О?ымысты бала.

[Введите подзаголовок документа]

Дархан & Шерхан

Бастауыш сынып мұғалімі : Абикенова Дария Темирбековна

Пәні: Ана тілі

Сабақтың тақырыбы: Оқымысты бала

Білімдік мақсаты: Оқушыларға жаңа сөздермен таныстырып, сөздерді буынға бөліп үйрету;

Дамытушылық мақсаты: Сөздік қорларын байыту, өз ойларын айтуға үйретіп, ой-өрістерін дамыту, ауызша, жазбаша тілдерін дамыту;

Тәрбиелік мақсаты: Адамгершілікке баулу және жалқаулық пен мақтаншақтықтан аулақ болуға үйрету.

Сабақтың түрі: аралас

Әдістері: интерактивті әдіс, сұрақ-жауап, жаттығу, танымдық –іздендіруші, түсіндіру;

Көрнекіліктері: интерактивті тақта, иллюстрациялық сурет, сөзтізбек

Сабақ барысы

І. Ұйымдастыру кезеңі. –Саламатсыздар, балалар, отырыңыздар.

Балалар, бүгінгі біздің сабағымыз ерекше, себебі сабағымызға қонақтар келіп отыр.

Сабағымызды бастайық,

Ешбір асып-саспайық,

Біліктілік көрсетіп,

Әдептілік сақтайық!

Балалар бүгінгі сабағымыздың мақсатына назар аударайық! (Интертақтадан мақсаттарын айту)

ІІ. Өткен сабақпен байланыс. Үй жұмысын сұрау.

1. Мәтінді оқыту; (жеке оқушымен жұмыс)

2. Мазмұнын айтқызу;(жеке оқушымен жұмыс)

3. Сұрақ-жауап (жалпылама сұрау)

-Аяулы ертегіні неліктен тыңдай алмады? ( Кейбір сөздерін түсінбегендіктен, есіл-дерті далада болды, ойы басқада болып, ертегіні тыңдағысы келмеді.)

-Гүлдана ертегіні қалай тыңдады? ( басынын аяғына дейін тыңдады, ертегіні қызыға тыңдады, Аяулы сияқты әжесінің сөзін бөлген жоқ.)

Аяулы Гүлданаға неге таңғалды? ( Ол ертегіні тез ұғып алғанына таңғалды, ертегіні жалғыстырып айтып берді)

Әже ертегісін тыңдау үшін Аяулыға не қажет еді? ( төзімділік,шыдамдылық, бар зейінін сала білу керек еді, ықылас қойып тыңдай білу керек)

Сонымен, балалар, өткен сабағымызда адамгершілік қасиеттердің бірі төзім, яғни шыдамдылық, сабырлық керек екенін білдік.Ал, енді, жаңа сабағымызға кірісейік,дәптерді ашып,бүгінгі күнді жазайық.

ІІІ. Жаңа сабақ

Ауызша жаттығайық, жаңа ережелермен танысайық. 65-жаттығуға назар аударайық.немесе интерактивті тақтаға қарайық.

Сөздерді буынға бөлу

1. Қа-йың,сөзіндегі екі дауысты дыбыс ,яғни а мен ы ортасында келеді, екінші буын осы дыбыстан басталып тұр.

Мыны сөздерді буынға бөліп жаттығайық : О-йын-шық, қа-йың, зе-йін-ді,мо-мын, кө-

бей-еді, сү-йін ші .

1. Жа-ңа сөзінде ң дыбысы қандай екі дауысты дыбыстан кейін келеді? ( ереже шығару)

Мына сөздерді буынға бөліп көрейік:Жаңалық, қоңырау, қоңыр, жаңылтпаш, жеңіс, теңіз, жеңіл.

1. Та-уық сөзінде у дыбысы қандай екі дауысты дыбыстан кейін келеді?

Мына сөздерді буынға бөлейік ауа,ауыл,дауыл,дауыс,сауыншы,қауын, сауысқан,бауыр.

Жаттап алайық: й,ң у екі дауыстының ортасында келсе, екінші буынның басында айтылады: қа-йық, жа-ңа,та-уық.

Жазбаша жаттығайық:

Оқулықта қарамен жазылып көрсетілген сөздерді буынға бөліп, дәптерге жазайық.

О-йын-шық, қа-йың, қо-ңы-рау,же-ңіс, а-уыл, ба-уыр.

Сергіту сәті:

Білімділік шыңына

Ерінбей біз жетеміз

Жақсылықты ұғып ап

Адам болып өсеміз

Жамандықтан аулақ боп,

Жалқаулыққа жоламай

Үлкендерді сыйламыз

Әр сабаққа деп қойып

Ықыласпен тыңдаймыз

Мәтінмен жұмыс : Оқымысты бала. Авторы Міржақып Дулатов (ақын,жазушы,бес арыстың бірі)

1.Мәтінді түсініп оқимыз.

2. Оқушыларды тізбектеп оқыту,

3.Түсініксіз сөздерді табу.( Сөздікпен жұмыс )

Оқымысты – көп оқитын бала .

Жазғытұрым-көктемнің соңғы уақыты, жазға таянған мезгіл.

Тырма – шөпті жинайтын құрал.

4.Мазмұнын ашу.

5.Сұрақтармен жұмыс

Сұрақтармен жұмыс :

1.Әкесі баласына қандай жұмыс тапсырды?

Әкесі баласына қолына тырманы алып,шапқан шөпті жинауды тапсырды.

2.Баласы не деп жауап берді?

Баласы әр түрлі ғылымдар оқып келгенін ,қазақтың сөздерін ұмытып қалғанын айтып,тысқа шығады.

3.Бала қандай жағдайға душар болды?

Бала тыста жатқан тырманың басын байқамай басып кеткенде оның сабы маңдайына тақ етіп тиеді.Сонда ғана тырманың не нәрсе екенін есіне түсіреді.

Өз ойымызды ортаға салайық:

« Оқымысты баланың бұл қылығы дұрыс па?

Жоқ, дұрыс емес, себебі ол әкесін тыңдағысы келмеді.

Бала әкесін неге тыңдағысы келмеді?

Еріншектік көрсетіп, жұмыс істегісі келмеді.

Баланың қандай қылықтары ұнамады?

Мақтаншақтық, жалқаулық, тілін құрметтемейді,үлкеннің тілін алғысы

келмейді.Ал,баланың қай қылықтары ұнады?

-түрлі ғылымдарды үйренуі,қолы бос уақытында кітап оқуы,түрлі

құралдардың аяқ астында жатпай,бір жерге жинау керектігін білуі.

Суретпен жұмыс

1. Балалар , суретте кімнің суреті бейнеленген?

2. Баланың үстіндегі киімді қай мезгілде киеді?

3. Табиғат қалай суреттелген?

4 . Баланың қолындағы кітап неге салынған?

Сабақты қорытындылау : Тест жұмысы

Тест жұмысы

:

1 . Шыдамды ,сабырлы болу қасиеті :

А) ұқыпты

В) төзімді

С) тәртіпті

2. Бір буынды сөзді тап.

А)Сезім

В)Саған

Г)Сен

3 Ештеңе істегісі келмей , жалқаулық көрсететін жаман әдет.

А) еріншектік

В) мақтаншақтық

С) ұқыпсыздық

4. Төрт буынды сөз:

А)ойыншық

В)бала

Г)Сарышұнақ

5.Айыр,күрек ,тырманы аяқ астына шашып тастамай, бір жерге жинап қою қандай қасиет?

А) кісілік

В) ұқыптылық

С) төзімділік

Оқушылардан жауабын а,в,с әріптерін қолдарына алып, жауаптарын көрсету.

Оқушыларды бағалау.