Просмотр содержимого документа
«"?ыз Жібек жыры туралы" та?ырыбына саба? жоспары»
Сабақтың тақырыбы: « Қыз Жібек» жыры туралы
Мақсаты:
Білімділік: Ұлттық өнер, әдебиет туындыларымен таныстыру. Оқушыларды кейіпкердің бейнесін суреттей білуге дағдыландыру;
Дамытушылық: Өнер, әдебиет туындыларына деген қызығушылық, сүйіспеншілік сезімдерін дамыту;
Тәрбиелігі: Эстетикалық тәрбие беру
Сабақтың түрі: аралас, қайталау сабағы
Сабақтың әдіс-тәсілі: түсіндіру, баяндау, әңгімелеу, сұрақ-жауап, жобалау
Қолданылатын стратегия: СТО, салыстыру стратегиясы
Жаңа технологиялар: интерактив тақтасы: «Aktiv studio»
Көрнекілігі: бейнефильм, хронологиялық кесте
Пәнаралық байланыс: тарих
Сабақтың барысы:
І. Ұйымдастыру кезеңі
Оқушылардың сабаққа дайындықтарын тексеру, оқу құралдарының бар жоғын тексеру
ІІ. Үй тапсырмасын тексеру
Батырлар жыры дегеніміз не?
Лиро – эпостық жыр ше?
Мысалдар келтіріңдер
« Қыз Жібек» жыры оқуға берілген
ІІІ. Негізгі бөлім
А) Психологиялық дайындық
Халқымызда аңызға айналған, бойын махаббат сезімі толтырған ғашықтар аз емес. Соның ішінде біз білетін Қозы Көрпеш пен Баян сұлу, Есім-Зылиха, Айман-Шолпан, Қыз Жібек пен Төлеген.
Төлеген деп қойыпты ұлдың атын,
Құдай артық жаратқан оның затын.
Баланы сипат қылып айтып болмас,
Көрген жан ақылынан бір танатын.
Осы шумақ қай өлеңнен алынған деп ойлайсыңдар?
Ә) Әңгімелеу кіріспе
Бейнесюжет қарау, оны талдап, талқылау (5-7 минут)
«Қыз Жібек» жыры қазақтың көне мұраларының бірі, лиро-эпостық дастандарының ішіндегі ең көркемі: «Қыз Жібек» жырының негізінде тарихи оқиға жатыр, кейіпкерлері өмірде болған адамдар. Жырдың негізгі кейіпкері – Төлеген мен Жібек бірін-бірі сүйген ғашықтар. Әкесінің теріс батасын алған Төлегеннің өлімі мен Жібектің қайғылы тағдыры – жыр мазмұнының арқауы.
Б) Интерактив тақтасымен жұмыс
Берілген тапсырма хронологиялық кестесін толтырыңдар
Жылы
Болған оқиға
1880 жылы
«Қыз Жібек» орыс тіліне аударылды
1894 жылы
Алғаш рет Қазан қаласында басылып шықты
1934 жылы
Алғашқы қазақ операсы - «Қыз Жібек» жазылды
1970 жылы
Режиссер Сұлтанахмет Қажықов «Қыз Жібек» фильмін түсірді
2003 жылы
«Еуразия халықтарының эпостары» атты топтамаға «Қыз Жібек» пен «Қозы Көрпеш – Баян сұлу» эпостарының үздік нұсқалары енгізілді
2007 жылы қараша
Юнеско «Қыз Жібек» жырының 1508 жылы жазылған жайлы ғалымдарының дәлелін қабыл алып, аталған жырдың 500 жылдығын атап өтуге шешім қабылдады.
В) Шығармашылық жұмыс
Басты кейіпкерлерді ата, оларға мінездеме бер
Төлеген – бай, батыр болуды көксемейді, оның арманы – өзіне лайық сұлуды сүю, өмірлік жар ету. Сүйгеніне адал, әділ, сезімтал, нәзікжанды.
Жібек – Төлеген іздеген ару. Жібек бейнесінде қазақ қыздарына тән қасиеттер жинақталған. Жібектің сұлулығына ақылы мен ақындығы сай.
Жырдағы Бекежан образы – лиро-эпостық жырлардағы екі ғашықтың ортасында жүрген қаскүнем мейірімсіз жау. Ол – ойлакер, қу, опасыз жан.
Г) «Салыстыру стратегиясы» бойынша жұмыс.
«Қыз Жібек» пен «Қозы Көрпеш – Баян сұлу» жырларын салыстыру
Төлеген мен Қозы бейнесінің айырмашылығына келетін болсақ, Төлеген –халық ауыз әдебиеті, батырлық эпос үшін жаңа кейіпкер. Қозының бойында батырлық басым болса, Төлеген лирикалық кейіпкер.
Қорытынды.
Бекіту. Екі жырдың да көркемдігі, эстетикалық танымы өте жоғары. Махаббат үшін күрескен жастардың өмірі ынтызарлық сезімдері, көркемдік құралдармен щебер суреттелген. Жырлардың уақыт өткен сайын құны артып, ұрпақтан-ұрпаққа өшпес мұра болып қала беретіні сөзсіз.
Үй тапсырмасы: «Қазіргі кездегі махаббат» тақырыбына эссе жазу
