Конспект урока на тему: "Мивдисæг".

Урочы темæ: «Кæдæм цæут?»

Грамматикон темæ: « Мивдисæг». («Глагол»).

Урочы тип: Ног æрмæг ахуыр кæнын.

Хæстæ: -Сывæллæтты мивдисæгимæ базонгæ кæнын, хъуыдыйады мидæг мивдисæг иртасын;

- мивдисджытимæ хъуыдыйæдтæ аразыныл бакусын;

-аив ӕмӕ интонацион æгъдауæй раст кæсыныл ахуыр кæнын.

Фæстиуджытæ

Предметон

-хъуыдыйæдты мивдисджытæ агурын зонын;

-цавæр хъуыдыйады уæнгтæ сты, уый зонын;

Метапредметон

-урочы ахуырадон хæс æмбарын æмæ йæ зæрдыл дарын;

-хатдзæгтæ кæнын, архайды пълан аразын, фæстиуджытæн рагацау прогноз кæнын;

Удгоймагон

-хи бæрнондзинад æмæ хæдбардзинад æмбарын (хатын)

Предметты хсæн бастдзинад: литературон кæсынад (хъуыдыйæдтæ аив кæсын)

Æххуысгæнæг фæрæзтæ (ресурстæ):ахуыргæнæн чиныг, кусæн тетрад, кусæн программæ; карточкæтæ, ИКТ.

Урочы цыд:

Ахуыргæнæджы архайды мидис

Скъоладзауы архайды мидис

Зонындзинæдтæ райсыныл архайды мотиваци

• - Фæйнæгыл слайд базон – базонимæ.

Архайд æмæ ми æвдисын

Мæнæн у алкæддæр мæ хæс.

Номдартæм мæхи фæисын,

Дæн сын алкæд коммæгæс.

( Мивдисæг).

• - Сколадзаутæ æвдисынц цыбыр сценкæ «Кæдæм цæут?» Скъоладзауты хæс у равдыстмæ бакæсын æмæ фарстатæн дзуæппытæ раттын.

• Фарстатæ:

- Мах бызыдтам тæхсæлы тыххæй. Йæ ном у Хъохъо, цæуы йыл 4 азы, ис ын мад æмæ фыд.

• Сымахæй та чи радзурдзæн йæхи тыххæй?!! ( Иу цалдæрæй дзуапп дæттынц)

• - Ахуыргæнæг иу скъоладзауы сыстын кодта, иннæ та фæйнæг сæрфы.

- Дзырдтæ: лæууы, сæрфы-мæ ма фарстатæ раттут.

- Æмæ ма мын зæгъут уæдæ, ацы дзырдтæ цы вдисынц, предмет æви предметы архайд?

- Цы ныхасы хай у?

Слайд

- Сывæллæттæн сæ хæс

у базонын базон – базон.

Хъилхъус: Дæ райсом хорз!

Тæхсæл: Салам! Кæдæм цæут?

Хъилхъус: Мах цæуæм æрдузмæ!

Тæхсæл: Кæмæ?

Къæбæда: Уызынмæ. Не мбал у. Ды та чи дæ?

Тæхсæл: Ӕз дæн Тæхсæл. Мæ ном у Хъохъо.

Хъилхъус: Цал азы дыл цæуы?

Тæхсæл: Цыппар азы.

Къæбæда: Мад æмæ фыд дын ис?

Тæхсæл: О. Ис мын мад æмæ фыд.

Хъилхъус: Хъохъо, кæдæм цæуыс?

Тæхсæл: Никуыдæм.

Хъилхъус: Цом махимæ æрдузмæ, уызынмæ.

Тæхсæл: Хорз. Цомут!

- Хъохъо

- 4 азы

- мад æмæ фыд

- Уæ бон хорз!

Мæ ном хуыйны …

Мæ мыггаг у …

Цæуы мыл …

Ис мын мад, фыд, хо æмæ æфсымæр.

Æз цæрын горæт Дзæуджыхъæуы.

Скъоладзаутæ дзурынц, цы ми кæнынц се мбæлттæ, уый. (Баграт лæууы, Янæ фæйнæг сæрфы)

- Цы ми кæны? Цы кæны?

- Предметы архайд.

- Мивдисæг. Глагол.

Зонындзинæдты актуализаци

• - Скъоладзаутæ кæсынц хъуыдыйæдтæ фарс 45, хæс 9, агурынц дзы мивдисджытæ. (Къæйттæй куыст).

-Кæсынц хъуыдыйæдтæ. Агурынц дзы мивдисджытæ.

1) Чызг фыссы фæйнæгыл. (фыссы)

2) Лæппу лæвар кæны дидинджытæ йæ мадæн. (лæвар кæны)

3) Чызг худы. (худы)

4) Лæппу кæуы.(кæуы)

Аулæфт

Зонындзинæдтæ райсыныл архайды арæзт

• - Ракæсут ма фæйнæгмæ. Фæйнæгыл слайдтæ, уæ хæс у ацы нывтæм гæсгæ саразын хъуыдыйæдтæ.

а.д.

• - Хæс 8, фарс 44.

Хæс: Сараз дзырдтæй хъуыдыйæдтæ.

кæсын бандоныл

бадын тæбæгътæ

Ӕз хъусын Аланмæ

æхсын чиныг

• - Ахуыргæнæг кълас адих кодта дыууæ къордыл, байуæрста сын карточкæтæ. Дзырдтæ фыст сты æртæ цæджындзæй.

Хæс: Ацы дзырдтæй саразут хъуыдыйæдтæ.

Дзурынц мивдисджытæ.

Кæцы къорд тагъддæр æмæ растдæр уа, уый рамбылдта.

- Раздæхтысты фыццаг слайдмæ, базон-базонмæ.

- Дзуапп у мивдисæг.

• Рефлекси

- Чызг хæры.

- Лæппу худы.

- Нана кæсы чиныджы.

а)Æз кæсын чиныг.

æ)Æз бадын бандоныл.

б)Æз хъусын Аланмæ.

в)Æз æхсын тæбæгътæ.

Ӕз дзурын æмдзæвгæ.

Ӕз хæрын сæнæфсир.

Ӕз ахуыр кæнын скъолайы.

Ӕз цымын цай.

Ӕз худын Алинæйыл.

Ӕз лæууын бæласы бын.

Ӕз лидзын куыдзæй.

Ӕз хуыйын къаба.

Хатдзӕгтӕ скӕнын

* - Зæгъут ма мын сывæллæттæ, абон нæ зæрдыл цы æрлæууын кодтам?

- Ногæй та цы базыдтам?

- Ноджы ма цæуыл бакуыстам?

- Нæ зæрдыл æрлæууын кодтам цыбыр радзырд , хи тыххæй дзурын куыд хъæуы, уый.

- Архайд цы дзырдтæ æвдисынц, уыдон сты мивдисджытæ.

- Дзырдтæй хъуыдыйæдтæ куыд аразын хъæуы, ууыл.

Цы фӕстиуджытӕм ӕрцыдысты, уый диагностикӕ: 2-ӕм фӕлт., фарс 17

Хи куысты анализ

Ӕнтыстдзинӕдтӕ

Уæ къухтæ сдарут, афтæ чи хъуыды кæны æмæ йæ бон цæй бæрц уыд, уыйбæрц бакуыста абон урочы.

Фæндон

Афтæ чи хъуыды кæны æмæ хорз бакуста, фæлæ йæ бон ноджы хуыздæр уыди бакусын, уæ къухтæ сдарут.

Зындзинæдтæ

Афтæ та чи хъуыды кæны æмæ æрмæг зын уыдис, йæ бон кусын нæ бацис. Урочы рæстæг фембæлыд къуылымпыдзинæдтимæ. Сымах дæр уæ къухтыл схæцут.