Әліппеге мың рақмет

«Сүйікті әліппеге мың рақмет»

Мақсаты:Оқушылардың үйренген әріптерін,алған білімдерін естеріне түсіріп, тағы бір пысықтау. Оқушыларды Отансүйгіштікке тәрбиелеу. Оқушылардың күшейту.

Көрнекілік: «Сүйікті әліппеге мың рақмет»плакат,шарлар,сюжетті суреттер.

Барысы:

1-ші жүргізуші:

Армысыздар,ағалар,

Армысыздар,аналар.

Айналайын балалар,

Сендерге ой-сана бар.

Өздеріңнен өседі

Өнершілер,даналар.

Өсті ,міне,бойларың

Өсті ақыл-ойларың

Қуанышқа ортақпын,

Құтты болсын тойларың!

2-ші жүргізуші:

Ақ тілекті ағытып бір тастайық,

Қоштасатын кешімізді бастайық,

Талай тойды өткіздік,

Бірақ орны бөлекше,

Әліппемен қоштасатын

Бүгінгі той ерекше!

1-ші жүргізуші:

Біз сіздерге «Сүйікті әліппеге мың рақмет»атты мерекемізге шақырдық. Біздің қуанышымыз шексіз:бірінші сынып оқушылары алғашқы оқулық- «Әліппені»аяқтады.

Ерасыл:Енді біз нені болса да оқи аламыз.Қазір біз сіздерге осы күнге дейін мектепте нені үйренгенімізді көрсетеміз.

Айша:

Алақай –ау алақай!

Алақай –ау алақай!

Бұдан былай мен енді

Емеспін жай балақай.

Осыдан да көлемді

Оқи алам өлеңді.

Бардым биыл мектепке

Оқушымын мен енді!

Раушан:

Жақсы кітап Әліппе

Үйретті ғой әріпке

Қуыршақпен қоштастым,

«Әліппемен» достастым.

«А»-дан бастап әріпті

Түгел маған танытты.

Әліппе менің сырласым,

Әліппе досым болады.

Әріптердің шұғыласы

Дәптеріме қонады.

Нұрбану:

Айтқан сөзді құпта да,

Ұстазыңды құрметте.

Дәптеріңді күт,бала,

Дәптеріңді кірлетпе!

Ана деп жазамын тақтаға

Нақышына келтіріп,әсемдеп,

Оқимын,жазамын жатқа да

Қағазға әріппен сап өрнек.

Ерасыл:

Үйреніп жазудың да өрнектерін

Ойымды Әліппемен тербеткенім.

Зор қуаныш маған да,ұстазға да

Тілін біліп кітапты сөйлеткенім.

«Әліппе»әні Раушанның орындауында

2-ші жүргізуші:

Ал Әліппенің өзі қайда?Онсыз мерекенің болуы мүмкін емес.

Әліппе! Әліппе! Сен қайдасың?

1-ші жүргізуші:

Әліппені басқаша шақырайық.Ол үшін қажетті әріптерді алып, «Әліппе» сөзін құрастырайық.Сол жазу бойынша Әліппе бізді оңай табады.

Ортаға Әліппе шығады

Әліппе:Сәлеметсіңдер ме,балалар!Сендерді алғашқы мектеп жеңісі- әліппені аяқтауларың мен құтықтаймын.Білім жолында үлкен табыстарға жете беріңдер.Бірақ мен мерекені бастай алмаймын,себебі ең басты қонақ жоқ.

Балалар:Ол кім?

Әліппе:Ыбырай Алтынсарин.

Сәния:

Жырын жаттап жатамыз

Жалықпастан қыс жазы.

Ұлы Ыбырай атамыз-

Ұстаздардың ұстазы.

Ерасыл:

Ұран тастап көп елге:

«Кел,балалар,оқылық!»

Деген сөзін көңілге

«Ықыласпен тоқылық!».

2-ші жүргізуші: Ыбырайдың шығармаларының басты тақырыбы-еңбек. Осы еңбек тақырыбына «Әке мен бала», «Бай баласы мен жарлы баласы»,т.б. әңгімелері жатады.

1-ші жүргізуші:Ы. Алтынсарин қазіргі Қостанай облысының Затобол ауданында 1841жылы 20 қазанда туған.Бүкіл өмірін ағарту идеясын көтереді. «Кел,балалар,оқылық!»өлеңі жастарды оқуға,білім алуға шақырады.

Әліппе:Келесі тапсырма: Ы. Алтынсариннің «Кел,балалар,оқылық!»өлеңін оқып беріңдер.

Ерасыл:Бір Аллаға сыйынып

Кел,балалар,оқылық

Оқығанды көңілге

Ықыласпен тоқылық!

Оқысаңыз, балалар,

Шамнан шырақ жағылар.

Тілегенің алдыңнан

Іздемей-ақ табылар.

Сиса көйлек үстіңе

Тоқуменен табылған.

Сауысқанның тамағы

Шоқуменен табылған.

Кел,балалар,оқылық

Оқығанды көңілге

Ықыласпен тоқылық!

Ортаға Ы. Алтынсарин шығады:

Сәлеметсіңдер ме, балалар!Жарайсыңдар, , балалар!Мен сендер сияқты ақылды балалардың мерекесене қуана-қуана қатысамын.

2-ші жүргізуші:Ыбырай ата отырып оқушылардың өнерін тамашалаңыз.

«Мектебім» әні Айшаның орындауында

Ерасыл:

Алфавиттің А тұрады басында

Әрқашанда Ә тұрады қасында

Байқадың ба Б тұрады үшінші

Ал осының

Сыры неде түсінші?

Айша:А деген ол

Аналар ғой ардақты

Ә деген ол

Әкелер ғой салмақты

Б деген ол

Балалар ғой әдемі

Сәния:Алшақ кепей сондықтан да

Тұрады олар

Алфавиттің басында

«42-әріп»әні Ерасылдың орындауында

Ерасыл: «Қ» -дегенім:

Қарбыз.

Қызыл болса жарғыз!

Ерасыл: «А» -Астанам,ұлы,Астанам

Ұлылыққа бастаған!

Мақтан тұтар өзіңді,

Кіп-кішкентай жас балаң.

Раушан: «З» -Зау-зау заңғар заңғарлар,

Замандар бар,заңдар бар.

Раушан: «А» -Ана тілін арың бұл

Ұятың боп тұр бетте

Өзге тілдің бәрін біл

Өз тілінді құрметте!

Нұрбану: «Қ» -Қарағанды көмірі

Қостанайдың егіні

Даласындай жомарт қой

Қазығымның көңілі.

Нұрбану: «С» -Жағасында Ертістің

Семей деген қалам бар

Туған мұнда атақты

Абай,Мұхтар,бабалар.

Сәния: «Т» -Жарақты жаумен жұлқысқан

Қылышты жаумен қырқысқан

Ең ежелгі астана

Қасиетті Түркістан!

Сәния: «А» -Піскен алма топ-топ түсті,

Топ-топ түсті,көптен түсті

Айша: «Н» -Ас біткеннің анасы

Қасиетті нан осы

1-ші жүргізуші:Осы әріптердің барлығын қосқанда қандай сөз шығады екен?

«Қазақстан»

Оқушылар: -Біз Қазақстан Республикасының азаматтарымыз.Біздің бас қаламыз-Астана

Раушан: «Астанам»

Бабалардың көзіндей,

Даналардың сөзіндей

Ұлы дала тұрғызды

Ұлы қала өзіндей.

Отанымның төрінде,

Сарыарқаның өрінде

Ту ұстаған Астанам

Әсем қалам,бас қалам!

«Бейбітшілік»әні Сәнияның орындауында

Қойылым «Мақта қыз»

Айша:Бар кітапқа бас болған

Әліппе –ғылым анасы.

Әліппеден басталған

Даналықтың данасы.

Раушан:Іші толған әріпке

Мынау-әйбат Әліппе

Барлық ілім-білімнің

Әжесі-осы Әліппе!

Сәния:Әліппем менің әліппем

Сені қолға мың алып мен

Есігін аштым мектептің

Ертеңгі сәуле жарық пен

Нұрбану:Арта берді кітапқа

Бойымдағы қуатым

Бірге жүрген қасымда

Кітап бодлы сыңарым

Айша: Ашыла берді алдымнан

Кең дүние есігі

Соғылған сомдар алтынан

«Әліппе»білім бесігі

Раушан:Барлық әріп бағалы

Айттық әділ бағаны

Әріпсіз сөз болмайды

Буын онсыз толмайды

Адам барлық әріпті

Ардақтайды қолдайды

Оқушылар:Рақмет,сізге сүйікті әліппе!

Әліппе:Балалар,сендер мені оқып тауыстыңдар,әріптерді жақсы меңгердіңдер,ризамын,құрметті шәкірттер.Енді сендерге ары қарай білім беретін «Ана тілі»

Ы. Алтынсарин:Бар білімнің бұлағы

Әліппеден басталар,

Балғын бала білімі

Тауды бұзып,тас жарар!..

-Балалар,алдағы уақытта да осылай жақсы оқып,өнерлерің өрге жүрсің. Ал Әліппе екуіміздің сендермен қоштасар кезіміз жеткен сияқты.Көрсеткен құрметтеріңе көп рақмет!Сау болыңдар!

Оқушылар:Қош болыңыздар!

2-ші жүргізуші:Балалар,енді сендер ана тілі кітабын жалғастырасындар.Кәне,онымен жақынырақ танысайық!

Ана тілі:Сөйлетер сөзді шеберлеп,

Өзіңнің «Ана тіліңмін»

Байытып жақсы оқысаң

Негізі менде білімнің.

Би

Ерасыл:Әріптерді үйретіп,

Жақын болған кім бізге,

Жамандықтан жирентіп,

Ақыл болған кім бізге?

Сәния:Үйретіп мұғалім бізге әліппені,

Мұғалім ғылымға жол салып берді

Адамның ақыл-ойы,мақсаттары,

Оқудың сәулесімен жарық көрді.

Айша:Әліппе даңғыл жол ашты,

Жаңадан пәндер жалғасты.

Әліппе сырын ұқтырған

-Рақмет,ұстаз алғашқы!

«Мектеп»әні Нұрбанудың орындауында

1-ші жүргізуші:Балалар,сендер үшін түн ұйқысын төрт бөліп,қуансаң-қуанып,реңжісең-жұбататын асыл адам-Ана!

Балалар:-Ана-біз үшін ең ардақтты адам.Ананы сыйлау-біздің парызымыз.Әліппені меңгертуге,жазуға,санауға үйреткен ата-анамызға рақмет!

«Ана»туралы ән

Мақал-мәтел айту.

1.Оқу-білім бұлағы,білім-өмір шырағы.

2.Оқусыз білім жоқ,білімсіз күнің жоқ.

3.Білекті бірді жығар,білімді мыңды жығар.

4.Оқу-білім азығы,білім –ырыс қазығы.

5.Білім қымбат,білу қиын.

6.Қына тасқа бітеді,білім басқа бітеді.

Би

Санамақ

Сәния:

Бір дегенім-бесік

Шықтың содан өсіп

Екі деген-елім,

Далам,тауым,көгім

Үш дегенім-үміт

Үміт артар жігіт.

Төрт дегенім-төзім

Төзе білем өзім.

Бес дегенім-бақыт,

Бағалайтын уақыт.

Нұрбану:

Алты деген-ақыл,

Тыңдағаның мақұл.

Жеті деген-жалау,

Жүректегі алау.

Сегіз деген-сөзің,

Серт беретін кезің.

Тоғыз деген-тоқтау,

Елдің жоғын жоқтау.

Он дегенім-Отан,

Қорға соны,ботам!

Ана тілі сөзі:Балалар,енді бұрынғыдан да көп оқитын боласыңдар.Мен сендерге көп қызықты кітаптар таратып бердім.Ынта қойып оқысаңдар көп нәрсе үйренесіңдер.

Хормен:Оқимыз,ана тілі,оқимыз!

Би

«Қазақстан»әні Сәния мен Ерасылдың орындауында

Жүргізуші:«Сүйікті әліппеге мың рақмет»ертеңгілігіміз аяқталды.Келгендеріңізге көп рақмет!