Просмотр содержимого документа
«К??ілді старт-спортты? сайыс »
Тақырыбы: «Көңілді старт» ойыны
Мақсаты: оқушыларды адам денсаулығының қымбаттылығын, өмір сүру үшін қажеттілігін, бағалы байлық екенін түсіндіру. Оқушыларды және ата-аналарды сұлу да сыбатты, денсаулығы зор, күшті болу үшін денені шынықтыру, оларға спортпен айналысуын қажет екендігінің манызын түсіндіру. Салауаттану - адам жанының да, тәнінің де тазаруы, денсаулығының жақсаруы, сондықтан салауатты өмір салтын ұстануға тәрбиелеу.
Көрнекіліктер: нақыл сөздер, шарлар.
1. Спорт- денсаулық кепілі.
2. Тәлімді тәрбие отбасынан бастау алса, дені сау ұрпақ – ұлт болашағы болмақ.
3. Саулық-байлық негізі
Барысы:
1-жүргізуші: Бүгінгі «Спорт- денсаулық кепілі» дегендей бүгінгі «Көңілді старт» сайысына қош келдіңіздер!
2-жүргізуші: бүгінгі сайысымызға мектебіміздің 2 сынып оқушылары қатысады. Әр топ жеңіс мәресіне жету үшін бірнеше кезеңнен тұратын кедергілерге төтеп беруі тиіс.
1-жүргізуші:
Денсаулық-ол шыныққан
Барлық денең мүшесі.
Денсаулық-ол тыныққан
Жүйке тамыр жүйесі.
2-жүргізуші:
Денсаулық-ол күлуің
Көңіл-күйің жадырай.
Денсаулық-ол жүруің
Ешбір жерің ауырмай.
1-жүргізуші:
Біздің жетістіктерімізді бағалайтын әділқазылар алқасымен таныстыруға рұқсат етіңіздер!
1.бастауыш сыныптарды оқыту ісінің меңгерушісі: Имангалинва А.Қ
2. Бастауыш сыныптар бірлестігінің жетекшісі: Мусагалиева М.Х
3. тәрбие ісі жөніндегі меңгеруші:Абдрахманова Г.Ж
1-жүргізуші: Тәлімді тәрбие отбасынан бастау алса, дені сау ұрпақ – ұлт болашағы болып есептелінеді. Сондықтан салауатты өмір салтын қолдайық
2-жүргізуші:
Спорт – денсаулық кепілі десек, бұл сайыстың тәрбие мен салауатты өмір салтын насихаттау мақсатында ұйымдастырылып отыр. Біріншіден, дені сау ұлттың қалыптасуына атсалысады, екіншіден бағдарламаға қатысқан әртоп рухани және мәдени мереке сыйлайды.
1-жүргізуші:
Ойнайық, ойнайық та ойлайық!
Қатардан артта қалып қоймайық,
Белсенді болайық ортада,
Уақытты тектен-тек жоймайық!
2-жүргізуші:
Ойнайық, ойнайық та ойлайық!
Күшімізді көрсетейік, сынайық!
Жеңсең де, жеңбесең де ренішсіз
болайық,
Қаймықпай, көңілді болып тарайық!
1-жүргізуші:
Бүгінгі спорттық сайыс 6кезеңнен тұрады.
1. «Білімді кенгуру»
2. «Кім көп секіреді?».
3. «Лезде ойлап тап!».
4. «Жеңіске жету»
5. «Доппен секіру»
6. «Вагондар жарысы»
7. «Қызықты жарыс»
2-жүргізуші: Сайысқа арнайы 3топтар қатысады. 2а, 2ә, 2бсынып оқушылары
Ал, енді І «Таныстыру» кезеңін бастайық!
(топтың атауы, эмблемасы, ұраны)
Әр топтары өздерін таныстырып өтеді.
1-жүргізуші:
І тур: «Білімді кенгуру» сайысы.
(оқушылар кезекпен допты тізеге қысып жасалған кедергілерден секіріп барып, математикалық бір-бір есепті шығару керек) /барарда және қайтарда осы іс-әрекет/
2-жүргізуші: ІІ тур: «Кім көп секіреді?». (скакалкамен секіріп барып, кері секіріп келу)
1-жүргізуші: ІII тур: «Лезде ойлап тап!». (кезекпен-кезек байланып тұрған шарды жару керек. Шардың ішіндегі жазылған логикалық сұрақтарға жауап беруі керек.
2-жүргізуші: IV тур: «Жеңіске жету» сайысы.
Ұлдар велосипед теуіп жүріп өтеді де қыздар самокатпен журіп өтеді. кезекпен-кезек кездескен кедергілерден өтіп, орындарына келеді. Кім жылдам, әрі бірінші алып келсе жеңіске жетеді.
1-жүргізуші:
Денсаулықтың маңызына қанығып,
Халқымыз жүр шат күлкіні жамылып.
Той – думанда да, кездесу мен жиын да,
Өтеді әр кез Салауаттың бағында.
Келесі Vтурымыз «Доппен секіру» (доппен секіріп, белгіленген жерге барып, қайта секіріп келеді)
VІ турымыз «Вагондар жарысы» (бірінші ойыншы жүгіріп келеді де екінші ойыншыны, сосын ... ойыншыларды қолдарыныан ұстап жүгіріп келеді)
7турымыз «Қызықты жарыс» қап киіп жарысамыз
2-жүргізуші:
Өмір,өзін қайдасын,
Күн мен түнді жалғайсың.
Жақсыларға жақынсың,
Жамандарға шалғайсын.
Уақыт, уақыт, куәсің сен бәріне,
Нұр төгеді сиқырлы кітап біздерге.
Денсаулықтың әліппесі әрқашан,
Жыр шашады қуана мына еліне
1-жүргізуші: Ендеше, осы денсаулықтың әліппесін әрқашан жадында ұстанатын белсенді де білгір, денсаулығы мықты, спорт десе, ішкен асын жерге қойып, алтын уақытын спортқа арнайтын спортты сүйетін оқушылардың жетістіктерін марапаттау рәсіміне көшелік.
2-жүргізуші: Марапаттау рәсімі біздің оқушыларымыздың өнерлеріне тәнті болып отырған әділқазылар алқасына береміз.
(Әділқазылар алқасы марапаттау рәсімін өткізеді)
1-жүргізуші:
Ұрпақ керек ертеңгі алда,
Болашақты болжайтын.
Дені таза, тәні таза,
Елін, жерін қорғайтын!
2-жүргізуші:
Денсаулық-басты байлық өмірдегі,
Нәр беретін асыл ғой көңілдегі.
Салауатты өмір салтын насихаттап,
Атанайық жақсы азамат өңірдегі.
1-жүргізуші: Еліміздің болашағы дені сау азаматтардың қолында. Денсаулықтың кепілі – салауаттылық.
2-жүргізуші: Салауатты өмір салтын сақтап, болашағымызды сәулендірейік! Сайысымыз осымен тәмамадалады. Белсенділік танытып, тамашалағандарыңыз үшін көп-көп рахмет!
