Ochiq dars : Ot so‘z turkumi

Samarqand viloyati

Kattaqo’rg’on shahar

XTMFMT va TEB ga qarashli

11-ixtisoslashgan davlat umumta’lim maktabi

Boshlang’ich sinf o’qituvchisi

Bobomurodova Shohista tomonidan

3-“D” sinfida ona tili fanidan

o’tkazilgan ochiq dars

2019-2020- o`quv yili.

Sinf: 3-“D”

Fan: Ona tili

Mavzu: Ot so`z turkumi bo`yicha o`tilganlarni mustahkamlash.

Darsning maqsadi:

Ta`limiy: Kim?, nima?, kimlar?, nimalar? so`roqlariga javob bo`ladigan so`zlar, kishi ism-shariflarining, joy nomlarining, hayvon nomlarining bosh harf bilan yozilishi haqidagi bilimlarni aniqlash, ulardan to`g`ri foydalana olish malakalarini tekshirish, o`quvchilar nutqini o`stirish.

FK1: gap ohangiga rioya qilgan holda ravon va ifodali o`qiy oladi; Kim?, nima?, kimlar?, nimalar? so`roqlariga javob bo`ladigan so`zlarni yoza oladi.

Tarbiyaviy: Yuksak insoniy fazilatlar mohiyatini anglatish, ularga ongli munosabatda bo`lish, yaxshini yomondan ajrata olish bilimini shakllantirish.

TK5: o`zi yashab turgan joining tarixiy obidalarini bilish.

Rivojlantiruvchi: O`quvchilarning olgan nazariy bilimlarini amaliyotda qo`llab ko`rishga chorlash.

FK2: talaffuz me`yorlariga va bo`g`in ko`cherish qoidasiga rioya qila oladi.

Darsning turi: noan`anaviy mustahkamlovchi dars

Darsning uslubi: savol-javob, og`zaki, xususiydan umumiyga o`tib boorish.

Darsning jihozi: darslik, tarqatma materiallar (test, kartochkalar), rasmli plakatlar.

Darsning borishi

I.Tashkiliy qism.

Hamma so`zning ichida

Salom sevgan so`zimiz

Tilimizni bu so`zga

O`rgatganmiz o`zimiz

Shuning uchun aytamiz

Assalom-u alaykum!

O`qituvchi: Har narsadan xabarchi

Sinfda kim navbatchi

Navbatchi axboroti tinglanadi.

O`qituvchi: Ma`lumot qabul qilindi. Demak, davomatimiz a`lo, buning uchun ota-onangizga, sizga ming rahmat.

O`qituvchi: Bolajonlar! Hozir o`lkamizda qaysi fasl hukm surmoqda?

O`quvchilar: Qish.

O`qituvchi: Qish faslida tabiatimizda qanday o`zgarishlar ro`y beradi?

O`quvchi: Havo soviy boshlaydi, qor yog`adi …

Hamshiraning maslahati mevalar va sabzavotlarga

O`qituvchi: Yanvar oyida bo`ladigan qanday muhim sanalarni bilasiz?

O`quvchi: 1-yanvar – Yangi yil bayrami

14-yanvar – Vatan himoyachilar kuni.

30-yanvar – Birinchi Prezidentimiz I.A.Karimovning tavallud topgan kunlarini nishonlaymiz.

O`qituvchi: Hozirgi sabog`ingiz nomi?

O`quvchilar: Ona tili darsimiz,

Navoiy avlodimiz

O`rganib olib bilim,

O`rgatmoq maqsadimiz.

O`qituvchi: Darsning shiori?

O`quvchilar: Chiroyli yoz yozsang xat,

Husnixat ham bir san`at.

O`qituvchi: Maqsadimiz?

O`quvchilar: Kuchli 30talik davlatlar qatoriga kiribA1+maktablarida o`qish.

O`qituvchi: Balli bolajonlarim!

Mening bilag`onlarim

Diqqat qiling o`zimga

Quloq soling so`zimga.

• Bolajonlar darsimiz yanada qiziqarli bo`lishi uchun noan`anaviy tarzda, 3 guruhga bo`lib o`tamiz. Sinfimiz sardorlari guruhlarining nomlari bilan tanishtiradilar.

1
-guruh: Olmaxonlar 2-guruh: Tipratikanlar 3-guruh: Quyonlar

• Mana bolajonlar guruh sardorlari bilan tanishib oldik. Endi bugungi darsimizda amal qilishimiz kerak bo`lgan “Oltin qoidalar” bilan tanishib olishimiz kerak bo`ladi.

1. Intizom

2. Diqqatni jamlash.

3. O`ng qo`l qoidasi

4. O`zaro hurmat.

• Agar shu qoidalarga dars davomida amal qilsangiz darsimiz yanada qiziqarli bo`lib o`tadi. Berilgan savollarga a`lo darajada javob bersangiz rag`bat kartochkasiga ega bo`lasiz.

II. O`tilgan mavzuni mustahkamlash.

O`qituvchi: Qani bolajonlar biz o`tgan darsda qanday mavzu o`tgan edik?

O`quvchi: Biz o`tgan darsda kim?, nima? so`roqlariga javob bo`lgan so`zlarni o`tgan edik.

1. Kim?, nima? so`roqlariga javob bo`ladigan so`zlarni aytadilar.

2. Gaplar tuzadilar.

3. Stol ustidagi rasmlarni yopishtiradilar.

O`qituvchi: 2019-yil 19-martda O`zbekiston Respublikasining prezidenti Shavkat Miromonovich Mirziyoyev tomonidan 5 ta tashabbus ishlab chiqildi. Bolajonlar qani birma-bir tashabbuslarni sanab beringchi?

1-tashabbus: Yoshlarning musiqa, rassomchilik, adabiyot, teatr va san`atning boshqa turlariga qiziqishlarini oshirishga, iste`dodini yuzaga chiqarishga xizmat qiladi.

2-tashabbus: Yoshlarni jismoniy chiniqtirish, ularning sport sohasida qobiliyatini namoyon qilishi uchun zarur sharoitlar yaratish.

3-tashabbus: Aholi va yoshlar o`rtasida kompyuter texnologiyalari va internetdan samarali foydalanishni tashkil etishga qaratilgan.

4-tashabbus: Yoshlar ma`naviyatini yuksaltirish, ular o`rtasida kitobxonlikni keng targ`ib qilish bo`yicha tizimli ishlarni tashkil etish.

5-tashabbus: Xotin-qizlarni ish bilan ta`minlash masalalarini nazarda tutadi.

O`quvchilar tomonidan 5 tashabbusga bag`ishlangan she`rlar aytiladi.

• Endi bolajonlar biz siz bilan “Husnixat daqiqasi”ni o`tkazamiz.

Men sizga bitta topishmoq aytaman, qani, javobini topingchi?

Oq yer ochilgan,

Qora bug`doy sochilgan. (Kitob)

III. Yangi mavzu bayoni: Ot so`z turkumi bo`yicha o`tilganlarni

mustahkamlash.

Shaxs va narsa nomini, kishilarning ismi va familiyasini,kasbini, hayvonlarning nomini, narsa-buyumlarning nomini, tabiat hodisalarini, o`rin-joy va hududlarning nomlarini bildirib, kim?, nima?, kimlar?, nimalar?, qayer? so`rog`iga javob bo`lgan so`zlar ot deyiladi. Masalan, cho`pon, stol, chaqmoq, o`rdak, randa, binokor, to`zon, quvur kabi so`zlar otlardir.

225-mashq. She`rni o`qing. Hayvon va parranda nomlarini bildirgan otlarni topib yozing.

Ana sichqon, mushukvoy,

Ana xo`roz, kuchukvoy,

Ana mug`ambir tulki,

Ana o`rdak bilan g`oz,

Ana maymun – sho`x dorboz.

Xo`roz qichqirar: quq-qu!

Bunda yo`lbars, sher yo`q-ku. (Quddus Muhammadiy)

B u mashq orqali darsimizni ingliz tili fani bilan bog`laymiz. Slayd orqali parranda va hayvonlarning rasmi chiqadi o`quvchilar esa birma bir inglizchasini aytadilar.

S ichqon – mouse

M ushuk – cat

Xo`roz – cock

K uchuk – dog

Tulki – fox

O `rdak – duck

G`oz – goose

M aymun – monkey

Yo`lbars – tiger

Sher – lion

“Darvoza” ta`limiy o`yini.

226-mashq. Katakchalar o`rniga mos harflarni qo`yib yozing. Kim?, nima? so`rog`iga javob bo`ladigan otlarni aniqlang.

1

2
3									5
6 4

1. Poliz ekini

2. Bog`da ishlovchi kishi

3. Qiz bolalar ismi

4. Cholg`u asbobi

5. O`quv quroli

6. Meva

7. Kuy bastalovchi

IV. Yangi mavzuni mustahkamlash.

“O`rgimchak to`ri” o`yini. O`quvchilar lenta orqali kim?, nima? so`roqlariga javob bo`ladigan so`zlarni aytadilar.

V. Darsni yakunlash.

Baholash: Dars yakunida guruhlarning rag`bat kartochkalari hisoblanib, g`olib guruh aniqlanadi va baholanadi.

VI. Uyga vazifa topshirish.

Uyga vazifa: 227-mashq. O`qing. Nuqtalar o`rniga mos so`zlarni qo`yib, maqollarni ko`chirib yozing.