?осындыны сан?а б?лу

Қосындыны санға бөлу

Сабақтың мақсаты:

1. Білімділік: Қосындыны санға бөлу тәсілдерін пысықтауға арналған есептерді әр түрлі тәсілмен шығаруға жаттықтыру.

2. Дамытушылық: Логикалық ойлау қабілетін оқушының белсенділігін, түрлі тапсырмалар орындау барысында шығармашылық іскерлік қабілеттерін арттыру.

3. Коррекциялық: Математикалық тілін, сөздік қорын дамыту, байланыстырып сөйлеуге дағдыландыру.

4. Тәрбиелік: Оқушыларды ұйымшылдыққа, ұқыптылыққа, тапқырлыққа, білімпаз болуға, ақыл - ой белсенділігін арттыруға тәрбиелеу.

Сабақтың барысы:

І Қызығушылықты ояту.

- Екі көз не үшін керек?

Жақсыларды көру үшін.

- Екі қол не үшін керек?

Елге көмек беру үшін.

- Екі құлақ не үшін керек?

Ақыл, кеңес тыңдау үшін.

Олай болса балалар бүгінгі сабақта жақсы қатысып, өз білімімізді көрсетейік.

Оқушыларды топқа бөлу, топтың атауын "Зейінділік" ойыны арқылы табу.

Зейінділік ойыны:

ОИеАЫІӘҢАЭЮБЕАОЫк жазбасындағы Е әрпінен басқа барлық дауысты дыбыстарды сызып тастаңдар. Қандай сөз шықты? (еңбек).

ОИтАЫІӘлАЭЮЫЕПОЫӘО жазбасындағы А әрпінен басқа барлық дауысты дыбыстарды сызып тастаңдар. Қандай сөз шықты? (талап).

ОИБАЫІӘАЭЮлЕАОЫіоАӘМЭЮ жазбасындағы І әрпінен басқа барлық дауысты дыбыстарды сызып тастаңдар. Қандай сөз шықты? (білім).

І топ «Еңбек»

ІІ топ «Талап»

ІІІ топ «Білім»

ІІ Миға шабуыл.

Үй тапсырмасын сұрау.

«Сен - маған, мен - саған» ойыны. Үш топтың басшылары доп лақтыру арқылы бір - біріне сұрақ қояды.(сөз таптары туралы)

1. Көбейтудің компоненттерін ата

2. Бөлудің компоненттерін ата

3. 1 дм неше см бар?

4. 1 тәулікте неше сағат бар?

5. 1сағатта неше минут бар?

6. Көлемді қалай табамыз?

7. 2 - нің кубы нешеге тең?

Ауызша жұмыс

Ойын «Брейн – ринг»

Екі жұмыртқа 4 минутта піседі. Дәл сондай 8 жұмыртқа қанша уақытта піседі?

- Әжей қалаға бара жатып қарсы алдынан 3 ер адамды кездестіреді. Олардың әрқайсысында бір - бір қап бар, әр қаптың ішінде бір мысықтан бар екен. Қалаға сапар шеккен жолаушылар нешеу?

- Торда 4 қоян бар еді. Осы қояндарды төрт бала бір - бірден сатып алды, біреуі қалып қойды. Неліктен бұлай болды?

- Қаз 2 аяғымен тұрған кезде, оның массасы 6 кг. Егер қаз бір аяғымен тұрса, массасы қандай болады?

ІІІ. Жаңа материалды меңгеру.

(6+9); 3 *6: 3+9: 3өрнекті салыстырамыз. Нәтижесінде өрнектің оң және сол жағы тең. Демек өрнек тең.

Қосындыны санға бөлудің екі тәсілі бар

1 - тәсіл Бірінші қосылғыш 6 - ны 3 - ке бөлеміз, екінші қосылғыш 9 - ды 3 – ке бөлеміз. Нәтижелерін қосамыз. 6: 3+9: 3=2+3=5

2 - тәсіл Ең алдымен жақшаның ішін орындаймыз. Шыққан нәтижені санға бөлеміз

(6+9): 3=15: 3=5

Демек, қоосындыны санға бөлу үшін, әр қосылғышты осы санға бөліп, нәтижелерін қосуға; қосындының мәнін тауып, оны осы санға бөлуге болады.

Тақтамен жұмыс. Бөлу қалай орындалған? Жоғарыда көрсетілген тәсілдерді пайдаланып түсіндіру

1)(10+6): 2=16: 2=8

2)(10+6): 2=10: 2+6: 2=8

Әр топ өрнектің мәнін екі тәсілмен табады

(14+16): 2

(25+15): 5

(36+18): 6

(24+12): 4

(40+16): 8

(21+9): 3

Оқулықпен жұмыс:

№6 Салыстыр.

(18+14): 2 * 18: 2+14

45: 5+20: 5 * (45+20): 5

Сергіту сәті

Бір, екі, тұрайық,

Алақанды ұрайық.

Жүгірейік, жүгірейік,

Аяқты ұшынан басайық.

Саңырауқұлақтай отырып,

Емендерше тұрайық.

Тұрайық, отырайық,

Тұрайық, отырайық,

Тұрайық, отырайық,

Партамызға жайғасайық,

тып – тыныш.

№7. Есептерді әр түрлі тәсілдермен шығар.

1) 12кг қияр мен 15кг қызанақ банкаларға 3 килограммнан бөліп тұздалды. Неше банка қажет болды?

Шешуі: (12+15): 3=9

12: 3+15: 3=4+5=9

Математикалық диктант

Өрнектерді жазып, олардың мәндерін тапқызу

1) 75 және 27 сандарының айырмасын 3 есе арттыр

2) 40 және 16 сандарының қосындысын 7 есе кеміт

3) 70 және 4 сандарының көбейтіндісін 40 есе кеміт

4) 420 және 6 сандарының бөліндісін 9 есе арттыр

(Әр қатардан 1 оқушы оқып, нәтижесі тексеріледі)

№10

Теңдіктер тура болатындай еті, бос орынға арифметикалық амалдар таңбасын және жақшаларды қой:

45 _ 54 _ 9 = 11

56 _ 49 _ 7 _ = 15

2 _ 3 _ 1 _ 3 = 1

3 _ 5 _ 2 _5 = 1

V. Қорыту.

1) Қосындыны санға қалай бөлуге болады?

2) Сабақта жаңадан нені білдіңдер?

3) Басбармақ.

VІ. Бағалау.

VІІ. Үйге тапсырма: