"Касблар олами"

Darsning tehnologik haritasi.

Sinf: 3. Fan: Odobnoma. Mavzu:,Kasblar olami. Mavzuga doir tayanch tushuncha va iboralar: Kasb,qiziqish,kelajak.. Soatlar soni: 1 soat
Mavzuning qisqacha ta’rifi: O’quvchilar mehnatsevarlik-fazilat,dangasalik yomon illat ekanini bilib oladilar.
O‘quv jarayonini amalga oshirish texnologiyasi Metod: suhbat,bahs-munozara , aqliy hujum metodidan,,,Rolli metodi’,,,Tushunchalar tahlili’’ metodi,O’zini-o’zi boshqarish metodlari Shakl: interfaol, katta guruhda ishlash Jihoz: Multmediya,slaydlar, tarqatma savollar, rangli rasmlar, didaktik materiallar. Nazorat: o‘z-o‘zini nazorat qilish, guruh ichida nazorat, ustozning nazorati Baholash: rag‘bat varaqalari va shakllari.
Mashg‘ulotning maqsad va vazifalari:
Maqsadlar: 1. Ta’limiy: Kasblar haqida tushunchaga ega bo’lish. FK1 - adabiy-nutqiy kompetensiya,,TK2 -turli axborot manbalaridan o‘ziga kerakli ma’lumotlarni topa olish.TK3 o‘zini nazorat qilish;og‘zaki va yozma matnlar mazmuniga to‘g‘ri baho berish. 2.Tarbiyaviy: O’quvchilarda mehnatsevarlik,tejamkorlik fazilatlarini shakllantirish, Hikoyani ongli, ifodali, to‘g‘ri o‘qish. TK4 maktabda, oilada bo‘layotgan jarayonlarda ishtirok etish; odobli bo‘lish, kattalarni hurmat qilish. 3.Rivojlantiruvchi: Og’zaki nutqni ,lug’at boyligini oshirish ,mustaqil fikrlash doirasini kengaytirish.
Kutilayotgan natija:
Dars yakunida o’quvchilar kasb va hunarning bog’liqligi va farqi, ularning hilma-hilligi,ahamiyati haqida tushuncaga ega bo’ladilar.
Dars yakunida o‘quvchi bajara oladi (Malaka):	Bajariladigan ish mazmuni Mavzu yuzasidan fikr bildira oladi,ifodali o’qiy oladi	Metod	Vaqt
1-bosqich: tashkiliy qism	1) Jamoada ishlash	Suhbat orqali	2 min.
2-bosqich: refleksiya) Ehtiyojlarni aniqlash	1) o‘tilgan mashg‘ulot asosiy mazmunini eslash. Refleksiya. 2) Yangi mavzu va rejasi bilan tanishtirish	Rolli metodi Slayd asosida	6 min 2 min
3-bosqich: Mashg‘ulotning borishi	1) Ko‘rgazma (slayd)lar asosida ustozning yangi mavzu bayoni. 2) Kichik guruhda bahs-munozara o‘tkazish. 3) O‘qituvchining mashg‘ulotni xulosalashi	Ko‘rgazma (slayd)lar asosida Kichik guruhda ishlash Ko‘rgazma, (slayd)lar asosida	10 min 4 min 3 min
4-bosqich: Mustahkamlash	Jamoaga yangi mavzu asosida topshiriqlar (tarqatmalar, didaktik materiallar testlar iterfaol mashqlar) berish. Bu topshiriq uchun 10 daqiqa vaqt ajratish. tahlil qilish, xulosalash hamda rag‘batlash.	Mustaqil ish Krassvordlar yordamida	10 min
5-bosqich: Baholash) Mashg‘ulot yakuni	1) O‘quvchilar tomonidan berilgan javoblar tahlili va baholash 2) O‘quvchilarni dars davomidagi yutuq va kamchiliklarini izohli tushuntirish va to‘ldirish.	Har bir o’quvchini baholash	3 min 3 min
6-bosqich: Uyga vazifa	Mavzu yuzasidan topshiriqlar berish.		2 min

I.Tashkily qism

O`qituvchi: So`zlarning eng shirini

Ochiq aytsam sirini

Odob bog`in sharbati

Qalb gavharin qimmati

Ko`ngillarni shod etgan

Qaysi shirin so`z ekan

O`quvchilar: Assalomu alaykum

O`qituvchi: Va alaykum assalom

Ko`zlari munchoqlarim

Bilimga chanqoqlarim

Navbatchini bilayin

Davomatni so`rayin

Navbatchi: Ustoz sizga ko`makchi

Bugun o`zim navbatchi

Sinfda barchamiz jam

Darsdan qolmaymiz hech ham

O`qituvchi: Demak darsda hamma bor

Darsga tayyormi shu on

O`quvchilar: Bizlar yaxshi bolamiz

Ochilgan gul lolamiz

Sinfdagi g`unchamiz

Darsga shaymiz barchamiz

O`qituvchi: Xozirgi darsimiz

O`quvchilar: Odobnoma

O`qituvchi: Shiorimiz

O`quvchilar: Biz barkamol o`ktam avlodmiz

Kelajagi buyuk davlatmiz

1. O`tgan mavzuni mustahkamlash

• o`tgan darsda qaysi mavzuni o`rganganmiz?

• biz o`tgangi darsda “Mehnat inson hayoti” ni bezaydi mavzusini o`rganganmiz

• bugungi darsimizni musobaqa tarzida tashkil etamiz, sinf 3 guruhga bo`linadi.

1-guruh Aql

2-guruh Ahloq

3-guruh Odob

Har bir guruhdan 1 tadan o`quvchi chiqib, “Mehnat qo`shig`i” she`rini yoddan aytib beradi.

O`tgan mavzuni va “Toshni kesgan arqon” xikoyasi so`zlatiladi.

Davom ettir o`yini orqali o`tgan mavzu mustahkamlanadi. Bunga har bir guruhdan maqollarning boshi aytiladi, o`quvchilar davomini aytadilar

-Daryo suvini bahor toshirar

Odam qadrini mehnat oshirar

-Halol mehnat- yaxshi odat

Berur senga soadat

-Daraxt yaprog`i bilan ko`rkam

Odam mehnati bilan

-Bir kishi ariq qaziydi,

Ming kishi suv ichadi

-Gapni kam so`zla

Ishni ko`p izla

-Ish ishtaxa ochar

Dangasa ishdan qochar

“TUSHUNCHALAR TAXLILI” metodidan foydalanib, o`tgan mavzudagi so`zlar ma`nosi muxokama qilinadi.

TUSHUNCHALAR	MAZMUNI
MEHNAT
MEHNATSEVAR
DANGASA

DAM OLISH DAQIQASI.

III. YANGI MAVZU BAYONI

YANGI MAVZU: KASBLAR OLAMI.

Bugungi mavzuyimiz bizga yangilik emas. “KLASTER” usulida kasblarni eslab olamiz.

KASBLAR

Har bir guruhga bittadan oq qog`oz tarqatiladi. O`quvchilar ishni bajargunga qadar. Hunar, kasblar xaqida she`rlar aytiladi.

Quydagi fikrlarga mos javoblarni toping va daftaringizga yozing.

1. Bolalarga ta`lim-tarbiya beradi……….

2. Insonlarni davolaydi…….

3. Chiroyli imoratlar quradi……..

4. Tansiq taomlar pishiradi………

5. Bejirim kiyimlar tikadi………..

6. Odamlarning uzog`ini yaqin qiladi………

7. Vatanni qo`riqlaydi………

8. Turli-tuman nozi ne`matlar yetishtiradi……..

REKLAMALI SAHNA KO`RINISHI

-Men kelajakda oshpaz bo`lmoqchiman. Dadajonimga men pishirgan ovqatlar juda yoqadi. Mana dadajon tushligingiz ham tayyor.

-Men kelajakda tish shifokori bo`lmoqchiman. Shunda meni oldimga Qodirjonov Jasur keladi tishini ushlab voy-voylab, men o`qituvchilik paytlarimni eslab uni davolayman.

(Qo`lida katta omburi bo`ladi) Jasur og`zingni och

-Men kelajakda o`qituvchi bo`lmoqchiman. Zokirjonov senga “5” Ahmedov “2”

PARODIYA

Har xil kasblar bir kun jam bo`ldi

Qo`shiqchidan bankirga qadar

Eng birinchi shifokor keldi

Eng so`ngida harbiy darbadar

Ustozlarni aytmadilar ham

Kamtarinda sezmadilar ham

Maqtandilar rosa o`zaro

Kelib chiqdi og`ir majaro

Qo`shiqchilar biz zo`rmiz derdi

Prokurorchi ko`ksini kerdi

Shifokar ham qolishmas edi

Harbiy esa sirliman derdi

Hullas kalom eng yomoni bo`lib

Amalidan ko`p foyda ko`rib

Eng porvozi prokuror bo`ldi

Barchalari ustidan kuldi

Shu payt muallim keldi

Hammalari dong qotib qoldi

Prokuror shart o`rnidan turib

Ustoziga ta`zimlar qildi

Sizning ta`limingiz olmagan kim bor

Sizku yuraklarga ilk ziyo yoqqan,

Olimmi, shoirmi yo san`atkor

Ilk bor sizga tomon ustoz deb boqqan

1. YANGI MAVZUNI MUSTAHKAMLASH

Darsda o`rganilganlar savol-javob asosida mustahkamlanadi. “Podshoning hunar o`rgangani” haqida ertak. Darslikdan o`qib muxokama qilinadi.

Qadim zamonda bir shahzoda bo`lgan ekan. Kunlarning birida u ovga chiqib, chiroyli bir kiyikni tutish uchun quvib ketibdi. Chopqir kiyik undan qochib, bir qizning ortiga yashirinib olibdi. Qizning go`zalligini ko`rgan shahzoda kiyikni ham unitib, unga mahliyo bo`lib qolibdi. Shaxzoda qizga uylanish uchun sovchi jo`natibdi. Qiz esa sovchilarga shunday debdi;

-Shaxzoda menga uylanmoqchi bo`lsa, biron hunarni egallasin. Toj-u tat bugun uning qo`lida bo`lsa, ertaga boshqaga o`tishi mumkun. Hunarni esa hech kim tortib ololmaydi.

Shaxzoda qizning oqilaligiga tan berib, mamlakatning eng zo`r gilam to`quvchisiga shogird tushibdi. U qunt bilan hunar egallabdi va chiroyli gilam to`qib, qizga jo`natibdi. Qiz gilamni ko`rib, shahzodaga turmushga chiqishga rozi bo`libdi.

Yillar o`tib shahzoda mamlakatga podsho bo`ldi. U davlat yumushlari bilan uzoq safarga otlandi.Yo`lda u va hamrohlari bir guruh qaroqchilar to`dasiga duch kelishibdi. Qaroqchilar podsho va hamroxlarningmol-mulkini egallab, o`zlarini o`ldirmoqchi bo`lishibdi. Shunda podsho;

-Bizni o`ldirishdan naf yo`q. Tirik qoldirsangiz, men antiqa gilamlar to`qib beraman. Ularni pullab, boylik ortirishingiz mumkin, - debdi.

Qaroqchilar bu taklifga rozi bo`lishibdi. Yigit katta bir gilam to`qib, qaroqchilarga;

-Buni saroyga olib boring. Malika bu gilam uchun qanccha desangiz, shuncha pul beradi,-debdi.

Malika gilamni ko`rib , gap nimadaligini darxol anglab yetibdi. Chunki podshoh gilamga o`zi bilan bo`lgan voqealar tasvirini tushurgan ekanda. Malika darxol lashkarlar yo`llab, qaroqchilarni tutdiribdi va jazolabdi. Shunday qilib podsho hunar egallagani uchun go`zal va aqlli yoriga ega bo`lgan, o`limdan qutilib qolgan ekan.

1. O`QUVCHILARNI BAHOLASH

Guruhlarning ballari jamlanadi. G`olib guruh aniqlanadi va rag`batlantiriladi.

Faol qatnashgan o`quvchilar alohida rag`batlantiriladi.

1. UYGA VAZIFA BERISH

Uga vazifa “Kasblar olami” o`qib o`rganish. “Men tanlagan kasb” mavzusida matn tuzish

Foydalanilgan adabiyotlar:

1. “Odobnoma” darsligi 3-sinf.

2. “Boshlahg’ich ta’lim” jurnali.

3. “Kasbiy fanlar metodikasi” jurnali.

4. Boshlangich sinf “O’qish” darsliklari.

5. “Faollashtiruvchi va rivojlantiruvchi yondashuvlar pedagogic texnologiyalarning muhim vositasidir” metodik tavsiya 2007-yil.