Открытый урок по познанию мира на тему "Құм,саз және әктас"

Құм, саз және әктас.

Имангалиева Гулжиян Сайлауқызы

Ж.Досмұхамедов атындағы жалпы білім

беретін орта мектеп-балабақша кешені

                                                                         Сырым ауданы, Батыс Қазақстан облысы

3 сынып

Сабақтың тақырыбы: Құм, саз және әктас.

Сабақтың мақсаты:

Білімділік: Оқушылардың тау жыныстары жайындағы ұғымдарын кеңейту. Тау жыныстарының тығыз, қаттыларымен бірге өте ұсақталған майдаларының болатынын түсіндіру.

Дамытушылық: Пайдалы қазбалар жөнінде танымдарын кеңейту.

Тәрбиелік: Ізденімпаздыққа, ұйымшылдыққа тәрбиелеу.

Сабақтың түрі: аралас.

Сабақтың әдісі: сұрақ-жауап, баяндау, СТО технологиясының әдіс-тәсілдері.

Сабақтың көрнекілігі: пайдалы қазбалар коллекциясы, карта, слайд, зертханалық жұмысқа арналған құрал-жабдықтар.

Сабақтың барысы:

І  Ұйымдастыру кезеңі.

Оқушылардың сабаққа дайындығын тексеру.

Психологиялық дайындық.

Үлкенге де сіз

Кішіге де сіз.

Сәлем бердік сіздерге

Құрметпенен біз.

ІІ  Үй тапсырмасын тексеру.

«Гранит» тақырыбын сұрау. Граниттің қасиеттері, гранит неден тұрады?

ІІІ  Өткенді пысықтау.

• Пайдалы қазба деген не?
• Қандай тау жыныстары болады? (қатты, қопсынды)
• Қатты тау жыныстарына нелер жатады? (гранит, әктас, таскөмір)
• Қопсынды тау жыныстарына нелер жатады? (құм, саз)
• Пайдалы қазбалар қандай түрде болады? (қатты, сұйық, газ)
• Қатты түріне нелер жатады? (гранит, әктас, таскөмір)
• Сұйық түріне нелер жатады? (мұнай, сынап)
• Газ түріне нелер жатады? (табиғи газ)
• Пайдалы қазбалар қасиеті жағынан неше топқа бөлінеді? (3)
• Пайдалы қазбалар қандай топтарға бөлінеді? (жанғыш, кенді, кенсіз)
• Жанғыш пайдалы қазбаларға нелер жатады? (көмір, мұнай, газ)
• Кенді пайдалы қазбаларға нелер жатады? (темір, алюминий, мыс, қорғасын)
• Кенсіз пайдалы қазбаларға нелер жатады? (тұз, мәрмәр, гранит, әктас, құм, саз)
• Қандай пайдалы қазбалар құрылыста қолданылады? (кірпіш, бетон, әктас, мәрмәр, құм, саз)
• Пайдалы қазба табылған жер қалай аталады? (кен орны)
• Ал оларды өндіретін жер қалай аталады? (кеніш)

ІҮ  Қызығушылықты ояту кезеңі.

Жұмбақ жасыру.

- Құм мен сазды қайдан көруге болады?

- Құм мен саз қопсынды ма, қатты ма?

Ү  Мағынаны тану кезеңі.

Оқулықтан «Құм, саз және әктас» тақырыбын оқу.

1- слайд.  Құм туралы түсінік беру.

2- слайд.  Саз туралы түсінік беру.

3- слайд.  Әктас туралы түсінік беру.

4- слайд.  Мәрмәр туралы түсінік беру.

ҮІ  Сергіту сәті.

Мынау менің жүрегім,

Бәрі осыдан басталған.

Мынау басым ақылды,

Бәрін осы басқарған.

Мынау оң қолым,

Мынау сол қолым,

Барлық істі атқарған.

Тәжірибе жасау.

Құм мен саздың су өткізгіштік қасиетін анықтау. Екі құйғы (воронка) алып, тұрғыға бекіту.Астына стакан қою. Құйғының түбін бір шөкім мақтамен бітеу. Біреуінің ішіне аздап құм, екіншісіне сондай мөлшерде ұнтақталған құрғақ саз салып, жайлап тығыздау. Енді екі құйғыға да толтырып су құю. Біраздан кейін қарасақ, құм салған құйғыдағы судың түгелдей ағып кеткенін көреміз. Саз салған құйғыдағы су онша ортаймаған. Бұдан құм мен саздың су өткізгіштік қасиеті жайында қандай қорытынды жасауға болады. Құм суды тез өткізеді. Саз суды жай өткізеді. Дәптерлеріне жазады.

ҮІІ  Ой толғаныс кезеңі.

Құм                                                                            Саз

Әктас                                                               Мәрмәр

ҮІІІ Үйге тапсырма. Түсінгенін айту.

ІХ  Бағалау.