Конспект-урок по познанию мира

Сулейменова Айгул Хабибуллаевна

Сыныбы: 3 «В»

Пәні: Дүниетану

Өткізген күні: 26.02.2013 жыл

Сабақтың тақырыбы: Өрмекші тәрізділер.

Сабақтың мақсаты:

Білімділік: өрмекшітәрізділер туралы білім алады.

Дамытушылық: өрмекшітәрізділер туралы білімдерін дамытады.

Тәрбиелік: жануарларды қорғауға,аялауға тәрбиеленеді.

Сабақтың түрі: сын тұрғысынан ойлау.

Көрнекілігі:сұрақ парақтары,топтардың аттары, слайд суреттер.

Сабақтың барысы:

Ұйымдастыру кезеңі.

Психологиялық дайындық

Сүйейік, табиғатты аялайық!

Біз де онан жақсылықты аямайық!

Табиғаттан нәр алған ғой жанымыз,

Ұсынайық жүрек нұрын бәріміз.

Асықтар арқылы бағалап отырамын.

Үй жұмысын тексеру.

Аяғы жоқ, қолы жоқ,
Судан басқа жаны жоқ.
Денеге тисе жабысар,
Қанын сорып таусар. (Сүлік)

-Сүлік жануарлардың қай тобына жатады?

Иір-иір үйі бар,

Ііші қапас,әрі тар,

Құлақ тоссаң

Ызыңдаған үні бар. (Ұлу)

-Ұлу жануарлардың қай тобына жатады?

Бір мақұлық мойны жуан,тірсегі ұзын,

Тікпесе де өзі етік,сақтар бізін,

Тағы да ыңғайлы қайшысы бар,

Іс тігіп, көргенде емес еш қызығын. (Шаян)

-Сарышаян жануарлардың қай тобына жатады?

Қызығушылықты ояту.

Оқушылар мына топтарға бөлінген:

1топ : "Өрмекші"

2-топ : "Қарақұрт"

3-топ : "Бүйі"

4-топ : "Кене"

Жұмбақ шешу. Тор тоқуға шебер – ақ,

Бірақ киім тікпейді.

Өнері де өнер-ақ,

Бірақ ісі бітпейді. (Өрмекші)

"Топтастыру" стратегиясы

"Өрмекші" дегенде көз алдарыңа не елестейді?

Балалар әрқайсысы жеке,одан кейін жұп-көршісімен бөліседі,одан кейін- топ және барлығы өз білендерін ортаға салады. сыныппен жұмыс- топ басшысы ортақ пікірлерін баяндап береді.

Өрмекші : - жәндік

-жақсылық әкеледі

- киелі

- қорқынышты

Мағынаны тану.

а) оқулық бойынша жұмыс.

Оқулық бетіндегі қысқа мәтіндерді беру.

1топ: "Өрмекші"

2-топ: "Қарақұрт"

3-топ : "Бүйі"

4-топ: "Кене"

Әр оқушы жеке өзі оқиды, жұп болып көршісімен бөліседі, топ болып мәтін бойынша түсінгендерін әңгімелейді. Топпен эксперт парағына жауап береді.

Сұрақ парағы:

1-топ: “Өрмекші”

1.Жәндіктерге нелер жатпайды?

2.Өрмекшілер қандай пайда келтіреді?

3.Өрмекшілер жемін қалай табады?

2 топ: “Бүйі”

1.Өрмекшілер бір-бірінен қалай ерекшеленеді?

2.Өрмекшінің уының адам өміріне қаупі бар ма?

3.Қандай өрмекшілер адамға қауіпті?

3-топ: “Қарақұрт”

1.Қарақұрт қай жерлерде тіршілік етеді?

2.Қарақұрт немен қоректенеді?

3.Қарақұрт шағып алса не істеу керек?

4.Ең ірі өрмекші туралы не білесің?

4-топ: “Кене”

1.Көктемде адам денсаулығына не қауіпті?

2.Кене адамдарға неден жабысады?

3.Денеден кенені қалай алып тастау керек?

4.Кененің шаққан жерін не істеу керек?

Сергіту сәті.

Қоюланып тағы бұлт,

Жауды жаңбыр себелеп.

Жануарлар жамылып,

Тығылады көбелек.

Ой қозғау

-Өрмекшітәрізділерге нелер жатады?

-Жәндіктерден қандай айырмашылығы бар?

Слайд бойынша өз ойын дәлелдейді.

Тапсырма.

1топ: Өрмекші туралы 5 жолды өлең құрастыру

2-топ: Қарақұрт туралы 5 жолды өлең құрастыру

3-топ : Бүйі туралы 5 жолды өлең құрастыру

4-топ : Кене туралы 5 жолды өлең құрастыру

Бағалау.

Асықтар арқылы.

Үйге тапсырма.

1-топ: Өрмекші туралы эссе жазу.

2-топ : Қарақұрт туралы эссе жазу.

3-топ : Бүйі туралы эссе жазу.

4-топ : Кене туралы эссе жазу.