«Ма?ал-м?тел мен на?ыл с?здер ар?ылы тілдік ?арым-?атынас да?дыларын ?алыптастыру» ашы? ?йымдастырыл?ан о?у іс-?рекеті

Тақырыбы: «Мың бір мақал»
Мақсаты: Мақал түрлерімен таныстыру, ата бабамыздан қалған өсиет сөздері арқылы адамгершілікке, ойын нақты жеткізуге, тапқыр сөйлеуге үйрету. Сөз өнері арқылы балалардың дүниетанымын кеңейтуге тәрбиелеу.
Көрнекілік: ноутбук, қуыршақ, сахна
Әдіс - тәсіл: түсіндіру, әңгімелеу, сұрақ - жауап.
Билингвизм: сиыр - корова, жылқы - лошадь, қой - овца, түйе - верблюд.
Шаттық шеңбері:
Амандасу үлкенге,
Тәрбиенің басы ғой.
Ал, кәнеки, бәріміз,
Сәлем дейік үлкенге.
Сәлеметсіздер ме, қонақтар!
Сәлеметсіздер ме, балалар!
Өздеріңіз білесіздер, қазақ халқы әрқашанда саз өнеріне үлкен мән берген, бір ауыз сөзге тоқтаған. «Мақал – сөздің мәйегі» деген мақал арқылы халқымыз бүкіл өмірлік тәжірибесін, өсиет - өнегесін жеткізе білген, түйіндеген. Мақалдың бала тәрбиесіндегі көмегі орасан зор. Ендеше, сіз болып, біз болып бүлдіршіндеріміз сөз мәдениетін түсінетін тәрбиелі, ақылды, мейірімді, инабатты, ұлтжанды болып өсуіне ықпалымызды тигізсек нұр үстіне нұр болар еді.
І - кезең. Кім тапқыр?
- Мына суретте нелер бейнеленген?
- Үй жануарлары.
- Үй жануарларына не жатады?
- Сиыр, жылқы, қой, түйе.
- Олардың қандай пайдасы бар?
- Сүтін ішеміз, етін жейміз.
Олай болса, үй жануарлары туралы тақпақты кім біледі?
Ералы:
Мәә - мәә деген әні бар,
Жібек тоны, сәні бар.
Қошақаным – момақан,
Сүйкімді бір жануар.
Алирыза:
Мее - мее деген әні бар,
Байқамасаң жамырар.
Секеңдеген лағым,
Бір тынымсыз жануар.
Айда:
Мөө - мөө деген әні бар,
Ү й маңынан табылар.
Мөңіреген бұзауым,
Маған үйір жануар.
Анель:
Бөө - бөө деген әні бар,
Енесін тез сағынар.
Жібек жүнді ботақан,
Мөлдір көзді жануар.
Дамир:
Күмбір - күмбір әні бар,
Желпілдеген жоны бар.
Желдей жүйрік құлыншақ,
Желмен шапқан құлыншақ.

Төрт түлік туралы мақалдар
Абзал: Сиыр сүті – тілінде.
Бейбарыс: Ат – адамның арқауы.
Бақнияз: Түйе атасы – нар.
Асылжан: Мал өсірсең қой өсір,
Өнімі оның көл көсір.
Дидактикалық ойын «Даусын ажырат».
ІІ - кезең. Мақал сөздің мәйегі.
«Өрмекші, құмырсқа, қарлығаш» ертегісін сахналау.
Амаль: Еңбек ер атандырады.
Мирас: Еңбек түбі – береке.

Жасулан: Еңбегіне қарай өнбегі.
Қасым: Еңбектің наны тәтті,
Жалқаудың жаны тәтті.
Хор. «Жақсы көрем атамды»
ІІІ - кезең. Полиглот
Мақал жалғастыру.
(Ұяшық таңдау)
Жансерік: Мен алманы таңдаймын.
Қыстың көркі -...(қар).
Айда: Мен алмұртты таңдаймын.
Көз қорқақ, қол...(батыр).
Інжу: Мен жүзімді таңдаймын.
Тілдің құлпы -...(тіс).
Сергіту сәті.
Ұзын мұртты құмырсқа,
Келе жатыр жұмысқа.
Алды допты қолына,
Қойды оны жолына.
Оң жағына қарады,
Сол жағына қарады,
Тау екен деп қалады.

IV - кезең. Сөзжұмбақ «Мақал»

1. Ақыл - ойдың шырағы,
Зәулім көктей шынары.
Биігіне бойлаған,
Қанбайды адам құмары. (білім)
2. Қоймасын қыс ақтарып,
Жерді жапты ақ мамық. (қар)
3. Ақ сақалды атаны - ай,
Мінезінің шатағы - ай. (қыс)
4. Қабат - қабат қапталған,
Асыл сөзбен апталған.
Парағы бар сөйлейтін,
Ол қазына өлмейтін. (кітап)
5. Жағалай - жағалай тас қойдым,
Жирен атты бос қойдым. (тіл)

Құрметті қонақтар, міне, бүгінгі «Мың бір мақал» тәрбие іс - әрекетіміз соңына жетті. Тәрбиелеп отырған бүлдіршіндеріміз мақалдың маңызын түсініп, ұғатын зерделі де зерек болып өсе берсін.

Тексерілді Бекітемін

«Айгөлек» балабақша әдіскері «Айгөлек» балабақша меңгерушісі

Балиева Б.Е.______________ Әшірбаева Ғ.Ж________________

« »­­­­­ ­­­­­­­­­­­­­­­­­­ _________________ « »­­­­­ ­­­­­­­­­­­­­­­­­­ _________________

«Мақал мәтел мен нақыл сөздер арқылы тілдік қарым қатынас дағдыларын қалыптастыру»

«Балауса» ересек тобы

Тәрбиеші Койчубаева Қ.Е.

2015-2016 оқу жылы