Хабарлы с?йлем. 2 сынып.

Сабақтың тақырыбы: Хабарлы сөйлем. 2 сынып


Сабақтың мақсаты :

1.Оқушыларға сөйлем,оның хабарлы , сұраулы түрлер туралы толық түсінік беру;мәтін құра білуге ,мәтінді ажыратуға ,сөйлемдердің түрлерін айыра білуге үйрету;жұппен шығармашылық жұмыс істеуге үйрету. 
2.Ауызша және жазбаша тілдерін дамыту,сөздік қорын,байланыстырып сөйлеу,шығармашылық ,есте сақтау,ойлау қабілеттерін дамыту. 
3.Оқушыларды жеке тұлға екенін түсіне білуге,ұқыптылыққа,мәдениеттілікке тәрбиелеу. 
Сабақтың көрнекілігі:

Суреттер,шығармашылық тапсырмалар,тірек сызбалары
Сабақтың әдісі :түсіндіру,сұрақ-жауап,көрнекілік,ізденушілік; АҚТ. 
Сабақтың түрі :жарыс,ертегі сабақ. 
Сабақтың барысы : 
1.Ұйымдастыру бөлімі. 
-психологиялық дайындық
-Қуанамын мен де, Өзін көрсетеді. 
Қуанасың сен де, Жанындағы досын көрсетеді 
Қуанайық достарым, Бір-бірінің қолдарынан ұстайды. 
Арайлап атқан күнге ! Қолдарын жоғары көтереді. 
. Тілек айту. 
-Мен өзіме және өзгелерге ашық аспан тілеймін. 
-Мен өзіме және өзгелерге нұрлы күн тілеймін. 
ІІ.Қызығушылығын ояту. --сөзжұмбақ құрастыру. 
1.Сәлем алып алыстан, 
Туысыңнан,таныстан, 
Келетұғын .... /хат/
2.Мәтіннің атауы қалай аталады?тақырып. 
3. Мәтіннің әрбір бөлімі қалай аталады? Абзац 
4.Сөйлемнің бірінші сөзі қандай әріппен жазылады? Бас 
5.Аппақ,аппақ,ақ мамық, 
Жерде жатыр тапталып. 
Ол не? қар 
6.Еліміз тәуелсіздік алған ай? Желтоқсан. 
7.Аяғыма байладым, 
Қос таяқпен айдадым. 
Бұл не? Шаңғы. 

-Тігінен қандай сөз шықты?
1. Сабақтың тақырыбы мен мақсатын айту.
2. «Сөйлем» сөзіне кластер құру.
-Сөйлем дегеніміз не?
-Сөйлем неден құрылады?
-Сөйлем қалай басталады?
-Сөйлем соңына қандай тыныс белгілері қойылады? / интербелсенді тақтада/

-Сөйлемнің соңына нүкте қойылса ол қандай сөйлем екен?
ІІІ. Мағынаны ашу.
1.Суретпен жұмыс / интербелсенді тақтада/ мәтін құрастыру.
- Мәтен неше сөйлемнен құрылған?
- Әр сөйлемнің соңына қандай тыныс белгілерді қойдыңдар?
2 .Сөйлемдерді тауып, көшіріп жаз. 
1. Алма, алмұрт, өрік. 2.Асқар аулада кітап оқып отыр. 3.Аспанда тырналар ұшып барады. 4.Құмырсқа, дән, алды, тауып.
- Қайдай белгілермен сөйлемді тауып алдыңдар? – Олар қандай сөйлемдер? Осы сөйлемдерді сұраулы сөйлемдерге айналдырыңдар.
ІV. Сергіту сәті.
3.Оқулықпен жұмыс. 172 –жат. Сөйлем құрастыру.
4.Сөйлемді толықтыр. / интербел. т./
1.Аспанда .......қалықтап ұшып жүр.
2.Мектеп жақтан ........сыңғырлап қоя берді.
3.Қоян қорыққанынан .........жөнелді.
4.Күзде орман іші ......кетеді.
ІV. Сабақты қорытындылау.
Рефлексия Сөйлем сөзіне «5 жол өлең» құрастырыңдар.
Бағалау. Үй тапсырмасы. 3 хабарлы сөйлем жазып келу.