?зін-?зі тану "Адал досты?"

Сабақ мақсаты: оқушыларға сүйіспеншілік құндылығының мәнін түсіндіру.

Міндеттері:

1 Оқушыларға бауырмалдық, достық, татулық туралы түсінік беру.

2 Оқушыларда бауырмалдық, достық, татулық қабілеттерін дамыту.

3 Оқушыларды бауырмал, дос, тату болуға, жылы сөздер айта білуге тәрбиелеу.

Ресурстар:

Ватман қағазы, маркерлер,

«Нұрға бөлену» әуені

Ұлы адамдардың ойлары, ұлағатты сөздері, дос туралы мақал-мәтелдер, тірек сөздер.

Сабақ барысы:

1. Ұйымдастыру кезеңi.

Тыныштық сәтi. «Достық аралы»

Классикалық үлгідегі әуен ырағы жүргізіледі.

Балалар қайығымызға жайғасып отырайық. Терең тыныстап, денемізді бос ұстайық. Көзімізді жұмып, саяхатымыздан рахат алайық.

Көз алдарына тыныш, көгілдір теңізді елестетіңдер. Оның дымқыл, таза ауасын сезініңдер. Көк аспанда ақ мамық бұлттар қалықтап барады. Теңіздің толқындары қайығымыздың сыртында толқиды. Біздің қайығымыз самал жел лебімен «Достық» аралына самғап барады. Артта түрлі қалалар мен елдер қалды. Алыста көкжиектен жер көрінді. Біз жақындаған сайын, ол көз алдымызда үлкейіп келеді. Арал үстінде әдемі, мейірімді күн өз шуағын төгіп тұр. Біз қайықтан жағаға түстік. Айналамызда әдемі ағаштар, қызыл, көк, сары гүлдер. Олардың иісі қандай тамаша! Ағаш бұталарында әдемі құстар отыр. Біз әсем, жасыл шөппен әдемі баққа келдік. Бақтың есігі айқара ашылып, бізге қарай осы аралда тұратын мейірімді балалар келе жатыр. Соларды ойша қарсы алайық.

Енді көздеріңді ашыңдар.

• Балалар, «Достық» аралын көз алдарына қалай елестеттіңдер?

Балалардың ойларын тыңдау.

Сабақ барысын талдау:

2. Үй тапсырмасын тексеру. №9 сабақ. 2 тапсырма. 53 бет.

(Ертегіні мазмұндау).

3.Дәйексөз.

Айнымас досы бар адам-ең бақытты адам..

Халық мақалы

А) Дәйексөзді хормен айту

Ә) Дәйексөзді дәптерлеріне жаздыру.

- Шынайы дос қандай болуы керек деп ойлайсыздар?

4.Мұғалім сыйлығы

Өсиет-әңгіме

Ертеде бір ақылды қария болыпты. Бір күні ақылды қарияға бір жігіт келіп:

-Ақсақал, мен қандай жігітпін? Сыңаңызшы,-депті.

Қарт жігітке:

-Жолдасыңды көрсет, сонан соң айтамын,-депті. Жігіт жолдасын қартқа жіберіпті.

Қарт жігіттің жолдасымен ұзақ сөйлесіп, ақырында жігіттің өзін шақырыпты. Жігіт келген соң, қарт:

-Шырағым, жаман жігіт емессің,-депті.

-Қалайша олай дейді? Мені бұрын көрген жоқсыз ғой?-депті жігіт. Қарт күліп:

-«Жігітті жолдасына қарап бағала» дейді халық,-депті.

Сұрақтар:

1. Мәтіннің мазмұны не туралы?

2.«Жігітті жолдасына қарап бағала» деген сөз ді қалай түсінесіңдер?

3.Осы мәтінде екі достың арасында қандай құндылықты байқадыңдар?

4.Сендер өздеріңді достарына адал, шыншыл, жаңашыр және кешірімді дос болу үшін қандай іс –әрекет жасау керек деп ойлайсындар?

5.Шығармашылық жұмыс, топтық жұмыс.

Оқушылар 3 түрлі түсті қағазды таңдау арқылы топтарға бөлінеді, топпен жұмыс. Әр топқа әртүрлі тапсырмалар беріледі.

1-тапсырма.

1-топқа. Дос туралы мақал-мәтелдерді жатқа айту.

2-топқа. Адал дос деген қандай болу керек? Соны топтап жазып беру.

Әр топ өз тапсырмаларын қорғайды.

2-тапсырма.

Ойын: «Мен қандаймын?»

Әр бала бойындағы жақсы қасиеттерін күн шуағына жазып, тақтаға іледі. Тақтада жақсы құндылықтарға толы үлкен күн құрастырылады.

6. Топпен ән айту. Мұғалім оқушылармен бірге үлкен шеңберге жиналып 

Жан Досым  өлеңін үнтаспаға қосылып айтады.

1)Іздегенде табылатын қасыңнан

Көңілі бар қызғалдақтай ашылған

Көріспесек сағыныштан жүдейтін

Кім бар жақын бала күнгі досыңнан

Жан досым, үстем болсын мерейің

Әрқашан жеңісіңді көрейін

Сырымыз да бітпесін

Жырымыз да бітпесін

Жырымыз да бітпесін

7.Үй тапсырмасы: № 11 (20 бет), сабақты бекіту. Дәптермен жұмыс.

1-тапсырма. «Досыңды құрметте» нақыл сөзі шығу үшін әріптерді дұрыс орналастырыңдар да, гүлдерді бояңдар.

№16 (22 бет) 2-тапсырма.

Мақалды аяқтаңдар.

Досы көпті ... алмайды,

Ақылды көпті ... алмайды.

8.Тыныштық сәті:.

Классикалық үлгідегі әуен ырағы жүргізіледі.

Көздеріңді жұмып, достық жайлы лебіздеріңізді, ойша жіберіңдер.