Сабақтың тақырыбы : Қ.Аманжолов « Көктем»
Сабақтың мақсаты 1.Көктем өлеңінің мазмұны мен мағынасына түсінік беру. Өлеңнің шумақтарын мәнерлеп , түсініп оқи білуге жаттықтыру , көркем тілде мазмұндай білуге үйрету.
2. Оқушылардың есте сақтау талдау, салыстыру,өз беттерімен ойлау, қорытындылау дағдыларын дамыту,білімдерін бағалай білуге дағдыландыру.
3. Жауапкершілікке, бірін-бірі сыйлауға тәрбиелеу.
Түрі: аралас сабақ.
Әдісі :сұрақ-жауап, көрнекілік.
Көрнекілігі көктем мезгілін бейнелейтін суреттер, Ю.Гагарин, Т.Әубәкіров, О.Сулейменов, сөзжұмбақ.
Сабақтың барысы.
Ұйымдастыру .Оқушылар назарын сабаққа аудару.
Сыныпты 2- топқа бөлу.
1-топ «Бәйшешек»
2-топ «Сарғалдақ » Әр топ аттарының шығу тарихы туралы әңгімелейді.
Үй тапсырмасын тексеру.О.Сулейменовтің «Тұңғыш космонавт » өлеңін мәнерлеп оқыту.
Өлеңнің мазмұны кім жайында / ғарышкер /
Негізгі идеясы не? /Отанды , туған жерді сүю /
Өлеңнің мазмұнын сұрақ қою арқылы қайталау.
1 топ
1. Тұңғыш космонавт кім? Ол қашан ұшты.?
2. Ақын Гагариннің ақ жолын неліктен « ала бөтен » дейді?
2 топ 1. Гагариннің жерге қайтып келе жатқан кезін ақын қалай суреттеген?
2. Ақын Гагариннің жерді сүйетінін , қадірлейтінін қалай бейнелеген?
Жаңа сабақ.
Тақырыпты ашу, сұрақ-жауап
Біз қандай бөлімді аяқтап қалдық?
«Масатыдай құлпырар жердің жүзі» Суретпен жұмыс
Ойын «Сөзжұмбақ » Мына суреттердің бірінші әріптерін алып сөз құрасаңдар өлеңнің аты шығады./Күн,өрмекші,көбелек, тау, ешкі, мысық/
Қ.Аманжоловтың «Көктем» өлеңімен танысамыз .
Суреттер көрсете отырып , автор туралы түсінік беру .
а)Өлеңді мәнерлеп оқу.
-Өлең жылдың қай мезгілі туралы айтылған.
Ә)Әр шумақты жеке-жеке оқытып ,айтылып тұрған ойды таптыру.
-Өлеңді іштей оқыту.
«Түртіп алу жүйесі» -стратегиясы бойынша жұмыс.
-Түсінбеген сөздерді немесе сөз тіркестері, сөйлемді белгілеп отыру.
Оқушыларға дауыстап оқыту.
Сергіту сәті Орманның біз еншісіміз. Тоқ,тоқ,тоқ
Құрт біткенді жоқ етеміз. Жоқ,жоқ.жоқ Тоқ,тоқ,тоқ
Көктем өлеңінің соңындағы тапсырмаларды 2- топқа бөліп орындату.
1 топ .1.Көкек жылдың қай мезгілінде келеді.
2. Таудағы қардың еріп , судығ ағатынын қай жолдардан байқадың
3. Дүркіреп, сіркіреп, күркіреп сөздерінің мағыналас қатарын тап.
2 топ. 1.Көктемдегі жаңбыр туралы қай жолдарда айтылған?
2.Көктемде ағаштарда қандай өзгеріс болады ?
3.«Қара бұйра кілемге, алтын шашып уыстап » деген жолдардағы ақын ойын түсіндіріңдер?
Дәптермен жұмыс
Өлеңдегі көркем сөздерді тауып, дәптеріңе жазып ал. мысалы :нәзік үн,бұйра бұлақ .
Шығармашылық тапсырма:
1 топ . Көктем туралы эссе жазу .
2 топ. Көктем туралы өлең жазу
Берілген тапсырмаларды тексеру. «Масатыдай құлпырар жердің жүзі»
бөлімін бекітуге арналған тест сұрақтары.
1. «Жазғытұры» өлеңінің авторы кім?
а. Абай
ә. Ғ.Орманов
б.Шәкәрім
2. Ой, балалар, балалар !
Жылы-жылы жел соқты .Қай өлеңнен үзінді ?
а. жазғытұры
ә. жазғытұрым
б. көктем.
3. «Көтем сәні» шығарманың қай түрі?
а. өлең
ә. мәтін
б. ертегі
4. «Ананың көңілі балада,баланың көңілі далада »
а. мақал
ә. өлең
б. жұмбақ
5. «Достық өлкесінің заңы» өлеңінде кімнің балалық шағы әңгіме болған ?
а. Абай.
ә.М.Шаханов
б.Қ,Мұқышев.
Сабақты бекіту «Қал еткізбей қағып ал, жауабын тез тауып ал » ойыны арқылы сабақты бекіту .
1. Қ.Аманжоловтың қандай өлеңдерін білесің?
2. Абай атамыздың көктем туралы өлеңін жатқа айт.
3.Көктемнің алғашқы гүлдерін ата.
4.Қазақтың жаңа жылы қашан?
Бағалау.
Үйге тапсырма Қ.Аманжолов «Көктем» өлеңін мәнерлеп оқу.
Сабағымды мына өлең шумағымен аяқтаймын.
Ауа қандай, дала қандай әдемі,
Көктем,көктем, болармысың кәделі.
Сенің мынау ұланғайыр сыйынан,
Туған жердің жасаруда бедері.
Алматы облысы
Сарқан ауданы
Шатырбай орта мектебінің мектепке дейінгі шағын орталығымен коммуналдық мемлекеттік мекемесінің бастауыш сынып мұғалімі Сулейменова Зауре Ашимовна
