Работа над стихотворением Р.Чайлака "Энвер къафес япмакъны агъасындан огренди".Къушларгъа ярдым.

Мевзу: Р.Чайлакънынъ «Энвер къафес япмакъны агъасындан огренди» шиир узеринде иш.Къушларгъа ярдым .Икяе тизюви.  

Дерснинъ макъсады:

-шиирнен танышмакь;

-мундеридже боюнджа чалышмакь;

-шиирни ифадели окъумагъа огренмек;

-тувгъан табиаткъа севги ашлатмакъ;

-айванларны ,къушларны къышта къорчаламагъа огренюв;

-тувгъан тилимизге севги ашлатмакъ;

-окъувгъа авеслик ашлатмакъ.

Дерснинъ теминаты: Дерсликлер,зенаатлар ресимлери, итерактив тахта, презентация «Къушлар  къышта»,альбом ,ренкли къуршун къалемлер.

Дерснинъ кетишаты:

Оджа ве талебелер арасында субет кечириле.

-Балалар,шимди насыл дерс?

-Шимди окъув дерси.

-Окъув дерсинде биз не япамыз? Насыл чалышамыз?

-Окъув дерсинде биз шиирлернен ,икяелернен, масалларнен танышамыз.  Оларны окъуймыз,къараманларнынъ арекетлерине къыймет кесемиз.

-кечкен дерсте биз зенаатлар акъкъында шиирнен таныштыкъ . Догърумы? Келинъиз хатырлайыкъ бу насыл зенаатлар? («Ананынъ суалине балаларнынъ джеваплары» шиирни текрарлав.)

Талебелернинъ дикъкъаты интерактив тахтагъа джельп этиле.Тахтада зенаатлар акъкъында тапмаджалар пей да ола .Талебелер догъру тапымыны тапсалар ,сонъра исе зенаат ресими пейда ола.

-Ким олмагъа истей Фера? Ким олмагъа истей Аким? Ким олмагъа истей Идрис?Ким олмагъа истей Къадыр?(Балаларнынъ джеваплары.)

-лякин сиз, оськен сонъ, ким олмакъ истейсинъиз? Бу суальни ресим иле косьтеринъиз. (Балалар ресим япалар. Ресимлернинъ презентациясы кечириле.)

                                            3.   Янъы мевзуны анълатув.

«Къушлар къышта» презентация косьтериле.Талебелер презентацияны сейир эткен сонъ дерснинъ мевзусыны тюшюнип тапалар.Бу иш оджанынъ ярдымы иле кечириле.

а)   Лугъат иши.

Оджа талебелернинъ дикъкъатыны тахтагъа джельп эте (тахтада: къафес,къайгъырмакъ, тамирлемек- сёзлериязылгъан)  Эр бир сёзнинъ манасы анълатыла ве эр сёзнен джумле тизиле.

б)  Оджа талебелерге шиирни окъуй.

в)  Шиирнинъ анализи.

-Шиирни ким язгъан? Шиир ким акъкъында? Энвер агъасындан нелер огренди? Нелерге Энвер къафес ясады? Энвер къушларгъа не сепе? Энверчик насыл бала?

г) Шиирни талебелер   «зынджыр»  иле окъуйлар.                                      

                                               4.  Раатлыкъ дакъкъасы.

Эллерини котерейик,               Къушчыкъ киби учайыкъ,

Терек киби саллайыкъ.            Еримизге отрайыкъ.

5.  «Къушларгъа ярдым» икяени тизюв. Группаларда чалышув.

а) Талебелер группаларгъа болюнелер. Оларгъа экишер метин ве бирер ресим берилле.Талебелер метинге келишкен метинни сечип алалар.Бу  метиннини группа-лардан бирер талебе окъуй ве не ичюн мытлакъ бу метинни сечип алынгъаныны анълата.

б) Талебелер суаллерге ве ярдымджы сёзлерге эсасланып ресим иле икяе тизелер.(Интерактив тахтада таблица пейда ола)              

Суаллер

Ярдымджы сёзлер

сувукъ къыш

2)Къышта не ягъа?

беяз къар къаплады

3)Нелерге сувукъ олды?

къушчыкълар

4)Балалар не япалар?

балаларнынъ ярдымы

5)Энвер не ясады?

къафес

6)Энвер къафесны къайда асты?

ювез тереги

7)Къушчыкъларны ненен ашата?

богъдай ,арпа,къабакъ урлукълары

8)Къушчыкълар не япалар?

авесликнен бегенип

6.Дерснинъ нетиджелери. Умумийлештирюв.

а) Къышта къушларгъа насыл ярдым этмек керек?

б) Десте биз не акъкъында лаф юрьсеттик?

в) Къушларгъа кягъыттан емликлер ясавы.

7.Релаксация . Дюльбер теречик.

Эр бир талебе дерсте нелерни бегенгенини ,не огренгенини айтып, теречикке алмаларны асалар . Дерсни бегенмеген сойлары исе япрачыкъларны асып ола билелер Лякин ойле  талебелер тапылмай.