Әдебиеттік оқу 2-сынып
Сабақтың тақырыбы: Қасым Аманжолов. Қазақстан.
Сабақтың мақсаты: 1. Ақын өмірінен мағлұмат беру. Өлеңді мәнерлеп оқуға, мазмұнын меңгеріп, тақырыбы мен идеясын аша білуге, өлеңді теориялық жағынан талдай білуге үйрету.
2.Шығармашылық жұмыстар арқылы ойлау қабілеттерінің дамуына, тіл байлығының артуына ықпал жасау
3.Отансүйгіштікке, сөз өнерін бағалап, туған жерді қастерлеуге, адамгершілікке тәрбиелеу.
Сабақтың түрі: аралас сабақ.
Сабақтың әдіс - тәсілдері: интерактивтік, сұрақ - жауап, топтастыру.
Пәнаралық байланыс: дүниетану, музыка,математика.
Көрнекілігі:интерактивті тақта, оқулық, дәптер, Қазақстан туралы слайд.
Сабақтың барысы:
Ұйымдастыру кезеңі
Психологиялық дайындық
- Сәлеметсіздер ме балалар! Қане, қонақтарымызбен амандасып жіберейік.
- Сабағымызға келгендер,
Сәлем бердік, бәріңе.
Ізгілікке сенгендер,
Сәлем бердік бәріңе!
Өз бақытын өзгемен,
Тең бөлісе білгендер,
Сәлем бердік бәріңе!
Бір - біріне қарап: Сәтті өтсін сабағымыз, Ашық болсын қабағымыз!
Топқа бөліну. «Астана», «Алматы», «Отан», «Туған жер».
- Мен де сендердің қабақтарыңның ашық болуына тілектеспін! Рахмет, балалар отыра қойыңдар. Ендеше, сөз асылын, тіл тазалығын сезінетін ана тілі сабағымызды бастайық. - Бүгінгі сабағымыз Тәуелсіздік күніне орай алатын жалаушаларға байланысты болмақ. Мектебіміз әр сыныпқа түрлі тапсырмалар беріп тәуелсіздік күніне орай дайындық шараларын бастап кетті. Міне, бізге берілген тапсырма мектеп алаңындағы қоршауға жалаушалар ілу болатын. Ол жалаушаларды алу үшін біздің біліміміз сыналмақ. Ол үшін біздерге берілген 10 сандықша бар екен, сол сандықшаларымыздың тапсырмаларын орындаймыз. Жалаушалар 4 түсті болып келеді. (Түсіндіру.).Топтың түсіне байланысты жалаушалар түсімен бағалау.
1сандықша. Үй тапсырмасын тексеру, бекіту.
1 топ.
-16 желтоқсан қандай күн?
-Балалар,өткен сабақта кім туралы оқыдық?
2 топ.
-Қайрат кім? Ол қандай адам?
-Қайраттың жазу дәптерінен үзіндіні оқып беріңдер.
3 топ.
-Қорқу, сескену сөздерін Қайрат қалай түсіндіреді?
-Қорқақтық деген сөзді қалай түсіндіреді?
4 топ.
Желтоқсан құрбандарынан тағы кімдер туралы білесіңдер?
(Ләззат Асанова,Ербол Сыпатаев,Сабира Мухамеджанова)
Қайрат,Ербол,Ләззат,Сабира сынды азаматтардың арқасында Қазақстан тәуелсіз, егеменді ел болып отыр.Біз осы ағаларымыз бен әпкелерімізді әрқашан құрметпен еске алуымыз керек.
Ендеше,балалар,осы азаматтарға деген құрметімізді бір минут үнсіздікпен білдірейік.
Жаңа сабаққа кіріспе.
2 сандықша.
«Сарыарқа» күйін тыңдау. -Балалар,бір сәтке көзімізді жұмып мына бір күйді тыңдайық.
-Балалар,бұл кімнің күйі? Осы күйді естігенде көз алдыларыңа не елестеді?
Кең дала,асқар таулар, шауып бара жатқан ат,айдын шалқар көлдер, осының бәрін бір сөзбен қалай атауға болады? (Отан).
3 сандықша. Сөзжұмбақ.
Ендеше мына сөзжұмбақты шешіп бүгінгі сабағымыздың тақырыбын тауып көрелік.
1.Қыста не жауады? (қар)
2.Көмір шығаратын қала (Қарағанды)
3.16-желтоқсан қандай күн? (Тәуелсіздік)
4.Ләззаттың тегі қалай аталады? (Асанова)
5.Қазақтың ұлттық сусыны (қымыз)
6.--жер,нулы жер (сулы)
7.Жаздың соңғы айы (тамыз)
8.Отанымыздың бас қаласы (Астана)
9.Байлық сөзінің баламасы (қазына)
-«Қазақстан» деген сөз шықты.
Ендеше мына слайдқа көз салайық. «Қазақстан» слайды.
-Балалар,Қазақстан туралы қандай өлеңдер білеміз? Білетін өлең жолдарын еске түсірейік./ жатқа айту/.
4 сандықша. Математикалық есеп.
Соны тауып көрелік.
Көлден ұшты жеті қаз,
Қайтып қонды бес қаз,
Қонбады оның нешеуі?
Кәне,кім тез шешеді? /2/
Жаңа ғана шалғында,
Алты бұзау жүр еді.
Әлде шаршап қалды ма,
Жатып қапты біреуі.
Нешеу енді жайылып,
Айт,жүргенін айырып. /5/
-Балалар бізде қандай сан шықты?
-25.
-Бұл сан не себепті сыйқырлы деп ойлайсыңдар?
-Қазақстан Республикасының Тәуелсіздігіне 25 жыл.
Дұрыс. Қазақстан Республикасының Тәуелсіздік алғанына 25 жыл толуына көптеген іс-шаралар өтуде екен. Ендеше бүгінгі біздің сабағымыз да Қасым Аманжолов атамыздың «Қазақстан» өлеңімен жалғаспақ.
Жаңа сабақ.
5 сандықша. «Ұлы тұлға». Слайд.
- Балалар, бүгін біз тағы бір отансүйгіш ақынмен танысамыз. Ол осы жылы 105 жасқа толып отырған, халқымыз «Қыран қанатты» деп баға берген Қасым Аманжолов аталарың.
Қасым Аманжолов 1911 жылы қазіргі Қарағанды облысы, Қарқаралы ауданында дүниеге келген. Осы кезге дейін танысқан басқа авторларымыз сияқты ол да мұғалімдік мамандықты таңдаған ақын. Сонымен бірге, ол өзге тілде жазылған шығармаларды қазақ тіліне шабыттана аударатын аудармашы да болған.
Ол - 1941 - 45 жылдары өткен Ұлы Отан соғысына қатысқан ардагер ақын. 1955 жылдың 18 қаңтар күні ұзаққа созылған аурудан кейін қайтыс болады.
Қазір, осы Қасым атамыздың «Қазақстан» деген үлкен шығармасынан үзінді оқып, танысамыз.
Мұғалімнің оқуы (үнтаспадан оқуы)
- Өлең ұнады ма, балалар?
6 сандықша. Сергіту сәті.
7 сандықша. Топтық тапсырмалар.
Ендеше тапсырмалар орындайық.
1 топ. Өлеңді мәнерлеп оқу.
- Өлеңде не туралы айтылған ?
2 топ.
Өлеңді мәнерлеп оқу.
Түсініксіз сөздері тауып, мағынасын түсіндіру.
3 топ.
Өлеңді мәнерлеп оқу.
Ақынның қуанған,шаттанған көңілін білдіретін жерлерін тауып оқу.
4 топ.
Өлеңді мәнерлеп оқу.
Ақын неге қуанып,шаттанады?
8 сандықша. «Бірге ойланайық».
1 топ.
Жеріміз сөзін қандай сөздермен тіркестіруге болады?
Қасиетті жеріміз, киелі жеріміз.
2 топ.
Қазақпыз сөзін қандай сөздермен тіркестіруге болады?
______________ қазақпыз.
______________ қазақпыз.
3 топ.
Намысы сөзін қандай сөздермен тіркестіруге болады?
_________ намысы.
Азат сөзін қандай сөздермен тіркестіруге болады?
Азат _____________
Азат _____________
4 топ.
Құл сөзін қандай сөздермен тіркестіруге болады?
Құл ____________
Жанбыз сөзін қандай сөздермен тіркестіруге болады?
_____________ жанбыз.
9 сандықша.
1 топ. Топтастыру стратегиясы. Өзінің топтастыруын тақтада оқып береді.
Қазақстан сөзіне байланысты сөздерді топтастырып жазу. (кең далалы,киелі жер,Назарбаев, Астана,қасиетті,еркін, туған дала,бақытты адам,қазақ т.б.)
2 топ. Семантикалық карта.
1. «Қазақстан» өлеңінің авторы кім?
а) Қ.Аманжолов б)Т.Молдағалиев в)М.Мақатаев
2. Біздің жеріміз қандай?
а)қасиетті б)киелі в)бақытты
3.Біз қандай қазақпыз?
а)кең далалы б)кең пейілді в)кең дала
4.Біз қандай жанбыз?
а) еркін б) азат в)намысты
5.Өлеңде қай көл туралы айтылады?
А)Арал б) Байкал в) Балқаш
3-4 топ. Шығармашылық тапсырма.
Қазақстан
«Қазақстан» сөзінен жаңа сөз жасау
10 сандықша. Бағалау.
Жалаушаларды санау. (Жинаған жалаушаларға байланысты оқушылар бағаланады.)
Рефлексиялық кезең. Ағаштың суретіне бүгінгі сабақта не туралы өттік соны бір сөзбен жазып жапсыру.
Үйге тапсырма: «Қазақстан» өлеңін жаттау.
