Разработка урока татарского языка во 2 классе на тему "Изложение. Кышкы урман"

Тема : Изложение “Кышкы урман”

Максат: 1) “изложение” төшенчәсе белән таныштыру;

2) бирелгән тема буенча телдән һәм язма сөйләм үстерү;

3) балаларда татар телен өйрәнүгә кызыксыну уяту.

Дәрес барышы.

1.Оештыру моменты.

1) Исәнләшү.

2) Дежур укучы белән әңгәмә.

3) Фонетик зарядка.

-Авазларны төрлечә әйтү: акрын-бераз катырак, югары тавыш белән.

-Аваз кушылмаларын әйтү: да-да-да, ту-ту-ту, бд-бд-бд.

2.Яңа белем күнекмәләре формалаштыру.

1) Изложение төшенчәсе белән таныштыру.

2) Текстны беренчел уку.

Кышкы урман

Кышкы урман бик матур! Тып-тын. Ә кар өстендә җәнлек эзләре күренә.

Аю, керпе кар астында йоклыйлар. Бүре белән төлке азык эзлиләр. Ә тиен көз көне киптергән чикләвекләрен, гөмбәләрен ашый. Куян ак тунын кигән.

Кышын җәнлекләргә авыр. Кешеләр аларга ярдәм итәргә тиеш.

3) Текст өстендә эш. Сораулар:

-Кышкы урман нинди?

-Кышкы урмандагы кардан ниләр “укып була”?

-Урманда нинди җәнлек кышны ничек үткәрә?

-Автор безне нәрсә эшләргә өнди?

3) План төзү. Укытучы белән бергәлектә план төзелә. Тактага укытучы тарафыннан языла.

Физкультминут. “Миңлебай” уены:

Без йөрибез әйләнеп,

Син уртада Миңлебай.

Син нишләсәң, ни кылансаң,

Без кыланырбыз шулай.

Уртадагы бала: Бер болай, бер болай,

Йә, кыланыгыз шулай.

Башкалар: Бер болай, бер болай,

Моны эшләү бик уңай.

4) План буенча эчтәлекне сөйләү (Чират буенча, яки укытучы башка алымнар да куллана ала).

3.Яңа белем күнекмәләрен куллану.

1) Укучылар караламага изложение язалар.

2) Укытучы берникадәр вакыттан соң тупас хаталарны төзәтә, күрсәтмә бирә.

3) Изложениены акламага күчереп язу.

4. Йомгаклау өлеше. Дәрескә нәтиҗә ясала. Кагыйдә буларак, өйгә эш бирелми.