Oyijonlar, onalar

Mavzu: Oyijonlar, onalar.

Kavsar Turdiyeva

Darsning maqsadlari:

ta’limiy: o’quvchilarni she’r mazmuni bilan tanishtirish, to’g’ri va ongli o’qishga o’rgatish, onalar bayrami haqida ma’lumot berish.

FK1: she’rni ongli, ifodali o’qiy olish, mavzuga mos maqol topa olish.

tarbiyaviy: ota-onaga hurmat, ularga mehribon, yaxshi farzand bo’lish hislarini tarbiyalash.

TK4: odob-axloq qoidalariga rioya qilish.

rivojlantiruvchi: o’quvchilarning mustaqil va ijodiy ishlash qobilyatlarini oshirish, lug’at ustida ishlash ko’nikmalarini rivojlantirish.

FK2: matndagi so’z va gaplarning ma’nolarini tushuna olish.

Dars turi: yangi tushuncha va bilimlarni shakllantiruvchi.

Dars metodlari: suhbat, tushuntirish, kichik guruhlarda ishlash, “Zanjir” metodi, “Ichida o’qish” metodi.

Dars jihozi: darslik va videolavhalar, mavzuga oid rasmlar, ko’rsatmali va tarqatma materiallar.

Darsning borishi:

I.Tashkiliy qism.

O’quvchilar bilan salomlashish, navbatchi axboroti tinglanadi, o’quvchilarning darsga tayyorgarligi tekshiriladi.

II.Uy vazifasini so’rash va o’tilgan mavzuni mustahkamlash.

- O’tilgan mavzuni mustahkamlashdan oldin uch guruhga bo’linib olamiz. Darsni musobaqa tarzida olib boramiz.

I – guruh - Binafsha

II – guruh – Boychechak

III – guruh – Lolaqizg’aldoq

“Bahor yaqin” she’ri yoddan so’raladi.

She’r asosida savol-javob o’tkaziladi.

- Bahor yaqinlashib kelayotganda tabiatda qanday o’zgarishlar yuz beradi?

- She’rda bahor faslida tabiat uyg’onishi qanday tavirlangan?

- Bahor faslini qanday so’zlar bilan tariflash mumkin?

O’quvchilarning javoblari to’ldirilib, umumlashtiriladi.

• Dunyoda eng mo’tabar inson kim?

• Kasal bo’lganingizda sizga kim g’amxo’rlik qiladi?

• Eng yaxshi ko’rgan insoningiz kim?

• To’g’ri aytasiz bolalar bu onamiz.

“Mozaika mashqi”. Har bir guruhga onalar rasmi tasvirlangan konvertlar tarqatiladi. O’quvchilar rasmni “Mozaika” usuli yordamida yig’adilar.

III.Yangi mavzu bayoni.

- Bolajonlar yig’gan rasmlarni tasvirlashadi. O’quvchilarning javoblari tinglanib, yangi mavzu e’lon qlinadi.

- Biz bugun sizlar bilan Kavsar Turdiyevaning “Oyijonlar, onalar” she’ri bilan tanishamiz.

Kavsar Turdiyeva haqida qisqacha ma’lumot beriladi. She’r mazmuniga mos videolavha na’moyish qilinadi va o’qituvchi she’rni ifodali o’qiydi. Guruhlar she’rni “Ichida o’qish” usulida o’qiydilar va notanish so’zlarni belgilaydilar.

Lug’at ishi:

Ostona – kiraverish, bo’sag’a

Safar – sayohat, sayir, biror joyga borish

Ulug’vor – savlatdor ko’rinishli, salobatli

Martaba – daraja, bosqich, qadr qimmat

Dam olish daqiqasi.

“Bu mening onam” qo’shig’i tinglanadi.

IV. Yangi mavzuni mustahkamlash.

1) “Zanjir” usulida o’qitish.

2) Guruhlarga topshiriq beriladi.

Guruhlar reja asosida “Mening onam” mavzusida og’zaki hikoya tuzishadi. Og’zaki hikoydan so’ng test topshiriqlarini bajaradilar.

Test topshiriqlari:

1. “Oyijonlar, onalar” she’rinng muallifini aniqlang.

A)Safar Barnoyev B)Kavsar Turdiyeva D)Rauf Tolib

2. She’rda kim ulug’langan?

A)ona B)ota D)farzand

3. “Buyuk” so’ziga qofiyadosh so’zni toping.

A)ulug’ B)suyuk D)beg’ubor

4.Onajonlar bayrami qachon nishonlanadi?

A)1-martda B)21-martda D)8-martda

5.She’rdagi shevada onajonlar qanday atalgan?

A)ona, ena, buvi B)aya, oyi, buvi D)ona, buvi, opa

6.Dunyodagi eng mo’tabar inson?

A)ota B)ona D)farzand

V. Darsga yakun yasash va baholash

Darsda o’rganilgan bilimlar yuzasidan umumlashtiruvchi savol-javob o’tkazilib, dars yakunlanadi.

• She’r sizga yoqdimi?

• She’rning oxirgi misrasi mazmunini so’zlab bering

Dars davomida faol qatnashgan guruhlar ballari e’lon qilinib, rag’batlantiriladi.

VI. Uyga vazifa: She’rni ifodali o’qib, yod olish.

DILFUZA FAYZULLAYEVA

Namangan viloyati, Uchqo’rg’on tumanidagi

42-umumta’lim maktabining

boshlang’ich sinf o’qituvchisi