Просмотр содержимого документа
«?ызы?ты математика елінде»
Сабақтың тақырыбы: Қызықты математика елінде
Мақсаты: Қазақтың салт дәстүрін еске түсіре отырып, оқушылардың математикадан алған білімдерін пысықтап, топқа бөліп жарыстыра отырып саралау. Оқушылардың ой -өрісін кеңейтіп, жарыса жұмыс істеуге, логикалық ойлауды жеделдетуге баулу, танымдық қабілетін, пәнге деген қызығушылығын арттыру. Оқушыларды ұлттық рухта тәрбиелеу, халықтың салт дәстүрін жан-жақты түсіне білуге білімді азамат болуға тәрбиелеу.
Сабақтың түрі: жарыс сабақ.
Әдісі: Ойын, көрнекілік, сұрақ- жауап, топтық.
Көрнекілік: көкпар ойынына арналған қазандақ, ойыншық серке, суреттер
Ақыл ойды тәртіпке келтіретін математика, сондықтанда оны оқу керек.
Сабақтың барысы
І.Ұйымдастыру кезеңі.
Сәлемдесу, оқушыларды түгендеу, психологиялық дайындық жасау.
Топқа бөлу. Сабағымызды бастамас бұрын төрт түлік малдың бірі жылқылар қамауда тұр екен. Өздеріңе ұнағанын таңдап алып , құла жылқыны алған оқушылар «Тұлпар» тобы, көк жылқыны таңдаған оқушылар «Сәйгүлік» тобына арналған орынға орналасыңдар. Құла жылқыны таңдаған оқушылар өмірге белсенді, барлығын білуге құштар, төзімді, ат үстінде өздерін еркін ұстайтын оқушылар, ал көк жылқыны таңдаған оқушылар жылдам ойланатын, білімді, алға ұмтылған,атқа мініп серуендегенді ұнататын оқушылар екен.
«Ой тастау»
-Қандай қазақтың ұлттық ойындарын білесіңдер? -Көкпаршылардың мақсаты – орталық шеңберде жатқан Көкпарды өз командасының “отауына” жеткізу. Көкпар ойыны тәжік, өзбек, қырғыз, Ауғанстан елінде де ойналады. Қазақстанда «Көкпар» ойын ережесін 1949 жылы бекіген. Көкпарға жасқа толған серкенің семізі таңдалған. Семіз серке терісі жыртылмайды. Орташа салмағы 20-30кг-дай келеді. Басқа малдың терісі жыртылғыш болғандықтан Көкпарға тартпайды. Белгіленген уақыт ішінде қай команда Көкпарды өз “отауына” көп жеткізсе, сол жеңіске жетеді.
Бүгін «Көкпар» ойыны арқылы қызықты математика елінде сабағымызды бастаймыз. Біз бүгін шынайы көкпар тартпағанмен, білімімізді жарысқа саламыз. 1.«Көкпар» ойыны. Сұраққа -жауап «Тұлпар» тобына Балалар, көкпар тартысты бастайық. Қойылған сұраққа қай топ бірінші жауап берсе, сол топ бірінші болып, қазандыққа ұпай салған болып есептеледі. ● 4 қойдың неше аяғы бар? (16) ● 1км= 1000 м ● Ең кіші төрт таңбалы сан? (1000) ● 1т= 10ц ● Уақытты қалай табамыз? ● Ұзындығы 4см, ені 2см тіктөртбұрыштың периметрі нешеге тең? (12см) ● 15000: 3 (5000) ● 4мин = 240 сек ● 2 ғасыр= 200 жыл
Сәйгүлік» тобына ● 6 қаздың неше аяғы бар? (12). ● 1ц= 100 кг ● Жылдамдықты қалай табамыз? ● Ең үлкен бес таңбалы сан? (99999) ● 1м= 1000 мм ● Қабырғалары 3см болатын шаршының ауданы неге тең? (9см 2) ● 2400: 6 (400) ● 3сағ= 180мин ● 2тәу = 48 сағ
2. Шабандоздар жарысы Әр оқушы өзіне қажетті тапсырмаларды орындап ұпай жинайды Тапсырмалары: «Тұлпар» тобына
Тиімді тәсілмен есепте: 36x11= 72x101= 28х1001=
45x11= 64x101= 53x1001= Тапсырмалары: «Сәйгүлік» тобына 27x11= 63x101= 38x1001=
51x11= 44x101= 73x1001=
3. «Дода». - Көкпар кезінде жерге түскен серкеге жаппай таласу дода деп аталады.
А)Ойын алаңындағы 9 шеңберге 1 мен 9 аралығындағы сандарды бір сызық бойындағы шеңбердегі санда жиынтығы 15-ке тең болатындай етіп орналастыр.
Ә)Ойын алаңындағы 9 шеңберге 1 мен 9 аралығындағы сандарды бір сызық бойындағы шеңбердегі санда жиынтығы 13-ке тең болатындай етіп орналастыр
Сергіту. Математикалық фокус. Ойлаған санды табу.
Туған күніңе 20-ны қос, шыққан саннан 17 азайт. Нәтижеден 3-ті алса туған күн шығады.
7+20-17 = 10-3 =7
Туған айға 21-ді қос, шыққан саннан 16 азайт. Нәтижесінен одан 5-ті азайт.
8+21-16 = 13-5 = 8
4.«Ой қозғау» салма көкпар
Математикалық сандарға қатысты мақал - мәтелдер жазудан жарысы.
5. Бапкерлер жарысы Топ жетекшілерін «Бапкер» деп атаймыз. Олай болса ойынымыздың келесі кезеңі бапкерлер жарысына көшсек. Қай топтың бапкері есепті тез әрі дұрыс шығарса, сол топтың тұлпарлары жақсы бапталған болады.
А) 3 3 3 3 3 =31 5 5 5 5 =35
6. «Кәне, кім тапқыр?» Тақым тартыс. Ең мықты дегендердің жекпе - жегін тақым тартыс дейді. Тақым тартыс кезінде екі жігіт ат басын құйысқандарына қарата айқаса тұрып, серкені тақымдарына басып, екеуі екі бағытта жүре тартысады.
Бес бұтақты ағашта, Бұтақ сайын бес алма, Біреуін бер Омарға, Сонда қалмақ қанша алма? /24/
11 түйе, 5 жылқы, 2 сиыр, 2 ешкі, 2 қоян, 3 түлкі, Таба алмасаң бұл күлкі? /25/
7. Марта тарту.Құрамы бірдей екі топ жарысқа түскенде марта тарту болады. Әркім көкпарды өз иелігінде әкетуге тырысады.
*Дорбадағы 10 асықты 10 бала алды.Сонда дорбада 1 асық қалды. Ол қалай?/дорбасымен алды/
*Хасан жолдан 10 теңге тауып алды, дәл сол жолмен Асан ме Үсен жүрсе неше теңге тауып алар еді.
*Бөлмедегі столдың жанында 6 орындық тұр. Екеуін қабырғаға қарай қойды. Бөлмеде қанша орындық болды. /6/
*Азат 6 жаста, ал кіші інісі 5 жаста. 5 жылдан кейін Азат інісінен неше жас үлкен болады? /1/
*Вазада 3 алма мен 7 мандарин жатты. Кешкә тамақта барлық алма және сонша мандарин желінді.Қанша мандарин қалды?
*Ағаш үстінде 100 торғай отыр. Аңшы 10 торғайды атып алды.Торғайдың қаншасы қалды? /10/
*Бір адам қалаға бара жатыр еді, жолда үш таныс қарсы шықты. Қанша адам қалаға барады? /1/
*Спорт залында арқан ілулі тұр. Бала сол арқанмен 3 метр биіктікке көтерілді. Бұл арқанның төрттен бір бөлігі. Сонда арқанның ұзындығы неше метр?/12/
*Мирас атасынана неше жаста екенін сқрады. Атасы оған: «Өзің ойлап тап. Ең үлкен екі таңбалы саннан 90-ды азайтып, нәтижесін 3 есе арттырып, оған 73 санын қосасың. Сонда менің жасым шығады», деді. Атасы неше жаста? /100/
