К?птен безген к?гермес

БҚО

Сырым ауданы

Тоғанас ауылы

Беккужина Б.С

Бастауыш сынып мұғалімі

Сабақтың тақырыбы: Көптен безген көгермес М.Қуанышбеков

Сабақтың мақсаты: Мысал ертегі мазмұнын түсініп, идеясын ашуға және

әдеби теориялық білім арқылы шығарманың жанрын

ажыратуға мүмкіндік беру. Шығарма құрылысын өз

бетімен талдауға, ізденуге,шығармашылық дағдысын

дамытуға жағдай жасау. Сыйластық, достық, бірлік

қадірін түсінеге тәрбиелеу.

Көрнекілігі: Тақырыпқа байланысты суреттер

Сабақтың барысы:

І. Ұйымдастыру кезеңі

ІІ. Үй тапсырмасын тексеру

С.Сейфуллиннің «Наурыз» өлеңін мәнерлеп оқыту.

ІІІ.Өткенді бекіту

Тақтаға наурыз мерекесіне байланысты суреттер ілінеді.

• Оқушылар, мен мына суреттерді не үшін ілді деп ойлайсыңдар?

(Оқушылардың жауаптары тыңдалады)

Жаңа сабақ

1.Қызығушылығын ояту

Тақтаға сөзжұмбақ ілінеді.

1.Балалар, сендер тәуелсіз елде тұрып жатырсыңдар. Тегін білім аласыңдар. Тамақтарың тоқ, киімдерің көп, ештеңе ойламайсыңдар. Сонда сендер қандай балаларсыңдар?

2. Өлімнен ... күшті.

3. ... - тозбайтын тон,

Білім - таусылмайтын кен.

4. ... болмай, тірлік болмас.

5. ... көпті жау алмайды, ақылы көпті дау алмайды.

6. Төбе шашы тік тұрды. (Қандай сөз тіркесі)

7. Мадина жолда келе жатып, жылап отырған кішкентай қызды көреді. Қасына барып, мән-жайды сұрап болған соң, Мадина оны үйіне апарып тастайды. Балалар, сонда Мадинаның жүрегінде қандай сезім пайда болды?

8. Бармағын тістеп қалды. (Қандай сөз тіркесі)

- Балалар, қандай сөз шықты?

- Құмырсқа

- «Құмырсқа» сөзіне ассоциация жасату.

2. Мағынаны тану

- Олай болса, бүгін біз өздерің жазған сезімдер мен ұғымдарды басынан кешірген кейіпкер туралы қызық мәтінмен танысамыз, - деп, сабақ тақырыбы және автормен таныстыру.

«Болжау» стратегиясы бойынша сабақты өзкіземін.

Мәтінді басынан бастап, «Өзіңе ғана жинасаң, қиналмас та едің» деген жерге дейін оқытамын.

- Мәтіннен не түсіндіңдер?

- Қоңыз оған не деді?

- Қоңыз Құмырсқаға шынымен жаңашырлық ақыл айтты ма?

- Қоңызға кездескенге дейін Құмырсқа қандай еді? Дәлелде.

- Балалар, Құмырсқа өзінің өмірін өзгертеді деп ойлайсыңдар ма? Болжау

- Осы оқиғаның басталуында өздерің жазған сезімдердің қайсысы байқалды?

Мәтінді әрі қарай «Бірде Құмырсқа ...» деген сөйлемге дейін оқу.

Мазмұнын талдау.

- Бұл үзіндіден қандай сезімдер байқалды?

- Әрина, бақыт. Құмырсқа бақытты ма? Оның бақыты ұзаққа созылуы мүмкін бе?

- Неліктен олай ойлайсыңдар?

- Әрі қарай Құмырсқаның тағдыры не болғаны туралы білгілерің келе ме?

«Бірде Құмырсқа ...» деген сөйлемнен бастап, «Өлдім-талдым дегенде Құртты үйінен әзер қуып шықты» дегенмен аяқтау.

- Бұл үзінді қандай сезімге сай?

- Әрине, үрей. Неліктен?

- Құмырсқаны осы тұста ақын қалай бейнелеген?

- Енді Құмырсқанын жағдайы қалай болар екен? Болжау.

- Ал, балалар бұл бөлім қандай сезімдерге сәйкес келеді?

- Құмырсқа неге жылады?

- Кәрі құмырсқа не деді?

- « Көптен безген көгермес» дегенді қалай түсінесіңдер?

- Мәтін тақырыбың қалай түсіндіңдер?

3.Ойтолғау

«Доссыз өмір сүру неге қиын» эссе жаздыру.

ІҮ. Сабақты қорытындылау

«5 жолды өлең» стратегиясын қолданамын.

Зат есім. Құмырсқа

Сын есім. Еңбекқор, кішкентай

Етістік. Жүреді, қоректенеді, көтереді

Сөйлем. Құмырсқа қоңызға алданып қалды.

Синоним. Жәндік

Ү. Үйге тапсырма

- «Көптен безген көгермес» мысал ертегісін түсінгенін айту.

- Мәтінге байланысты сурет салып, мақал-мәтел жазып келу.

ҮІ. Бағалау