Открытый урок на тему "Жолда ж?ру ережесі"

Жамбыл облысы, Талас ауданы, Қаратау қаласының

«Үміт» мектеп-интернатының тәрбиешісі Есиркепова Бану Кажимовна

Сабақтың тақырыбы: "Жолда жүру ережесі"

Мақсаты:

Білімділік:- оқушыларды жолда жүру ережелерімен таныстыру, оқушыларды жол қауіпсіздігін есте сақтауға, көшеде дұрыс жүруін ескерту:

Тәрбиелік: -оқушыларды жол ережесін сақтауға, көшеде дұрыс жүруге, жол белгілерін жатқа білуге тәрбиелеу;

Дамытушылық: -оқушлардың ой-өрісін, сана-сезімін, өзін-өзі ұстауын, көшеде дұрыс жүріп тұруын дамыту;

Көрнекілігі: "Жолда жүру ережесі" туралы ескертпе плакат, тыйым салынатын ескерту белгілері, бағдаршамға байланысты қағаздар.

Сабақтың барысы.

Ұйымдастыру кезеңі:

Жоқ өзінде бас та ауыз, құлақ та,

Бақырайған үш көзі бар бірақ та.

/Бағдаршам/

Балалар көшеде жүру ережесін білу бізге не үшін керек?

Жаяу қай жермен жүруге болмайды?

Көшеде жүру тәртібін кім басқарады?

Бағдаршам туралы не білесіңдер?

Қызыл жанды тоқтағын,

Көрдің жұрттың тосқанын

Сары жанды- дайындал

Айналаңа қарап ал.

Жасыл жанды- тыңдағын

Жолың, ашық тұрмағын.

Біздің қаламызда, еліміздің барлық қала, ауылдарына- бәріне ортақ көше қатынас ережесі енгізілген. Бұл ережені оқушылар да, үлкендер де, көлік жүргізетін жүргізушілер де бұлжытпай орындауы керек.

Бағдаршам- өмірімізді жазымнан сақтандыратын көекшіміз. Бағдаршамның сырын біліп, тілін алу баршамызға керек.

Қай көше, қай қай қалаға барсаңыз да,

Қай ақыл өлшеміне салсаңыз да

Жолда жүру ережесі- заңды тәртіп

Ол ортақ үлкен кіші баршамызға.

Көптеген мектеп оқушылары жолда жүру ережесін жете білмейді. Ал кейбірі біле тұра жаяу жүргіншілерге арналған міндеттерді орындағысы келмейді.

Тротуар сөзі француз тілінен аударғанда "Жаяу жүргіншіге арналған жол" дегенді білдіреді.

Тротуарда жүру тәртібі:

Жеке жүрсең:

1. Тротуардың оң жағын ала жүр.

2. Жүгірме, асықпай адымда

3. Жол жиегін аттама, оның үстімен жүрме.

4. Тротуар үстіндегі кедергілерді жүргін бөлікке шықпай айналып өт.

5. Тротуардың ортасына тұрма, үйлерге жақын қапталына қарай барып тұр.

6. Тротуар үстінде алысып, ойнама.

Жолаушылар қоршауынан асып өтпе. Оның астынан өтпе және үстіне асылып отырма.

Қорытынды:

Топпен бірге жүрсең:

1. Қатардан шықпа.

2. Алысып ойнама.

3. Жүгірме, секірме, итеріспе.

4. Шуылдама.

5. Мұғалімнің жөн сілтеуіне ғана құлақ ас, басқаларға алаңдама.

6. Әлдеқандай затыңды жүргін бөлікке түсіріп алсаң, тротуар үстінде тұрып ересектерден көмек сұра.