??с келді. С?йлемдегі с?здерді? байланысы.

Сабақтың тақырыбы: Құс келді. Сөйлемдегі сөздердің байланысы.

Сабақтың мақсаты: Оқушыларды сөйлемдегі сөздердің байланысын табуға жаттықтыру, оқу-жазу дағдыларын арттыру; оларды табиғатқа ізгілік қарым-қатынасқа, байқампаздыққа тәрбиелеу.

Сабақтың көрнекілігі: Сюжетті сурет

Сабақтың барысы:

I. Бағдарлау-мотивациялық кезеңі (оқушылардың қызығушылығын ояту).

Мұғалім оқушыларға көздерін қатты жұмып, көктемде саябаққа немесе орман, тоғайға барған күндерін еске түсіруді сұрайды.

Көз алдарына не елестейді?

Құлактарына ненің даусы келеді?

Балалар әртүрлі жауаптар беруі мүмкін. Мұғалім балалардың жауаптарының ішінен көктем мезгіліне қатысты 2-3 сөйлеммен ойды жүйелейді.

Балалар, бүгінгі сабақта осы көктем мезғіліне қатысты бірден екі өлеңмен танысамыз. Өлеңдерде не жайында айтылғанын мұқият тыңдаңдар.

ІІ. Операционалдық-орындаушылық кезең.

165-жаттығу:

Мұғалімнің мәнерлеп оқуы.

Оқушылардың оқуы.

Өлең мазмұнына байланысты сұрақтар мен тапсырмалар:

Өлеңдерде не туралы айтылған?

Екі өлең бір-біріне ұқсай ма?

Қандай ерекшеліктерді байқадыңдар?

166-жаттығу.

Таным тағлымы

Ертеде екі данышпан өмір сүріпті.

Біреуі өз шәкірттеріне: «Көп затты танып білу үшін қиындықтарды жеңе білу керек, шыңға өрлеп, биік асудан өтіп үйрену қажет», – дейді екен. Ол өз шәкірттерін адам аяғын баспаған құзды шыңдарға апарып, биік асулардан, тар соқпақтардан өтуге үйретеді.

Екіншісі болса: «Ақылды адам шыңға өрмелемейді, оңай жолын іздейді», – деуден жалықпайды. Ол өз айтқанынан қайтпай, шәкірттерімен сол шыңды айналып, жеңіл де оңтайлы жол іздеуден танбайды.

Алғашқылары қиындықты жеңе отырып, өмірден көп нәрсеге үйренеді, өздерінің мүмкіншіліктерін, қабілеттерін дамытып, шыңды бағындырады. Сөйтіп, айналасындағыны алыстан көруге үйренді. Соңғылары қиындықтан қаша жүріп, асуды айналып өтеді, жолда не іліксе, соған риза болады. Олар тек жанындағыны ғана көргендеріне мәз болады.

Өзіңді, өмірді танып білу үшін қиындықтан жасқанбай, «тар жол, тайғақ кешуден» тайсалмау керек.

Сергіту сәті. "Ұшты-ұшты" ойыны.

ІІІ. Рефлексиялық-бағалау кезеңі.

Оқушыларға өздері ұнататын құстар туралы сөйлем жазу тапсырылады. Сөйлемдегі сөздердің байланысын сұрақ қоя отырып тексерулері керек.

ҮІ. Қорытынды бөлім.

Сабақты қорытындылау, үйге тапсырма беру, оны түсіндіру.