Қушлар бизнинг дўстимиз

105-darsMavzu: «Qushlar va hayvonlar - bizning do'stimiz» bo'limi yuzasidan takrorlash.

Darsning nomi: Tabiatni asrang.

Maqsad:TA’limiy: Bo'lim yuzasidan o'zlashtirgan bilimlarini takrorlash va mustahkamlash.

Tarbiyaviy: O'quvchilarni tabiatni asrab-avaylashga o'rgatish.     Rivojlantiruvchi: O'quvchilaming ziyraklik, topqirlik kabi sifatlarini va tafakkurini o'stirish.

O`quv jarayoniga oid kompetensiya:.F.k.1. o‘qilgan matnlarning mazmunini tushuna oladi va mavzuga mos maqol va hikmatli so‘zlarni topa oladi;T.k.3. mehnatsevarlik, to‘g‘rilik, hurmat qilish kabi sifatlarga ega bo‘lish;

Dars turi:  O’tgan mavzuni mustahkamlash.Yangi bilim berish.

Metodi: Savol-javob, guruhlarda ishlash,aqliy hujum.

Jihoz: Darslik materiallari asosida tayyorlangan tarqatma materiallar (resbus, krossvord, boshqotirma - har biri 4 nusxada) va ularning katta hajmdagi nusxasi.

Dars jarayoni:

1-bosqich. TAshkiliy qism:

2-bosqich: O'tgan darsda berilgan topshiriqlar bajarilishi, o'quvchilaming o'qish malakalari tekshirib ko'riladi.    5 daqiqa

3-bosqich. O'qituvchi o'quvchilarni 4 guruhga bo'ladi va har bir guruhga navbat bilan topshiriqlarni beradi.

Guruhlarga topshiriq.

1-topshiriq.        Darslikdagi 1-topshiriqda nechta qush va hayvon rasmi chizilgan?

Topshiriq sharti tushuntiriladi. O'quvchilar guruh bilan birgalikda ushbu suratni kuzatib, undagi qushlar va hayvonlar rasmi so-nini aniqlaydilar. Vaqt tugagach, har bir guruh nechtadan qush va hayvon rasmini topganliklarini aytadilar. Topshiriqni bajarish uchun o'quvchilarga 3 daqiqa vaqt beriladi.

4-bosqich: Mustahkamlash.

Taqdimot. Har bir guruhdan bir o'quvchi xattaxta oldiga kelib katta hajmda chizilgan suratdan har bir qush yoki hayvon rasmini ko'rsatib beradi. Javob berayotgan o'quvchiga faqat o'zining guruhi-dagi o'quvchilar yordam beradilar. Boshqa guruh o'quvchilari javobni to'ldiradilar.

2-topshiriq.        O'qituvchi har bir guruhga rebus tarqatadi. Guruh a'zolari 3 daqiqa davomida rebusda qanday hikmatli gap yashiringa-nini aytishlari lozim bo'ladi. Rebusni hal qilgan o'quvchilar guruhi xattaxta oldiga chiqib katta hajmda chizilgan rebusdan javobni qanday topganliklarini izohlaydilar. Xatolar bo'lsa, ularni boshqa guruh o'quvchilari tuzatadilar.

3-topshiriq.        Navbatdagi boshqotirma shartlarini tushuntirib uni hal etish uchun katta hajmda chizilgan boshqotirma xattaxtaga ilib qo'yiladi. Boshqotirmadagi har bir hayvonga mos ozuqalarni to'g'ri tanlab, har bir guruhdan bir o'quvchi tushuntirib beradi.

4-topshiriq.        Guruhlarga bir nusxadan krossvord tarqatiladi. Uni hal etish uchun 3 daqiqa ajratiladi. Shundan so'ng o'qituvchi katta hajmda chizilgan krossvordni xattaxtaga ilib qo'yadi va guruhlardan bittadan o'quvchi navbat bilan javobni aytadi va bo'sh katakchalarga yozadi.

5-topshiriq.        «Koptokcha» o'yini o'tkaziladi. O'qituvchi guruh o'quvchilaridan birining qo'liga koptokchani tutqazadi va savollar berib turadi. O'quvchilar savolga javob bersa, koptokchani ikkinchi guruh o'quvchilaridan biriga irg'itadi. Har bir guruhdan bir o'quvchi javob bergach, o'qituvchi keyingi savolni aytadi. O'yinning asosiy sharti koptokchani qo'lda uzoq ushlab turmaslik. Agar uchgacha sa-nagunga qadar javob aytilmasa, guruh yutqazadi va koptokchani keyingi guruh o'quvchilariga irg'itadi. 

5-bosqich: dars yakuni. Muhokama:

•             Bo'limdagi qaysi matn yoki she'r sizga yoqdi? Nima uchun?

•             Mashg'ulot sizga yoqdimi?          4 daqiqa

6-bosqich: uyga vazifa va baholash. O'quvchilar reyting mezonlari asosida baholab boriladi va mashg'ulot yakunida umumiy ballar e'lon qilinadi. 1 daqiqa