Nutq, gap, so‘z.

1-dars

Mavzu: Nutq, gap, so‘z. 1-4-mashqlar.

Darsning maqsadi:

a)o'quvchilarning gap, so'z, nutq haqidagi tushunchalarini aniqlash;

b)rasmlar asosida so'z, so'zlar ishtirokida gaplar va gaplardan hikoya (matn) tuzish qobiliyatlarini o'stirish;

d) chiroyli yozuv malakalarini rivojlantirish.

Darsning turi: takrorlash, mustahkamlash.

Darsning metodi: suhbat.

Darsning jihozi: turli xil rasmlar („Maktab“, „Birinchi qo'ng'iroq")

Darsning borishi:

1. Tashkiliy qism. Uzoq muddatli ta’til davrida o'quvchilar bir-biridan biroz uzoqlashib qoladilar. Shu sababli o'quvchilarning faolligini oshirib, ular orasida do'stlikni mustahkamlab olish maqsadida „Muzyorar“ mashg'uloti o'tkaziladi.

Mashg'ulot quyidagi tartibda olib boriladi. Donli ekinlardan biri- (loviya, no'xat yoki guruch) solib tikilgan kichik xaltacha o'qituvchi tomonidan biror o'quvchiga, ismini aytgan holda („Farhod“ deb) otiladi. Xaltachani ilib olgan Farhod boshqa o'rtog'ining ismini aytib xaltachani unga uloqtiradi. Mashg'ulot shu tartibda davom etadi. Endi o'quvchilar navbatdagi xaltachani irg'itganda o'rtoqlarining ismlarini va ismlarining bosh harfidan boshlanadigan insoniy xislatlarni qo'shib aytib, xaltachani uloqtiradilar. Masalan: Gulnoza — go'zal, Fazilat —farosatli, Jasur — jasoratli.

2. Darslik bilan ishlash. 1- mashq.

Rasm asosida suhbat. O'quvchilar darslikdagi rasmni diqqat bilan kuzatadilar, rasmdagi narsa va shaxslarni navbat bilan aytadilar. O'qituvchi yoki o'quvchilar galma-gal har bir aytilgan so'zni doskaga yozib boradilar.

Masalan: daraxt, barg, bino, o'quvchilar, gul, papka, qo‘n-g'iroq, qiz, ... Ana shu so'zlar ishtirokida gaplar tuziladi.

Masalan: Xolida — a’lochi qiz. Birinchi qo'ng'iroqni chalish huquqi unga berildi.

Oltin kuz keldi, daraxt barglari sarg'aydi.

Tuzilgan gaplar tartibga keltirilib, matn tuziladi. Matnga sar-lavha topib qo'yiladi. Masalan: „Bilimlar kuni“ yoki „Maktabim — qadrdonim" kabi sarlavha ostida matn yoziladi.

Oltin kuz fasli keldi. Daraxtlarning barglari sarg'ayib, to'kila boshladi. O'quvchilar bir qo'llarida gul, bir qo'llarida sumka bilan qadrdon maktablariga keldilar. 0‘qituvchi o‘quvchilarni mehr bilan kutib oldi. Mana, qo'ng'iroq ham chalindi. Qo'ng'iroqni chalish huquqi a 'lochi qiz Xolidaga berildi.

3. Darslikdagi 2- mashq ustida ishlash.

Mashq matnidagi gaplar o'quvchilarga o'qitiladi. Mashqning shartiga ko‘ra bir-biridan qanday ajratilganligi, gaplar nimalardan tuzilganligi aniqlanadi. O'quvchilar oxirgi gapni ko'chirib yoza-dilar va yozganlarini kitobdan tekshiradilar.

Har ikki mashq yuzasidan quyidagi savol-javob o'tkaziladi:

— Biz rasm orqali nimani bildirdik?

— Rasm orqali fikrimizni bildirdik.

— Fikrimizni nima orqali bildirdik?

— Fikrimizni gaplar orqali bildirdik.

— Gaplar orqali bildirilgan fikr nima deyiladi?

— Gaplar orqali bildirilgan fikr nutq deyiladi.

— Nutq nimalardan tuziladi?

— Nutq gaplardan tuziladi.

— Gaplar nimalardan tuziladi?

— Gaplar so'zlardan tuziladi.

Savollarga berilgan javoblardan darslikdagi qoida chiqariladi.

4. Husnixat mashqlari o'tkazish.

Mashq uchun quyidagi material beriladi.

Aa. Adolat — aqlli. Adolat — aqlli qiz.

O'qituvchi husnixat qoidalarini o'quvchilarga eslatadi. Jumla-dan, partada o'tirish, daftar va ruchkadan to'g'ri foydalanish, harf unsurlariga e’tibor berish, harflarning yozuvda bir-biriga ulanishi, qo'lni uzmasdan yozish va so'zlar orasidagi oraliqlar qanday bo'lishini tushuntiradi. Berilganlarning har biri bir qatordan yoziladi. O'quvchilar ishga kirishishdan avval:

„Yozsang xat, chiroyli yoz!

Yozuving bo'ladi sozf“ shiorini aytib, so'ng ishga kirishadilar.

5. Darslikdagi 3- mashq ustida ishlash.

Mashqning topshirig‘i o ‘qiladi. O'quvchilarning yozda qilgan ishlarini eslash, u haqda fikr yuritish, fikrlarini umumlashtirishlari uchun vaqt beriladi. Fikrlar to'plab olingach, 2—3 o'quvchi ta'tildagi ishlari, eng qiziqarli voqea-hodisalar haqida so'zlab beradi.

6. Ijodiy diktant.

Ijodiy diktant uchun quyidagi so'zlar beriladi.

Yoz, ta’til, oromgoh, qishloq, dala, ish, yordam, mashg'ulot, kitob, ertak.

O'quvchilarga berilgan so'zlardan foydalanib, bog'lanishli gaplar tuzish topshiriladi.

7. „Quvnoq daqiqa“, „Men kimman?“ mashg'ulotlarini o'tkazish.

Bir o'quvchi doskaga chaqirilib, unga ko‘rsatmay, pomidor rasmi yopishtirilgan toj boshiga kiydiriladi. Toj kiygan o'quvchi sinfdagi o'quvchilardan so‘raydi.

— Men jonlimanmi? (Yo‘q.)

— Jonsizmanmi? (Ha.)

— Mevamanmi? (Yo‘q.)

— Sabzavotmanmi? (Ha.)

— Shirinmanmi? (Yo‘q.)

— Achchiqmanmi? (Yo‘q.)

— Chuchukmanmi? (Ha.)

— Ko'kmanmi? (Yo'q.)

— Qizilmanmi? (Ha.)

— Shakarob qilsa bo‘ladimi? (Ha.)

— Unda men pomidormanmi? (Ha.)

O'zini to‘g‘ri topgani uchun „Barakalla, to'g'ri topding, aqlli ekansan, zehning o'tkir ekan“ kabi so‘zlar bilan o‘rtoqlari uni rag‘batlantiradilar. 0‘quvchilar pomidor haqida gaplar tuzib aytadilar. Ulardan ayrimlari (grammatik jihatdan to'g'ri va mazmunli gaplar) aytib turib yozdirilishi mumkin.

8. Darsda o'rganilgan bilimlarni savol-javoblar bilan umum-lashtirish va mustahkamlash, o'quvchilar bilimini baholash.

9. 4- mashq uyga vazifa qilib topshiriladi. Matnda nechta gap borligini aniqlash, matn mazmunini hikoya qilish va unga sarlavha topib kelish aytiladi.

2- dars

Mavzu: Nutqning tuzilishi. 5-7-mashqlar.

Darsning maqsadi:

a)nutq o'stirishga e’tibor berish, fikrni to'liq ifoda etishga o'rgatish, so'z boyligini oshirish, husnixat malakalarini takomillashtirish;

b) tabiatni, Vatanni sevish va asrashga o'rgatish.

d) chiroyli yozuv malakalarini rivojlantirish.

Darsning turi: aralash.

Darsning metodi: klaster (shingil).

Darsning jihozi: turli o'simliklar, gullar tasvirlangan rasmlar.

Darsning borishi:

1. Uyga berilgan vazifani tekshirish. 2—3 o'quvchidan 4- mashq topshirig'iga ko'ra matn mazmunini so'zlab berish talab etiladi.

Bir nechta o'quvchi matnga qanday sarlavha tanlaganini aytadi.

Eng yaxshi sarlavha tanlagan o'quvchi rag'batlantiriladi. Matn necha gapdan tuzilganligi o'quvchilardan so'rab aniqlanadi.

2. Klaster usulini qo'llab, so'z, gap, matn tuzish.

Doskaga „0'zbekiston“ so‘zi yozib qo'yiladi. O'qituvchi ,,0‘zbekiston deganda ko‘z o'ngingizda nimalar jonlanadi?“ degan savol beradi. O'quvchilar O'zbekiston haqida bilgan so'zlarini aytadilar. 0‘qituvchi so'zlarni quyidagi taxlitda doskaga yozib boradi. So'ngra savollar orqali o'quvchilarning O'zbekiston ha-qidagi bilimlari mustahkamlanadi.

— O'zbekiston qanday davlat?

— O'zbekiston — mustaqil davlat.

— Vatanimizni qanday so'zlar bilan madh etsak bo'ladi?

— Serquyosh, chamanzor, go'zal, keng, bepoyon, oltinga kon.

— Vatanimizni ulug'lash uchun nimalar topdik?

— So'zlar.

— Topgan so'zlaringizdan gaplar tuzingchi.

— Paxta milliy boyligimiz. Xalqlar tinch-totuv yashaydilar. Navoiy — g'azal mulkining sultoni. O'zbekistonning o'z bayrog'i, tamg'asi, madhiyasi bor. Shahar va qishloqlari go'zal va h. k. O'quvchilar tuzgan gaplardan matn tuzish ham mumkin.

3. Husnixat mashqlari o'tkazish. Mashq uchun material.

Bb. Buxoro, bayroq.

Husnixat qoidalari eslatiladi. „lnson go'zalligi husnixatda bilinar!" shiori aytilgach, berilgan harf va so'zlarning har biridan bir qatordan yozish tavsiya etiladi.

4. Kitob bilan ishlash. 5- mashqni bajarish. Mashqni bajarish-dan oldin klaster usulida o'quvchilarga tanish bo'lgan dorivor o'simliklar aniqlab olinadi. So'ngra ularga notanish ayrim dorivor o'simliklaming rasmlari doskaga osib qo'yiladi.

Bu usul bilan o'quvchilarning dorivor o'simliklar haqidagi tushunchalari kengaytirilib, so'z boyliklari oshiriladi. So'ngra

5- mashq topshirig'iga ko'ra bajariladi. Mashq awal doskada va so'ngra daftarda bajariladi.

5. Test bilan ishlash.

Test: Nutq nima?

1. Gaplar orqali bildirilgan fikr.

2. So'zlar orqali bildirilgan fikr.

3. Gap va so'zlar orqali bildirilgan fikr.

Test savoli doskaga yozib qo'yiladi. O'qituvchi javoblarni bir-ma-bir aytadi. O'quvchilar diqqat bilan tinglab, to'g'ri javobni raqamli kartochkalar bilan ko'rsatadilar. Yoki har bir o'quvchiga test yozilgan kartochkalar tarqatib chiqiladi. O'quvchilar bir daqiqa ichida javoblarni qalamda belgilab, testni o'qituvchiga topshiradilar. Kartochkalarning orqa tomoniga o'quvchining ismi, familiyasi yozib qo'yilgan bo'ladi. O'qituvchi tezgina ularni ko'rib chiqib, javoblarni e’lon qiladi.

6. O'quvchilarning gap haqidagi bilimlarini mustahkamlash.

Buning uchun 6- mashq ustida ishlanadi. Mashqdagi gaplarni mustaqil ichda o'qishga topshiriladi. So'ngra 2—3 o'quvchiga gaplar ovoz chiqarib o'qitiladi. Shundan so'ng darslik olib qo'yiladi. O'qituvchi o'quvchilardan gap haqidagi bilimlarini so'zlab berishni talab etadi.

7. Uyga vazifa: 7- mashq. Mashqni bajarishda har bir gap oxirini aniqlash va tegishli tinish belgisini qo'yishni unutmaslik aytiladi. Gaplarning oxiriga qanday tinish belgilari qo'yilishi aniqlab olinadi.

8. O'quvchilar bilimini baholash.

5