Яңа тема өстендә эш.

- Бу нәрсә? ( ат)

- Ат нишли? (чаба, кешни…..)

- Эт нишли? (өрә, тешли…….)

- Куян нишли? (сикерә, ашый…..)

- Әтәч нишли? (кычкыра)

- Күбәләк нишли? (оча)

- Хәрәкәтләнделәрме җәнлекләребез?

- Без нинди предметлар турында сөйләштек?

Димәк, предметны белдергән сүзләргә нинди сорау куйдык? (Кем? нәрсә?)

- Алар нинди хәрәкәтләр ясадылар?

- Ә хәрәкәтне белдергән сүзләргә нинди сораулар куйдык? (нишли? нишлиләр? )

- Бик дөрес укучылар. Предметны белдергән сүзләр җөмләдә кем? нәрсә? сорауларына җавап бирә.

Аларны тамгасы белдерә.

Эш – хәрәкәтне белдергән сүзләр җөмләдә нишли? нишлиләр? сорауларына җавап бирә.

Аларны тамгасы белдерә.

Кем әйтә ала буген без татар теле дәресендә нинди тема өстендә эшләрбез?

Нинди максат куярбыз?

Эш-хәрәкәтне белдерә торган сүзләр.

Физкультминутка.

4 этап. Ныгыту.

67 нче күнегү.(мөстәкыйль эш дәфтәре) Парлап эш. Тикшерү Хәрәкәтне белдергән сүзләргә сорайлар куеп анлату.

68 нче күнегү – төшеп калган сүзләрне язарга һәм табышмакларның җавабын табарга.

Рәсемне буярга.

“Почмак” уены. Почмакларга сүзләр куелган . Укучылар сүзләрне сайлыйлар һәм шул сүз белән бәйле мәкальне искә төшерәләр.

Каерылган. Егар. Күрер.

Алар искә төшергән вакытта тактада төрле җиргә мәкальләр куела . Тикшерү өчен.

Мөстәкыйль эш 70 нче күнегү.

5 этап. Тикшерү күнегүләре.

6 этап.Йомгаклау.

-Бүгенге дәрестә сез нәрсәләр белдегез?

-Предметны белдергән сүзләргә нинди сорау куябыз?

- Эш – хәрәкәтне белдергән сүзләргә нинди сорау куябыз?

-Аны безгә ни өчен белергә кирәк?

-Тагын хәтерегездә яхшырак калсын өчен , бер-берегезгә сөйләп карарсыз,

Өй эше: эш – хәрәкәтне белдергән сүзләр кергүн 3 татар халык мәкале язарга.