Конспек урока на тему "Адамдар жануарлардан не алады?"

Сабақ тақырыбы:

Адамдар жануарлардан не алады?

Мектеп: №6

Күні : 24.10.2017ж

Мұғалімнің есімі: Зейнуллаева.Әсем

СЫНЫП: 1 «қ» сынып

Қатысқандар саны:

Қатыспағандар саны:

Осы сабақта қол жеткізілетін оқу мақсаттары(оқу бағдарламасына сілтеме)

1.2.2.2 жабайы және үй құстарын ажырату;

1.1.1.1 қоршаған әлем құбылыстары, үдерістері мен нысандарын зерттеудің қажеттілігін түсіндіру

Оқу мақсаты:

Барлық оқушылар: жабайы жануарларды үй жануарларын ажыратады, жануарлардан қандай өнім алатынын біледі.

Оқушылардың басым бөлігі:

Жануарлар өмірімен танысады

Кейбір оқушылар: үй жануарларының пайдасын біледі, жануарларды зерттейді, шешім қабылдайды.

Бағалау критерийлері

Жабайы, үй жануарларын ажыратады.

Жануарлардан қандай өнім алатынын біледі.

Үй құстарынан алынатын өнімді анықтайды.

Жануарларды зерттейді, бақылайды, салыстырады, шешім қабылдайды

Тілдік мақсаттар

Тері, жүн, сүт, жұмыртқа,ет

Ресурстар:

Жүн мен мамықтан жасалған бұйымдар;

ыдысқа құйылған сүт өнімдері: сүт, шұбат, мүмкіндік болса, қымыз немесе олардың суреттері;

үй және жабайы жануарлардың белгілері бар үлестірмелі парақшалар.Белсенді тақта

Құндылықтарын дамыту

Жауапкершілікке тәрбиелеу.

Ынтымақтастыққа үйрету.

Пәнаралық байланыстар

Дүниетану

Музыка

Сабаққа байланысты деректі материалдар

Сабаққа қатысты ескертпелер

Үй жануарларының адамға пайдасы көп. Сиырдан сүт, ет, тері алынады.

Жылқы адам үшін жақсы көлік қана емес, сонымен қатар ол қымыз деп аталатын шипалы сүт береді. Тауық, қаз, үйректен ет, жұмыртқа, мамық алынады. Қойдан — ет пен жүн; ешкіден — ет, сүт, түбіт алынады. Түйе өте пайдалы сүт береді. Одан шұбат деп аталатын сусын жасалады.

Қалада жануарлар адамдармен бірге пәтерлерде тіршілік ететіндіктен, адамдар тек өздері үшін ғана емес, сонымен қатар олар үшін де жауапты екенін сезінеді. Осы жауапкершілік баланың бойында барлық тіршілік иесіне деген мейірімділік, сүйіспеншілік, қамқорлық сезімдерін ұялатады.

Сөйтіп,адам үй жануарларына қарау арқылы мейірімді және қамқор болуға үйренеді.

Шұба- бұл түйенің сүтінен жасалған қышқыл сусын. Ол ақ түсті, майлы және қою болады.

Қымыз -бие сүтін ашытып жасайтын,сергіткіш, қышқылтым сусын.

Құрт — тұзды сүт өнімі.

Адам жануар етін, сүті мен жүнін пайдаланады. Түйе сүті — шұбат, ал жылқы сүті — қымыз деп аталады. Олар — пайдалы сусындар. Сиыр мен қой сүтінен май, құрт және ірімшік жасайды.

Жануардың жүні мен терісінен киім, аяқкиім тігеді.

Үй құстары

Сен жұмыртқа қосылған

тағамдарды ұнатасың ба?

Жұмыртқаны қайдан алады?

Қандай үй құстарын білесің?

Құстардан тағы не алынады?

Кіріспе тапсырма.

Топтағы оқушылар мұғалім ұсынған үй және жабайы жануарлардың белгілері бар үлестірмелі парақшаларды таңдайды.

Үй жануарлары

адамның жанында тіршілік етеді; адам оларға қора, үйшік салады; оларды қоректендіреді; оларды күтеді; төлдеріне қамқор болады.

Жабайы аңдар

орманда мекен етеді; суқоймада тіршілік етеді; тауда мекендейді; далада мекендейді; өзін-өзі қорғайды; өзін-өзі емдейді;

өздері төлдеріне қамқорлық жасайды; өздері қорек табады; өздері ін қазып, үңгірлерді мекендейді.

Адамдар және жануарлар. Анасы не сатып алды? Өнімдер қайдан алынaды? Адамдар жануарлардан қандай азық-түлік өндіреді? Кім шұбат, қымыз ішіп көрді? Шұбатты, қымызды немесе құртты қалай жасайтынын кө гендерің бар ма? Тапсырма барысында aуылдың қаладан айырмашылығын нақтылауға болады. “Не себепті ірі үй жануарларын қаланың пәтерінде емес, ауылда асырайды?” — деп сұраңыз.

Үй құстары. Оқушылардан “Кім жұмыртқаның ақуызын жақсы көреді? Жұмыртқадан тағы қандай ас әзірлеуге болад?

Зерттейік. Оқушылардың назарын алдын ала дайындалып қойған, олар күнделікті қолданатын азық-түліктерге аударыңыз.

Бірінші топ-Құрт, ірімшік, балқаймақтың дәмін татады. Қандай жануардан алынатынын біледі. Екінші топ- Жүннен жасалған бұйымдарды ажыратады. Үшінші топ- Жылқы еті,сйыр еті және тауық етін ажыратады.Төртінші топ-ыдысқа құйылған шұбат,қымыз және сүттердің дәмін татып қандай жануардан алынатынын біледі. Олар “адам үй жануарларынан өте көп бұйым алады” деген қорытындыға келулері керек.

Үйде ұстайтын жануарлар. Оқушылардың назарын дүкеннің­ қасында орналасқан көпқабатты үйге аударыңыз. Кейіпкерлерді мұқият қарасын. “Айдос не істеп жатыр? Айнұр не істеп жатыр? Адамға тотықұс, мысық, аквариум балықтары қандай пайда әкеледі?” деген сұрақтарға жауап ала отырып, оқушыларға жануарлардан азық-түлік пен киім жасайтын өнім (жүн, тері, мамық) алып қана қоймай, оларға қамқорлық жасау (емдеу, қоректендіру, қарау) керектігін түсіндіріңіз. Кімнің үйінде осындай жануарлар бар?

Ойлан!

Өрмекші үй жануарына жата ма?

Өрмекшінің бірнеше түрі бар.Өрмекшілер шыбын шіркейлерді жейді. Қатты жылдамдықпен шіркейлерді өз торына түсіреді.Өрмекке түскен жемтігін тұншықтырып өлтіреді өлгеннен кейін шіркейді жемейді тек шырынын сорады. Өрмекші өрмегін жел болғанда құрады.Өрмекшінің көзі бір неше бөліктен тұрады. Сезу қаблеті өте жоғары. Өрмекшінің пайдасы, да зияны да бар.

Қосымша тапсырмалар

Төрт түлік туралы мақал –мәтел

Оқушылардың назарын алдын ала дайындап қойған олар күнделікті қолданылып жүрген азық-түліктерге аудару( айран, сүзбе, сүт, құрт, қаймақ, май, қуырдақ, қазы, жұмыртқа, шұбат,қымыз). Әр оқушы өнімдерді тиісті жануарлармен сәйкестендіреді.

Кері байланыс

Білдім. Білгім келеді. Сұрағым бар.

Бағалау

Жабайы,үй жануарларын ажыратады.

Жануарлардан қандай өнім алатынын біледі.

Үй құстарынан алынатын өнімді анықтайды..

Жануарларды зерттейді, бақылайды, салыстырады, шешім қабылдайды.

Қорытынды бағамдау

Қандай екі нәрсе табысты болды ?

1:

2:

Қандай екі нәрсе сабақты жақсарта алады?

1:

2:

Сабақ барысында мен сынып немесе жекелеген оқушылар туралы менің келесі сабағымды жетілдіруге көмектесетін не білдім ?