Конспект урока по казахскому языку на тему:"Отан деген-атамекен,Отан деген-ту?ан жер"

«Отан деген – атамекен, Отан деген – туған жер!»

Мақсаты: 1. Білімділік: оқушылардың Отан туралы түсініктерін кеңейту.Отан өзінің тұратын, өмір сүретін жері ретінде тсіндіру.Егеменді ел жетістіктері туралы таныстыру.

2. Дамытушылық:Туған елі, Отаны туралы оқушының сөйлеу дағдыларын қалыптастыру, сөздік қорын молайту,есте сақтау қабілетін дамыту.

3.Тәрбиелік:Оқушының еліне деген сүйіспнешілік ,мақтаныш сезімін тәрбиелеу.

Сабақтың түрі: білім тексеру сабағы. Сабақтың әдісі: сұрақ-жауап, әңгімелеу, өлеңдер оқу, сөзжұмбақ шешу. Сабақтың көрнекілігі: бейнетаспа, суреттер, ҚР-ның Мемлекеттік рәміздері, орамал, сөзжұмбақ.

Сабақтың барысы

1. Ұйымдастыру кезеңі.

А) Сәлемдесу

Ә) Кезекшімен тілдесу және сабаққа даярлықтарын тексеру

II. Cабақтың тақырыбы мен мақсатын хабарлау.

20 жылдық Тәуелсіздік мерекенің қарсаңында өткізілетін сабағымыздың тақырыбы «Отан деген – атамекен, Отан деген – туған жер» Біздің мақсатымыз: өткен сабақтарда оқыған тақырыптарың бойынша алған білімдеріңді пысықтап, қорытынды жасаймыз. Әр азамат өзінің туған жерін, елінің тарихын, мәдениетін біліп өсуі керек.

Тәуелсіз ел атандық

Биік даңқың

Бар әлемге әйгілі

Мәлім атың

Ата-баба қанымен

Келген бізге

Тәуелсіздік құт болып

Қонды елге

Кіріспе сөз;1991 жылы 16 желтоқсанда қазақ мемлекетінің тәуелсіздік күні жарияланды.Биыл тәуелсіз ел атанғанымызға 20 жыл толады.Тұрғылықты халық үшін теңдесі жоқ аса маңызды тарихи оқиға.Еліміздің тұңғыш Президенті сайланды.Өз мемлекеттік рәміздеріміз қабылданды.

III. Қазақстан Республикасының Мемлекеттік Әнұраны орындалады. – Балалар, біз Мемлекеттік рәміздер туралы не білеміз? (плакат ілінеді) 1.Қазақстан Республикасының Мемлекеттік рәміздері қашан қабылданды?2.Қазақстанның туы мен гербі қандай түсті ?

1-оқушы: Қазақстан Республикасының Мемлекеттік Гимні

Біздің Отанымыз – Қазақстан. Оның басты рәміздерінің бірі – Гимн. 2006 жылдың 7 қаңтарында Қазақстан Республикасының жаңа мемлекеттік Гимні қабылданды. Гимнің сөзін жазғандар – Жүмекен Нәжімеденов пен Нұрсұлтан Назарбаев. Ал әнін жазған – белгілі сазгер Шәмші Қалдаяқов. Гимнді жатқа білу – әрбіріміздің парызымыз.

2-оқушы: Қазақстан жалауы

Көк байрағы бабамның - Бүгінгі ұрпақ алауы. Тірегі әке, баланың - Қазақстан жалауы.

3-оқушы: Қазақстан Республикасының Мемлекеттік Туы

Қазақстан мемлекетінің туы көгілдір түсті. Тудың ортасында күн бейнеленген. Күн – бейбітшіліктің белгісі. Күннің төменгі жағында қыран бейнеленген. Қыран – бостандықтың белгісі. Сол жағында қазақтың дәстүрлі өрнегі бар. Тудың авторы – суретші Шәкен Ниязбеков.

4-оқушы: Қазақстан Республикасының Мемлекеттік Гербі

Қазақстан Республикасы Мемлекеттік Гербінің ортасында шаңырақ бейнеленген. Шаңырақты айнала уықтар күн сәулесіндей жарқырайды. Оның екі жағын қанатты пырақтар көмкерген. Гербтің жоғарғы жағында жұлдыз орналасқан,ал төменгі жағында «Қазақстан» деген жазу бар. Гербтің авторлары – ота Уәлиханов пен Жандарбек Мәлібеков.

5-оқушы:

Елтаңбасы елімнің

Неткен әйбат, әдемі!

Тұнығындай көңілдің

Ортада аспан әлемі.

Құт-береке – шаңырақ,

Орын алған ол төрден.

Қанатты қос арғымақ

Екі жақтан көмкерген.

IV. 1. Қазақстан Республикасының картасына шолу жасайық.

6- оқушы

Қазақстанда ірі қалалар көп.Олар- Астана,

Алматы,Қызылорда,Ақтау,Ақтөбе,Шымкент,Атырау,Тараз,Қостанай,

Қарағанды,Павлодар,Өскемен,Петрапавл,Жезқазған.Қазақстанның жері бай. Қарағанды мен Екібастұзда көмір ,Ақтау мен Маңғыстауда мұнай,Балқашта мыс ,Өскеменде мырыш өндіріледі.

7-оқушы: Мен Қазақстанда тұрамын. Қазақстан – менің атамекенім. Ол – керемет ел. Қазақстанда кең-байтақ дала, асқар таулар, мөлдір көлдер, өзендер бар. Қазақ халқы – мейірімді, қонақжай халық. Қазақ тілі – қазақ халқының ана тілі, мемлекеттік тіліміз. Қазақ тілі – өте әдемі, бай тіл. Мен Отанымды мақтан етемін.

Мұғалім сөзі; Сонымен,Қазақстанның жері өте бай.Әр қала өз байлығымен атақты.

Қарағандыда,Екібастұзда------------ көмір

Алматы-------алмасымен

Атырау--------мұнайымен

Жезқазған----------мыспен

Қызылорда---------күрішімен

Ақмола,Қостанай---------бидайымен

Отан дегеніміз не?кім осы сұраққа жауап береді?

Отан – адамның туып өскен жері.Қазақстанда тұратын адамдардың Отаны –Қазақстан Республикасы.Адамның кіші Отаны да болады.Ол-тұрған үйі,ауласы,көшесі,ауылы,мектебі,достары,көршілері.Отанды сүйе білген адам бақытты.Отанды сүю отбасынан басталады.

V.Дәптермен жұмыс.Грамматикалық тапсырмаларды орындау

1.Киіз үй Отан,жер,қазақ,ел,ата-ана,кіші,отбасы,көше,тау,өзен,дала,ән.

Жуан буынды сөздер Жіңішке буынды сөздер

2.Қазақстан ,тәуелсіздік,мемлекет,әнұран,елтаңба

Сөздерді буынға бөлу,буын түрлерін ажырату

3.Көп нүктенің орнына тәуелдік жалғауларын қойып жазыңдар.

Менің Отаным...,оның жолдас...,сенің міндет..., оның үй...,менің білім..., оның қала...,сенің ауыл...

3.Сөзжұмбақ шешу

VI.Айтылым.Бейнетаспа көрсету.Астана туралы

Астана-Қазақстан Республикасының ел ордасы.Ол Есіл өзенінің жағасында орналасқан.Астана – көрікті қала.Мұнда әсем ғимараттар ,мұражайлар,ескерткіштер бар.Астана жылдан жылға көркейіп келе жатыр.

Астана

Барлық қала жүрегі Мәз боламыз шаттана,

,Барша қауым тілегі Сұлу қала Астана.

Әсем қала Астананы, Әнге қосып атыңды

Бүкіл бала біледі. Айтамыз біз мақтана.

VII.«Сиқырлы тақия» ойыны арқылы Отан туралы кім,қандай мақал білетінін білейік.

VIII.Енді ,Қазақстан қандай мемлекет? деген сұраққа жауап беру үшін кластер құрастырайық.

IX.Ойын «Орамал тастау» Шарты;орамал шашақтарына байланылған тапсырмаларды әнәуен арқылы оқушылар арасында жүргізу ,әнуен тоқтаған кезде қай балада орамал қалса сол бала тапсырманы орындайды немесе сұрақтарға жауап береді.

X. Тест сұрақтарына жауап беру.

XI. Қорытынды жасау үшін сұрақтар қою.

1.Биыл Қазақстан Республикасының Тәуелсіздігіне неше жыл?

2.Тәуелзіз елдің тұңғыш Президенті кім?

3.Қазақстан қандай мемлекет?

Енді осы, Тәуелсіз Қазақстанымызға қандай тілектерің бар,сол тілектеріңді күн нұрындай күн шуақ арқылы тілеңдер,балалар!

Ал енді балалар ,осы тәуелсіз Елімізге ант берейік.

Біз ант береміз,Өз Отанымызды құрметтейміз,сүйеміз,қорғаймыз!

XII. Бағалау

XIII. Үйге тапсырма