Математика сабағы Тақырыбы:Бағасы.Саны.Құны

Сабақтың тақырыбы: Бағасы.Саны. Құны

Сабақтың мақсаты:

Білімділігі: бағасы, саны, құнын табуға берілген есептер туралы білімдерін қалыптастыру; осындай есептерді шығару тәсілдерімен таныстыру.

Дамытушылығы: балалардың танымдық қабілеттерін, зейіндерін, шығармашылық белсенділігін дамыту. Ауызша санау, көбейту, бөлу дағдыларын қалыптастыру.
Тәрбиелігі: оқытудың өмірімен байланасын нығайту, шыдамдылыққа,
сауаттылыққа, ұжымда бірлесіп жұмыс істеуге тәрбиелеу, өз бетінше жұмыс жасауға төселдіру.
Түрі: аралас сабақ
Әдістері: түсіндіру, ой қозғау, мағынасын ашу

1.Ұйымдастыру кезеңі.

- оқушылармен сәлемдесу;
- түгендеу;
- оқушылар назарын сабаққа аудару;

- жаңа сабаққа жақсы тілектер тілеу;

2. Тірек білім, білік, дағдыларын белсендіру.

«Кім жылдам» ойыны 5х3, 36:6, 5х8, 7х4, 45:5, 42:6, 24:6, 6х5, 21х1, 6х0, 7:1

3.Жаңа сабақты түсіндіру.

- Балалар, желтоқсан айында қандай мерекелер бар?

1желтоқсан- Тұңғыш Президент күні, 16 желтоқсан – Тәуелсіздік күні, Жаңа жыл мерекесі.

Олай болса, жаңа жылға тәттілер алуға дүкенге барайық.

500 теңгеге не сатып аласың? /чупа- чупс, кекс, йогурт, сок, шоколад, конфет/

Жағдаяттарды шешу.

1. Әрқайсысы 5 теңге тұратын 4 кәмпит (6, 7,8 кәмпит) сатып алсаң, қанша ақша төлеу керек?

Талғат 5 теңгеге 4 кәмпит сатып алды. Кәмпиттің бағасы қанша?

Сатып алынған заттың құнын білу үшін, заттың бағасын оның санына көбейту керек. Қ = Б х C

2. Егер сатып алынған затқа 24,32, 40, 48 теңге төленген болса, бағасы 8 теңгеден неше кәмпит сатып алынған?

Сатып алынған заттың санын білу үшін, оның құнын заттың бағасына бөлу керек. С = Қ Б

3. Егер 4 кәмпитке 20,28,36,32 теңге төленген болса, 1 кәмпиттің бағасы қанша?

Заттың бағасын білу үшін, оның құнын санына бөлу керек. Б = Қ C

Ойын:

«Қақпаға доп сал» ойыны. Мақсаты: есептеу дағдыларын дамыту.

Тақтаға футбол қақпалары бейнеленеді, қақпа торына, мысалы, 24,28 деп сандар жазылады. Әр қатарға белгілі бір уақыт ішінде (3-4 минут) берілген жауаппен барынша көп мысал құрастыру тапсырылады. Бірінші қатар өз қақпасына жауабы 24,екінші қатар- жауабы 28 санымен мысалдар жазады. Тиісті жауапқа көбірек мысал келтірген қатар жеңеді.

Тапсырма: Кесте бойынша есептер құрастыру.

Баған түрінде есепте.

677-499=178 297 +379=676 594+176=770

137+798= 935 1000-468= 532 870-467=403

497+264= 761 789+85= 874 900-79= 821

238+762= 1000 457+78=535 403-75=328

Сабақты қорытындылау.

• Бүгінгі сабақтағы ең маңыздысы не болды?

• Не қызықты болды?

• Бүгінгі сабақта алған білімдерінді қайда пайдаланасыңдар?

• Өздеріңнің жұмыстарына баға беріңдер.

Саған сабақ ұнады ма?

Керемет Жақсы Орташа

Үйге тапсырма: №7 есеп

Солтүстік Қазақстан облысы

Айыртау ауданы

Лобанов орта мектебі

Сабақтың тақырыбы:

Бағасы.Саны. Құны

Математика пәні. 3 «А» сыныбы

Бастауыш сынып мұғалімі:

Калыкова Гүлжан Есламғалиқызы