?н ж?йрігі-Біржан сал. ашы? саба?

Пәннің аты: Музыка 3 сынып

Уақыты:

Мұғалім: Смагулова Гульмира Каировна

Сабақтың атауы

Ән жүйрігі - Біржан сал

Мақсаты

Оқушылар жерлесіміз Біржан салдың өмір жолы туралы және оның әндері жайлы мағлұматтар алып, музыка өнеріне қызығушылықтары артады

- музыканы сезініп,түсіну қабілеті дамып,эстетикалық және музыкалық танымы артады

-балалардың шығармашылық белсенділігі артып,есте сақтау,әнді тану қабілеттері дамиды

-музыканы тыңдап, үйрену арқылы қоршаған ортадағы сұлулықты, табиғат әсемдігін сезінеді

Сабақтың түрі : жаңа сабақ

Сабақтың әдісі: әңгімелесу сұрақ-жауап.

Көрнекілігі: Біржан сал сері суреті, буклет, слайд, қосымша материалдар.

Пайдаланылған әдебиеттер:

• 3-ші сынып Музыка пәнінің оқулығы.

Күтілетін нәтиже

+Психологиялық ахуал

Біз балдырған баламыз,

Құстай қанат қағамыз.

Дүниені аралап,

Оқып білім аламыз.

Оқушылар шеңберде жиналып,мұғаліммен бірге бүгінгі сабаққа сәттілік тілейді.

Қызығушылықты ояту

Үнтаспадан «Біржан сал елі» әнін тыңдатып, әннен қандай әсер алғандарын тыңдау

Жаңа сабаққа деген қызығушылықтары оянып,ерекше ынтамен кіріседі.

Үй тапсырмасын тексеру

Ақанның «Балқадиша» әнінің шығу тарихын сұрап, қазақтың халық әні «Сәулем-ай» әнін домбыраның сүйемелдеуімен орындау

Халық күйі «Келіншек» үйренген бөлімін бірге қосылып ооындау.

Әннің шығу тарихын әңгімелеп, «Сәулем-ай» әнін айтады

Халық күйі «Келіншек» -ті үйренген бөлімін орындайды

Мағынаны тану

Көкше жерінен шыққан тағы бір ірі өнер адамы – Біржан сал Қожағұлұлы.Халыққа белгілі өнер иесінің шығармалары қазақ халқының жүрегінен орын тауып,сүйікті әндеріне айналды.Сұлулықты көркем бейнелерді паш еткен әндерінің бірі – «Көкек».Халқымыз сұлулықты әрдайым құсқа теңеген.Ақанның «Қараторғайы», Ыбырайдың «Гәккуі»,Біржанның «Көкек» әндері мазмұндас, бір тақырыптағы әндер.Дегенмен әр автордың айтар ойы әрқилы, әуені әртүрлі,бірақ барлығы да әсем, көркем, сұлу әндер.

Оқулықпен жұмыс

Оқушыларға оқулықта берілген ақын жайындағы мәтінді оқытып, талдау.

Музыка сауаты: Халық әндері-нота сауатынсыз, халыққа айтылу,естілу арқылы жеткен әндер.

Халық композиторлары-арнайы музыкалық білім алмаған, ел арасынан шыққан өнерпаздар.

Сергіту сәті

Тыныштық сәті  

Мұғалім: Арқамызды тік ұстап отырамыз. Көздеріңізді жұмып, терең демалыңыз. Әр дем алған сайын денеңізді бос ұстап, тыныштықта болуға тырысыңыз. Қазір біз орманға саяхатқа барамыз. Біз бөлмеден шығып, аулаға бет алдық. Далаға шығып, тазамен ауамен кеудемізді кере дем аламыз. Қоңыр жел соғып, шашымызды , бетімізді күн шуағы жылытып тұр. Біз орман жаққа бет алдық. Абай болыңыздар, аяқ астындағы жәндіктерді басып кетпеуге тырысыңыз. Тоқтап, жан- жағыңызға көз салып, тылсым табиғаттың сұлулығынан рахаттаныңыз. Кез- келген гүлге жақындап келіп, оның күлтелерінің ерекшелігіне назар салыңыз, иіскеп, хош иісін сезініңіз. Айналаңыздағы көріністі шолып, орманға да жеттік. Орманға кірген сайын ағаштар көбейіп, биіктей бастады. Ағаш арасына бойлай кірген күн сәулелерін тамашалаңыз, жапырақтардың сыбдырын естіп, жан рахатына бөленіңіз. Орман ішінде біз өзімізді бақытты әрі қауіпсіздікте сезінеміз. Енді ашық алаңшаға шығып, сәл демалғанды жөн көрдік. Көлеңкесіне жайғаса алатын ағашты таңдап алыңыз да, оны құшағыңызға алып, ағаштың бойындағы өмір энергиясын сезініңіз. Ағаштың түбіне тыныштық пен жайлылықтық сақтай жайғасыңыз (бұл жерде мұғалім 1-2 минутқа үнсіздік жасайды). Табиғат- қандай тамаша. Мен осы ағаш түбіне қайтып оралуым үшін біз оны аялап, күтуіміз қажет. Енді балабақшаға қайта оралуға дайындаламыз. Орныңыздан тұрып, тағыда бір рет айналаңызға қараңыз. Жаңағы келген жолмен біз мектепке қайта ораламыз. Міне, біз мектеп ауласына да келіп жеттік. Тағы да бір рет таза ауамен терең дем алып, сынып бөлмесіне кірдік. Бөлмеге жетіп, өз орнымызды табамыз. Көзімізді ашайық та бір- бірімізге күлімдейік!

Ой сергітеді, шаршағандары басылады

Ой толғаныс

Ән үйрену

1 «Мейірбан ұстаздар» әнінің мазмұны өте бай. Ән орташа екпінде, мәнерлі орындалады.

2 Сөзжұмбақ шешу «Біржан әндері»

3 Халық күйі «Келіншек»келесі буынды үйрену.

Қорытынды.

«Бабалар мұрасы» тақырыбын қорытындылауды «Алғыр топ» ойыны түрінде өткізуге болады.

Екі топқа сұрақтар таратылады.

«Домбырашылар ауылы» тобына қойылатын сұрақтар мен тапсырмалар:

-Сал, сері деген кім?

- Домбыра аспабын сипатта

-Өнер туралы мақал- мәтел айт

-«Гәкку» әнін кім жазды?

«Қобызшылар ауылы» тобына қойылатын сұрақтар мен тапсырмалар:

-Қандай сал- серілерді білесің?

- Жетіген аспабы туралы қандай аңыз бар?

-Отан, туған жер туралы мақал- мәтел айт

-«Қараторғай» әнін кім жазды?

Үйге тапсырма

Біржан сал туралы интернет желісінен, қосымша мәліметтер жинап,мазмұндап ,

өнер туындылары туралы мақал-мәтел жазып келу. «Келіншек»күйінің үйренген буынын қайталау

Күнделіктеріне жазып алады

Бағалау

Оқыту үшін бағалау және оқуды бағалау

Бағалау парақшасын толтырады.

Кері байланыс

Бағалау күлегеш балақайларын кері байланыс парақшаларына жабыстыру

Смайликтерді өзі қалаған нұсқаға жабыстырады