?зін-?зі тану п?нінен саба? жоспары

Сабақтың мақсаты:

«Даналық» ұғымының адамгершілік құндылығы ретінде мәнін ашу арқылы, оқушыларға қиянат жасамау, дұрыс әрекет жолында сүйіспеншілік туралы түсінікті қалыптастыру.

Міндеттері:

• Жұмбақ, мақал – мәтел, ертегі – халық даналығы екендігін түсіндіру;

• Халық даналығына сүйіспеншілігін арттыру;

• Халық даналығын сақтауға, бағалауға тәрбиелеу.

Ресурстар: оқулық, Данышпан атаның жіберген хаты, Ақботаның қоржыны.

Сабақтың барысы:

1. Ұйымдастыру кезеңі.

Тыныштық сәті (баяу музыканы тыңдай отырып, оқушылардың бақытты, қуанышты сәттерін еске түсіру)

1. Үй тапсырмасын тексеру

Мәтін бойынша сұрақтар қою:

● Халық даналығы деген ұғымды қалай түсінесіңдер?

● Қандай адамды дана деп айтуға болады?

Сабақтың барысын талдау:

1. Дәйексөз.

«Ақыл шыңы – даналық». Халық даналығы.

Өте ақылды, ақылы асқан адамды дана адам дейді. Дана адам барлық істі ақылмен шешеді, ойланып барып әрекет етеді. Ұстамды өте сабырлы болады. Өйткені ашуын ақылмен жеңеді. Айтар ойын қысқа да, нұсқа, дәл айтады.

Дәптермен жұмыс.

1. Әңгімелеу.

«Алпыстан асқаннан ақыл сұра». Ертегі.

Ертегіде патшаның қаталдығы, баланың мейірімділігі, уәзірлердің арамза іс-әрекеттері мен қарттың даналығы баяндалады.

Сұрақ:

● Ертегідегі патшаның жарлығы дұрыс па?

● Қарттың даналығы неден көрінеді?

Сахналық көрініс.

1. Шығармашылық жұмыс, топтық жұмыс.

«Мен мақалдап сөйлеймін». Ақботаның қоржынындағы Данышпан атаның хатын оқу.

1 – әңгіме: Ақыш аға жастайынан еңбекпен күнін көрген адам. Мектеп жасынан әкесінің жанынан қалмай, егін даласында өскен ағайды дүйім жұрт мақтан тұтады.

Жауаптар: «Еңбек ер атандырады», «Еңбектің наны тәтті», «Еңбек етсең ерінбей, тояды қарның тіленбей».

2 – әңгіме: Ботаның алдына қойған мақсаты – тек жақсы оқу болған сияқты. Бар уақытын тек мектеп пен кітапхана ішінде өткізетін Ботаны достары «Кішкентай оқымысты» деп атайды.

Жауаптар: «Оқу инемен құдық қазғандай», «Оқу – білім бұлағы, білім – өмір шырағы», «Оқусыз білім жоқ, білімсіз күнің жоқ».

1. Мәтінмен жұмыс. «Өсиет әңгіме»

Мәтінді тізбектеп оқу. Мұғалімнің әңгімені айтып беруі.

Сұрақтар:

● Хан баласы «халық даналығын» қалай табады?

● Халық даналығына нелер жатады?

Оқулықпен жұмыс.

1. Топтастыру.Даналық сөздерді оқып, суретте берілген тақырыптарға сәйкестендіру.

1. Оқу- инемен құдық қазғандай.

2. Адам деген- ардақты ат.

3. Еңбек етсең ерінбей, тояды қарның тіленбей.

4. Адам арын ойлайды.

5. Оқу - білім бұлағы, білім-өмір шырағы.

6. Оқусыз білім жоқ, білімсіз күнің жоқ.

7. Адамның сұлулығы – шыншылдығында.

Оқушылардың болашақта ақылды, дана болуын мақсат тұтып, сабақ соңында Айбатыр Сейтақтың мына өлең жолдарын бірге айтып, сабақты аяқтау:

Халықтың даналығы –

Ақыл – ой қазынасы!

Түсінген саналыға

Тым терең мағынасы.

Жұмбақ ойын. «Жұм-аш»

1. Үйге тапсырма:

26 – сабақ, «Өсиет әңгіме». Мәтінді оқып, мазмұндау. Халық даналығының біреуін таңдап, өз ойларын жазу.

●Мақал – мәтелдер

●Шешендік – сөздер

●Аңыз әңгімелер

●Нақыл сөздер

1. Соңғы тыныштық сәті.

Баяу музыка қосылып, тыныштықта, бүгінгі сабақтан алған әсерімізді жүрегімізге жеткізіп, жадымызда сақтап және де ойымызды жинақтап, көктемнің қызғалдақ гүлдеріне өз пікірлерін жеткізіп жазу.