Kishilarning ism va familiyasida bosh harf.

O`ZBEKISTON RESPUBLIKASI

XALQ TA`LIMI VAZIRLIGI

NAMANGAN VILOYAT XALQ

TA`LIMI BOSHQARMASI

NAMANGAN SHAHAR XALQ

TA`LIMI BO’LIMI

Namangan shahar 26-umumiy o’rta ta’lim

maktabi boshlang‘ich sinf o’qituvchisi

MUSABAYEVA NOILABONUning

2-sinf “Ona tili” fanidan 1soatlik

Namangan-2020yil

Ushbu dars ishlanma Namangan shahar xalq talimi bo`limi tasarrufidagi 26- umumiy o`rta ta’lim maktabining boshlang`ich sinf o`qituvchisi MUSABAYEVA NOILABONU tomonidan tayyorlangan.

Ona tili fanidan dars berayotgan o`qituvchilar uchun foydalanishga mo`ljallangan

Tuzuvchi: MUSABAYEVA NOILABONU

26–sonli umumiy

o`rta ta’lim maktabining boshlang`ich sinf

o’qituvchisi.

Ushbu dars ishlanma 26-maktab Metodika Kengashining

“____” ____________ 201__-yildagi “_____” sonli qarori

bilan foydalanishga tavsiya etildi.

Musabayeva Noilabonu – Namangan shahar xalq ta`limi bo`limiga qarashli 26-umumiy o`rta ta`lim maktabining ikkinchi toifali boshlang`ich sinf o`qituvchisi. 1992-yil 6-mayda Namangan shahrida tug`ilgan.

2009-2013-o`quv yillarida Namangan Davlat Universiteti Boshlang`ich ta`lim va sport tarbiyaviy ishlari yo`nalishini tamomlagan.

Muallima pedagogik ish faoliyatini 2012-yil shahardagi 26-sonli umumiy o`rta ta`lim maktabida boshlagan.

Darslarni yangi ped tehnologiyalar, AKTdan foydalangan holda olib boradi. Oilali, 2 farzandning onasi.

Mavzu: Kishilarning ism va familiyasida bosh harf.

Darsning maqsad va vazifalari: O`quvchilarga davlat ta’lim standartlari asosida bilim berish.

1. ta’limiy maqsad: O`quvchilarni kim?, nima?, kimlar?, nimalar?so`rog`iga javob bo`ladigan so`zlar, kishi ism va familiyasining, joy nomlarining, hayvon nomlarining bosh harf bilan yozilishi haqida bilimlarini aniqlash, ulardan to`g`ri foydalana olish malakalarini shakllantirish.

Axborotlar bilan ishlash kompetensiyasi; darsda kitob bilan ishlay olish, o`rganilayotgan mavzuni, kerakli qoidani, mashqni toppish, mashq qoidalarini tartib bilan bajarish. TK-2.

1. tarbiyaviy maqsad: O`quvchilarda ona-vatan, tabiatga mehr-muhabbatli bo`lish hissini tarbiyalash.

Milliy va umummadaniy kompetensiyasi; orasta kiyinish va gigiyenik talablarga amal qilish, maktabni ichki qoidalariga va odob ahloq qoidalariga amal qilish. TK-5

1. rivojlantiruvchi maqsad: O`quvchilarning nutqini o`stirish, yangi so`zlar bilan boyitish.

O`zini-o`zi rivojlantirish kompetensiyasi; o`quv fanlarini o`rganish va ularni bir biridan farqlash, mustaqil ma`noga ega bo`lgan bir necha so`zzdan tuzilgan so`zni topish va namuna asosida so`zlar tuzish.

Darsning turi: Yangi bilim, ko`nikma, malakalarini shakllantiruvchi dars.

Darsning metodi: savol-javob, tushuntirish, “Yomg`ir yog`di mashqlari.

Darsning jihozi. Proyektor, elektron doska, kompyuter, rasmlar, tarqatmalar, rangli qalamlar,A4formatli list.

Dars sxemasi.

1	Tashkiliy qism	5
2	O`tgan mavzuni mustahkamlash	5
3	Yangi mavzu bayoni	25
4	Dam olish daqiqasi	3
5	Yangi mavzuni mustahkamlash	5
6	Baxolash va rag`batlantirish	1
7	Vazifa	1

Darsning borishi:

I. Tashkiliy qism

O`quvchi: Har kun ertalab turib,

Boramiz maktab tomon,

Bizlar ilmga chanqoq,

Ustozimiz mehribon.

Qo`limiz ko`ksimizda

Hamma o`quvchilar: Assalomu alaykum.

O`qituvchi: Qalam tutgan nozikkina.

Qo`lingizdan o`rgilay.

Mehr bilan boqib turgan.

Ko`zingizdan o`rgilay.

Sizni juda sog`inaman.

Sizni intiq kutaman.

Meni moydek erituvchi.

So`zingizdan o`rgiray.

Vaalaykum assalom bolajonlar.

Hamma o`quvchilar: Zamonaviy dars o`tmoqqa.

Bizlar shaymiz saboqqa.

O`qituvchi: Kimdir bugun navbatchi?

O`quvchi; Sinfda men navbatchi

Tayyor barcha o’quvchi

Xonamiz ham ozoda

Topshirdim men Xonzoda

O’qituvchi:

Hozir darsimiz ona tili. Bu fanni o’rganishdan asosiy maqsadimiz nima ekan?

1-o’quvchi:

Ona tili fanini o’rganishdan maqsadimiz:

- To’gri va ravon yoza olishimiz ;

- Ijodiy mustaqil fikrlay olish ;

- Nutq madaniyatini oshirishdir.

Hamma:

Tilimiz boy , tilimiz sof go’zaldir ,

Biri maqol , biri matal , masaldir.

Dog’ tushurmay avlodlarga eltaylik.

Navoiyning ruhini shod etaylik.

O`qituvchi: Shiorimiz nima?

O`quvchilar:Chiroyli yoz , yozsang xat,

Bilsang bu ham zo’r san’at .

1-o’quvchi :

Ona tilim , jon tilim .

Sen o’zingsan , jon dilim .

Yuragimning to’rida

Sayrab turgan bulbulim

2-o’quvchi:

Sen borsan , men tirikman ,

Suyumliman,suyukman .

Men sen bilan ardoqli ,

Men sen bilan buyukman .

O`qituvchi: - Biz ona diyorimiz, hur O`zbekistonning

farzandlarimiz. Albatta, jahon keng, dunyoda mamla- katlar ko`p. Lekin bu olamda betakror ona yurtimiz

O`zbekistonimiz yagona. Bu go`zal yurt tolei baland, iqboli kulgan xalq faqat bizgagina atalgan.

Siyosiy savol-javoblar:

1. – Xozir qaysi fasl? Unga ta`rif bering.

- Bahor fasli, fasllar kelinchagi deydilar.

2. – Bahorda qanday bayramlar bor?

3. – Davlat ramzlarini bilasizmi?

- Ha, bayroq, gerb, konstitutsiya, madhiya.

O`quvchi:

Assalom ona zamin, muqaddas tuproq

Sening bag`ringga men shoshilib keldim.

Qanotlarim ostida tinchlik, totuvlik,

Shu yurtga Baraka, baxt olib keldim.

O`qituvchi: Qani bolajonlar, aytingchi, xumo qushini tasvirini qayerda ko`rgansiz?

O`quvchi: -Tamg`amizga bir qarang, Bir tomoni paztazor,

Tovlanadi rang- barang. Quyosh nurin sochadi.

Unga beradi chiroy, Amudaryo, Sirdaryo

Teppasida hilol oy. Chanqog`ingni bosadi

O`rtasida Xumo qushi

Bizga omad tilaydi.

O`zbekiston nomini

Jahon uzra taraydi.

O`qituvchi: Osmonlarda uchguvchi.

Bulutlarni quchguvchi.

Tog`lardagi shalola.

Sensan ey sog`lom bola.

Yetuk ilg`or barkamol,

Unib o`sib top kamol.

Qilmagaysan hech nola.

Chunki sen sog`lom bola.

Keling bir oz inglizcha so`zlar bilan o`rtoqlashamiz!

Sinf – classroom – /klesrum/

O`quvchi – pupil - /pyupl/

Kitob – book - /buk/

Daftar – note-book -/noutbuk/

O`qituvchi – teacher -/tiche/

Saxiy – generous - /generos/

II.O’tilganlarni takrorlash va mustahkalash:

- Bolajonlar darsimizni turli o’yinlar va topshiriqlar orqali takrorlab olamiz . Doska yonida uch hil bulutlar bo`lib, ulardan olma, behi, anor yomg`iri yog`adi. O`quvchilar istagan bulutning biridan, ya`ni olma bulutidan olma, behi bulutidan behi yoki anor bulutidan anor mevalari rasmini olib, uning ortiga yozilgan so`zlarga so`roq beradilar.

Masalan: Olma mevasi ortiga “Quyonlar” so`zi yozilgan bo`lsa, o`quvchi unga “Nimalar?” deb savol beradi va joyiga o`tiradi.

“Zanjir” o’yinidan foydalanib og’zaki nutqni shakllantiriladi.

• Ikki o’quvchi ishtirok etadi.

• Sinf jihozlari: (nima?) parta ,stol , stul , doska , shkaf, bo’r, doska artgich.

• Navbatma-navbat o’quvchilar so’zlarni aytib xonadagi sinchkovlik sifatini oshiradilar.

• O’quv qurollari:(nima?)kitob, daftar, qalam, ruchka , panel , o’chirg’ich, chizg’ich.

G`olib o’quvchi aniqlanadi rag’bat kartochkasi beriladi.

Bu payt doskaga ikki o’quvchi klaster to’ldiradi.

O’quvchilar bajargan ishlari baholanadi .Husnihat asosida yozgan o’quvchi aniqlanadi. O’quvchilar daftarga bajaradilar.

III.Yangi mavzu bayoni.

O`qituvchi: Bugungi darsimizda KISHILARNING ISMI VA FAMILIYASIDA BOSH HARF mavzusini o`rganamiz.

Doskaga BBB tehnologiya jadvalini ilib uni to`ldirib olamiz.

BILAMAN.	BILISHNI HOHLAYMAN	BILIB OLDIM
Shaxs (kishi)lar nomini bildirgan so`zlar kim? so`rog`iga javob bo`ladi. Narsalar nomini bildirgan so`zlar nima so`rogiga javob bo`ladi.	Kishilarning ism familiyasi boshharf bilan boshlab yoziladi.

O`qituvchi:Demak bugun sizlar bilan Kishilarning ism va familiyasi bosh harf bilan yozilishi mavzusini o`rganamiz. Quyidagi jadvalga diqqat bilan qarang.

Bobo	Anvar	Aliyev
Buvi	Aziza	Alixanova
Ota	Alisher	Aliyev
Ona	Saodat	Otabayeva
Aka	Ayub	Aliyev
Singil	Lola	Aliyeva

So`zlarning yozilishi taqqoslanadi. Quyidagi savollar yordamida bosh va kichik harfda yozilgan so`zlar ustida ishlanadi.

O`qituvchi: Birinchi ustundagi so`zlar nima uchun kichik harfda yozilgan?

O`quvchilar; Bobo, buvi, ota, ona, aka, singil-oila a`zolarning umumiy nomi.

O`qituvchi: Nima uchun ikkinchi ustundagi so`zlar bosh harfda yozilgan?

O`quvchilar: Anvar, Aziza, Alisher,Saodat, Ayub, Lola-kishilarga atab qo`yiladigan nomlar bo`lgani uchun.

O`qituvchi: Nima uchun uchinchi ustundagi so`zlar bosh harf bilan yozildi?

O`quvchilar:Aliyev, Alixanova, Otabayeva- kishilarning familiyasi bo`lgani uchun.

Javoblar umumlashtirib xulosa qilinadi va darslikda berilgan mavzuga oid qoida chiqariladi.

Kishilarning ismi va familiyasi bosh harf bilan yoziladi.

Darslik bilan ishlash.

162-mashq.

Yunus Rajabiy, Halima Nosirova,Komiljon Otaniyozov, Ma`murjon Uzoqov, Turg`un Alimatov, Mukarrama Turg`unboyeva, Tamaraxonim.

163-mashq

Qurolli kuchlarimiz jonajon O`zbekistonimizning qo`riqchilaridir. Ular xalqimiz tinchligi va osoyishtaligini saqlaydilar. Akalarim Elshod va durbek harbiy xizmatdalar.

IV. Dam olish daqiqasi.

O `qituvchi: Lets pley.

Ekranda inglizcha “THE FINGER FAMILY” videosi qo`yiladi. O`quvchilar o`rnilaridan turib qo`shiq ijro qilish bilan birga qo`l va oyoqlarida harakatli mashqlar bajaradilar.

V. Yangi mavzuni mustahkamlash.

Yangi mavzuni mustahkamlash uchun “Mening oilam” nomli didaktik o`yini o`tkaziladi. Xar bir o`quvchiga quyidagi klasterlar tarqatiladi. O`quvchilar o`z oila a`zolarini yozib chiqadilar.

.

Doskaga ilingan “BBB”tehnologiyasini bugungi mavzudan kelib chiqqan holda to`ldirib qo`yamiz.

BILAMAN.	BILISHNI HOHLAYMAN	BILIB OLDIM
Shaxs (kishi)lar nomini bildirgan so`zlar kim? so`rog`iga javob bo`ladi. Narsalar nomini bildirgan so`zlar nima so`rogiga javob bo`ladi.	Kishilarning ism familiyasi boshharf bilan boshlab yoziladi.	Kishilarning ism va familiyasi bosh harf bilan boshlab yoziladi.

O`qituvchi: Qadrli o`quvchilar! Muhtaram prezidentimiz aytganlaridek, siz kelajak vorisisiz. O`zbekistonni yanada ravnaq topishi, gullab yashnashi sizlarning zimmangizda. Shunday ekan yurtboshimiz, ota-onamiz, vatanimiz ishonchini oqlash uchun faqat a`lo baholarga o`qishingiz, odob-ahloq bobida tengdoshlaringizga na`muna bo`lishingiz kerak. Axir aytadilarku, vatan qudrati unda kamol topayotgan barkamol avlodlarga bog`liq.

VI. Baholash va rag`batlantirish.

Guruhlardagi “rag`bat” kartochkalari hisoblab chiqilib, o`quvchilar baholanadi.

VII Uyga vazifa: 164-mashq

-Oila a`zolaringizni ism va familiyasini yozib keling.

-“Kim ko`p ism topish” o`yini.

-Qizlar “Gul”, o`g`ilbolalar “Sher” bilan boshlanadigan ismlar topib yozib kelish