Коспект урока на тему 9 санының құрамы

1 «Б» сыныбы. Математика . Шығармашылық сабақ жоспары. 29.11.11

Сабақ тақырыбы: 9 санының құрамы

Сабақ мақсаты:

1) Білімділік: 9 санының құрамымен таныстыру,Сандарды салыстыру. 9 санының

құрамымен байланысты мысалдар орындау. Қосу амалына құрылған

теңдікке кері теңдіктер құру.

2) Дамытушылық: Оқушының ойлау қабілетін дамыту,қызығушылығын арттыру.

Математикалық жасанды тілмен сөйлеу дағдысын қалыптастыру.

3) Тәрбиелік: Оқушыны тиянақтылыққа,толық,дұрыс жауап беру, қисынды ойлау

мәдениетіне тәрбиелеу.

Сабақтың типі: Жаңа материалды меңгерту сабағы

Сабақтың түрі: Сынақ сабақ

Оқыту әдістері: Ой қозғау, талдау-жинақтау,практикалық, «басқа оқиғаға көңіл аудару»

әдісі, ойын.

Сабақтың көрнекілігі: Интерактивті тақта,слайдтар,мысал жазылған үлестірмелер,тілек

жазылған кестелер

Оқыту формасы: Ұжымдық,жеке

Сабақ барысы:

І. Ұйымдастыру кезеңі

1-10 көлемінде орыс және ағылшын тілідерінде тура және кері санау.

- Балалар, кім орыс тілінде 10-ға дейін санап береді ?

- Кім орыс тілінде кері қарай санайды ?

- Кім ағылшын тілінде санай алады ?

- Кері қарай ағылшын тілінде кім санайды ?

ІІ. Жаңа сабақ

1. Ой қозғау. Қандай сандардың қосындысы 9 санын құрай алады деп ойлайсыңдар ?

9 – дан қандай сандарды азайтуға болады?

Оқушылардан ауызша жауап алынады.

1. 9 саны құрамын талдау.

Б ерілген сурет бойынша теңдіктер құрамыз.

+ =

8 + 1 = 9

7 + 2 = 9

6 + 3 = 9

5 + 4 = 9

- Енді осы құрылған теңдіктердегі қосылғыштардың орнын ауыстыруға бола ма ?

- Болады.

1 + 8 =9

2 + 7 = 9

3 + 6 = 9

5 + 4 = 9

- Бұл теңдіктер бізге қандай заңдылықты еске түсіреді ?

- Қосудың ауыстырымдылық қасиеті туралы еске түсіреміз.

- Қосуға кері амал қандай амал ?

- Қосуға кері амал – азайту амалы.

- Ендеше кері теңдік құрамыз. Қосу амалымен қатысты қанша кері теңдік құруға

болады?

• Екі теңдік құруға болады.

8 + 1 = 9 7 + 2 = 9 6 + 3 = 9 5 + 4 = 9

9 – 8 = 1 9 – 7 = 2 9 – 6 = 3 9 – 5 = 4

9 – 1 = 8 9 – 2 = 7 9 – 3 = 6 9 – 4 = 5

ІІІ. Жаңа сабақты бекіту

1. Оқулықпен жұмыс.

Оқулықтың 56- бетіндегі № 4 – мысалды орындау.Оқушылар дәптерге орындайды.

Кейбір оқушылар тақтада жазуға шығарылады.Теңсіздік пен теңдік туралы еске түсіреміз.

0 * 9 9 см * 7 см 6 * 9 4 см * 9 см

9 * 9 9 см * 9см 9 * 8 9 см * 6 см

Сергіту сәті

Орман іші шу-шу

Жел соғады гу-гу

Нөсерлеткен жаңбырдан

Үсті-басым су-су

өлеңі бойынша оқушылар қимылдар жасайды.

1. «Басқа оқиғаға көңіл аудару » әдісі бойынша оқушыларға мысалдар жазылған

Үлестірмелер таратылады. Үлестірмеге жазылған мысалдың мәні 9 санының құрамына сәйкес келе ме ? деген сұраққа жауап береді. Мысалы: 5 + 4 қосындысы - 9 санының құрамына сәйкес келеді.

- 4 + 3 қосындысы 9 санының құрамына сәйкес келмейді, себебі мәні 7 – ге тең

болады.

1. Шығармашылық жаттығу.

Кестеде берілген түймелер қатарынан 3 – қатардағы бос тор көздегі түймені табу

қажет.

Жауабы: 3 – қатардың 3 –ші бос тор көзінде екі көзшесі бар түйме болуы керек.

ІҮ. Қорытынды.

1. Ойын « Кемпірқосақ »

Ойынның мақсаты: Оқушылардың ауызша есептеу дағдысын жетілдіру.

Қызығушылығын,белсенділігін арттыру.

Ойынның барысы: Слайда берілген кемпірқосақ жолағындағы мысалдар ауызша шығарылады.Әр мысалдың жауабына қарай түстер анықталып,кемпірқосақ жол-

дары боялады. Кемпірқосақ пайда болады.

2 ) Бағалау. Оқушыларды мадақтай отырып,оларға тілек жазылған кестелер тара-

тылады. Кестеде жазылған 9 саны құрамы туралы есте сақтау керектігі ескертіледі.

Кестеде « 9 тілді меңгеріп, 9 түрлі ілім үйрен » деген өсиет сөз жазылған.