"К?ктемгі таби?ат"

Астана қаласы

№58 мектеп – гимназиясы

бастауыш сынып мұғалімі

Даниярова Гулим Абаевна

Пәні: дүниетану 1 сынып

Сабақтың тақырыбы: Көктемгі табиғат

Сабақтың мақсаты: 1 .Оқушылардың күнделікті өмірден

байқағандарына сүйене отырып , табиғат туралы

білгендерін еске түсіру. Табиғатта болатын

өзгерістер жыл мезгілдерінің ауысуына

байланысты екендігін түсіндіру.

2.Оқушылардың көктем табиғаты туралы

білімдерін кеңейту;сөздік қорын молайту, ой-

өрісін дамыту

3. Экологиялық тәрбие беру.

Сабақтың әдіс – тәсілі: түсіндіру,сұрақ-жауап,суреттермен

жұмыс,оқулық, дәптермен жұмыс

Сабақтың құралдары: көктем табиғатын бейнелейтін суреттер,

сең жүру көрінісі

Сабақ барысы: І. Ұйымдастыру кезеңі

ІІ.Психологиялық дайындық

Қуанамын мен де,

Қуанасың сен де.

Қуанайық , достарым,

Арайлап атқан күнге.

ІІІ. Үй тапсырмасын тексеру

1. Мектепте кімдер істейді?

2. Саған қай пән көбірек ұнайды?

3. Қай баланың дене сымбаты бұзылған?

4. Қай бала дұрыс отыр?

Жаңа сабаққа дайындық

Табиғат ол анамыз,

Табиғатқа баламыз.

Құшағында ойнаймыз,

Шаттық әнге саламыз.

• Бұл өлеңде не туралы айтылған? (табиғат)

• Табиғат қандай болып бөлінеді? (өлі,тірі)

• Табиғатта неше жыл мезгілі бар? Оларды ата.

• Қазір жылдың қай мезгілі аяқталып келе жатыр?

• Бірнеше күннен кейін қай жыл мезгілі басталады?Көктемнің айларын атайық.

- Балалар, бүгінгі сабақта біз табиғат туралы білімдерімізге сүйене отырып,көктемгі табиғат туралы білімімізді кеңейтеміз.

Жаңа сабақ

1.Көктем көрінісін бейнелейтін суреттер бойынша жұмыс.

- Көктемде ауа райы қалай өзгереді?

- Қар қандай өзгеріске түсті?

- Қандай жерлердің қары тез ериді деп ойлайсың?

2. Оқулықпен жұмыс.Оқулықтағы сурет бойынша әңгіме жүргізу.Суреттегі бейнеленген көріністерді талдау.

3. Оқулықтағы мәтінді оқып,сұрақтарға жауап беру.

Көктем келісімен күн көзі жоғары көтеріле береді.Қар ериді.Күн өткен сайын ауа – райы жылына түседі. Аспан тап-таза көгілдір,оның бетінде ақша бұлттар қалқиды. Күн ұзарып, түн қысқарады.

Жыл құстары келе бастайды.

Ағаштар бүршік атып,жапырақ жаяды.

Сергіту сәті.

4. Жазылған жауаптардың тиістісін тауып,берілген сұрақтармен сызық арқылы қосу

- Көктемде ауа-райы қалай өзгереді?

- Көктемде қармен не болады?

- Күн мен түн не болады?

- Нелер келе бастайды?

- Өсімдіктерде қандай өзгерістер болады?

- Құстар келе бастайды

- Ауа-райы жылынады

- Қар ериді

- Өсімдіктер бүршік жарып,жапырақ жаяды

- Күн ұзарып,түн қысқарады

Сергіту сәті. «Кім жалғастырады?»ойыны.

Сынып үш топқа бөлінеді.Мұғалім көктемге байланысты бір сөз айтады,оны топтпағы оқушы қайталайды да, әрі қарай өзі бір сөз айтады.Олардың айтқанын келесі оқушы қайталап,өзі тағы бір сөз қосады.Осылайша ойын жалғаса береді.Мәселен, бір оқушы «көктем» десе екінші «Көктемде күн », үшінші «Көктемде күн жылынды» деуі мүмкін.

5. Дәптермен жұмыс.

6. Сабақты бекіту:

- Көктемде қар неге ериді?

- Қысқы және көктемгі күн ұзақтығы бірдей ме?

- Көктемгі ауа-райының қысқы ауа-райынан қандай айырмашылығы бар?

7. Қорытынды: сабақта алған түсініктері жайында оқушыларды еркін сөйлету.

Көктем келісімен тірі табиғат пен өлі табиғатта көп өзгерістер болады.

Бәрі ұйқыдан оянатын сияқты. Осы өзгерістер жыл мезгілдерінің ауысуына байланысты.

Бағалау: сабаққа белсенді қатысқан оқушыларды мадақтап,бағалау

Үйге тапсырма: мәтінді мазмұндап, сұрақтарға жауап беру