Математика 2сынып. Сабақтың тақырыбы: 11-ден 20-ға дейінгі сандардың құрылуы,оқылуы,жазылуы.

Математика 2сынып .

Сабақтың тақырыбы: 11-ден 20-ға дейінгі сандарды құрылуы ,оқылуы ,жазылуы.

Cабақтың мақсаты: оқушыларды 11-ден 20-ға дейінгі екі таңбалы сандардың құрылуы, жазылуы, оқылуымен таныстыру.

Сабақтың міндеті: Осы сандық кесіндіде сандардың ондық құрамы негізінде қосу мен азайтудың есептеу тәсілдерін қарастыру.Сандардың өзара ерекшеліктерін ажырата алуларына үйрету. Өз беттерінше жұмыс жасауға тәрбиелеу.

Сабақтың барысы:

І. Ұйымдастыру кезеңі.

Оқушылармен амандасу, кезекшімен сұхбат. Құрал-жабдықтарын тексеріп шығу. Оқушылардың зейінін сабаққа аудару.

ІІ. Үй тапсырмасын тексеру.

№8 14 бет

ІІI. Білімдерін дамыту.

«Математикалық диктант». Оқушылар есептің жауабын ғана жазады:

• Көлікте 8 адам келе жатты. Жолда 5 адам түсіп қалды. Көлікте неше адам қалды?

• Айсәуле 9 жаста, Әзиза 6 жаста. Айсәуле Әзизадан қанша жас үлкен?

• Жандостың 3 қызыл қарындашы және қызыл қарындаш қанша болса, сонша жасыл қарындашы бар. Жандоста барлығы қанша қарындаш бар?

• Араның 6 аяғы болады, ал шаянда 4 аяқ артық. Шаянның қанша аяғы бар?

• Бұтақта 5 қарға отыр. Тағы 2 қарға ұшып келді. Бұтақта барлығы қанша қарға болды?

• Сұлтанда 6 шар бар. Ол 4 шарды досына сыйлады. Сонда Сұлтанның қанша шары қалды?

• Құмырады 6 раушангүл бар, ал қалампырдың одан 3-еуі кем. Құмырады қанша қалампыр бар?

ІV. Жаңа материалдарды түсіндіру.

Санағыштарды пайдаланып орындау.

• Санағыш таяқшаларды санап шығыңдар. 10 таяқшаны басқаша қалай айтуға болады? оқулықтағы суретке қараңдар. 10-ға дейін санай отырып, біз бірліктердің санын атаймыз. Бірінші суретте (екінші және т.б.) қанша бірлік берілген? 1 (2, 3, 4) бірлік қандай цифрмен белгіленеді? 10 таяқшаны бір бума етіп біріктіріңдер. 10 таяқша – бір ондық. Бір ондықта қаншы бірлік бар?

• Әрбір суреттегі бірліктер санын цифрмен жазыңдар.

• 11, 12, 13, 14 және басқа сандардың қалай жазылатынына көңіл бөліңдер. Оң жақта бірліктер саны, сол жақта ондықтар саны жазылады. 11 санында қанша бірлік және қанша ондық бар? Қай жерге бірліктер, қай жерге ондықтар жазылады? 11 санын жазыңдар. 20 санын жазыңдар. Жазылған сандарды оқыңдар.

Он бір Он екі Он үш Он төрт

1 онд.+1 1онд. +2 1 онд.+3 1онд. +4

11 12 13 14

Ү. Оқулықпен жұмыс.

№2.Сандарды оқы және олардағы әрбір цифр нені білдіреді.

12

16

14

19

18

17

№3 Кестелерді толтыр. (Өз бетінше орындау)

Cергіту сәті

Оң қолымда бес саусақ,

Сол қолымда бес саусақ

Бесті беске қосқанда

Болып шықты он саусақ.

№4 Бос орындарды толтыр.

5см=15см – см 12см-2см= см

19см – см= 10см 6см + см= 16см

№6 Сөзді есепті шығар.

Қонақ – 8 ?

Үй иесі- 2

Ш: 8+2= 10

Ж: барлығы 10 адам отырды.

ҮІ. Сабақты бекіту.

Мына сандарды ата.

5онд.және 3 бірл. ; 3онд.және 5бірл.;0 онд.және 4бірл.;4 онд.және 0 бірл.; 1 онд.және 0 бірл.;7онд.және 7 бірл.; 8онд. және 8бірл.

ҮІІ. Сабақты қорыту.Үйге тапсырма.

№7 16 бет

Сабақты қорытындылау, үйге тапсырма беру, оны түсіндіру.

ҮІІІ. Бағалау.

Оқушылардың еңбегін мадақтау.Бағалау.