К.Аманжолов Туган жер

Оқыту/ оқытудағы тәсіл

«Бірлесіп ойлау»мақсатында оқушылар арасында қарым қатынасты ынталандыру үшін топтық жұмысты пайдаланамыз

Тақырыбы

Қ. Аманжолов “ Туған жер”

Күні

13.09.2013

Оқытудың нақты нәтижесі

Қасым Аманжолов туралы ойларын толықтырады. Өлең соңындағы ақынның көңіл күйін, туған жерге деген сүйіспеншілігін және ой-пікірін білетін болады

Бағалау критериилері

көк- маған көмек керек, жасыл- мен жақсы білемін, сары- мен жартылай білемін (бағдаршам арқылы)

Қолданылатын материалдар

Автордың суреті, сөзжұмбақ, туған жер туралы сюжетті суреттер, бағалау парағы

Сабақ барысы

Психологиялық сәт

-Қайырлы күн, әр қашан күн сөнбесін,

Күн нұрындай жылуын төге берсін.

Күндей жарық көңілді күй кешейік,

Бәріміз дос болып бөлісейік.

Үй тапсырмасын тексеру(10 мин)

Сынып үш топқа(фигуралар арқылы) бөлінеді. К.Оразбекұлының «Елтаңба мен Ту туралы» мәтінін түсінгендіктерін білу үшін берілетін тапсырмалар.Әр топқа екі тапсырмадан беріледі.

1-топ 1.Қос Пырақ қандай елдерді аралады деп ойлайсыздар?

2. Жаттаған мақалдарыңызды кезекпен айтып бере аласыздар ма?

2-топ 1. Қыран қос Пырақтан не деп сұрады деп ойлайсыздар?

2. Жаттаған мақалдарыңызды кезекпен айтып бере аласыздар ма?

3-топ 1. Қос Пырақ қыранға не деп жауап берді деп ойлайсыздар?

2. Жаттаған мақалдарыңызды кезекпен айтып бере аласыздар ма?

Мақсат қою (2 мин)

1.Сабақтың тақырыбымен таныстыру.

2.Сабақтың мақсатымен таныстыру

Жаңа сабақ

1.Автормен таныстыру.(Тақтаға жазылады)

лирик ақын Отан,туған жер,

өскен ел тақырыбында

өлеңдер жазған

Қ.Аманжолов

соғыс ардагері

2. Оқулықпен жұмыс

1. Сынып үш топқа бөлінеді. Әр топқа жеке-жеке тапсырмалар беріледі.

1-топ 1. Өлеңді түсініп оқып шығыңыздар(түсініксіз сөздерді түртіп алу)

2. Ақынның көңіл күйі, туған жерге деген ризашылық сезімі өлеңнің қай жолдарында берілген деп ойлайсыздар?

2-топ 1. Өлеңді түсініп оқып шығыңыздар(түсініксіз сөздерді түртіп алу)

2. Өлеңнің соңғы жолдарынан автордың қандай ой-пікірін аңғаруға болады деп ойлайсыздар?

3-топ 1. Өлеңді түсініп оқып шығыңыздар(түсініксіз сөздерді түртіп алу)

2. Осы оқулықта ақынның тағы қандай өлеңімен таныстық деп ойлайсыздар?

2. Жеке жұмыс. Өлеңнің үшінші шумағы арқылы берілген сөзжұмбақта жасырынған сөздерді тауып жаз.

Жазылатын сөздер: ұлы, жер, күйге, арманым, дүниеде.

Әр оқушының жұмысын жанындағы көршілері тексереді.

Сабақты қорыту

-Бүгінгі сабақтан не білдік? Не үйрендік?

Үйге тапсырма1.Өлеңді түсініп, мәнерлеп оқу.

2. Туған жер туралы эссе жазып келу.

Білімдерін бағалау 1. Бағдаршам арқылы (көк- маған көмек керек, жасыл- мен жақсы білемін, сары- мен жартылай білемін)

Оқушылар үшін оқу нәтижелері(А)

Өлеңді мәнерлеп оқи алады, өз ойны толық жеткізеді,сөзжұмбақты шешеді

Оқушылар үшін оқу нәтижелері(В)

Өлеңді мәнерлеп оқи алады, өз ойны жеткізеді,сөзжұмбақты шешеді (біраз мұғалімнің көмегін қажет етеді)

Оқушылар үшін оқу нәтижелері(С)

Өлеңді оқи алады, өз ойны жеткізуде мұғалімнің жетекші сұрақтарына жүгінеді,сөзжұмбақты шешуде қателіктер болды

Сабақтан кейін бақылаудағы оқушыларға қоюға ұсынылатын сұрақтар

1. Саған сабақта бәрінен де не ұнады?

2. Сен нені үйрендің?Бұрын істей алмағандарыңнан қазір нені істей аласың?

3. Нені жақсырақ істей аласың? Қаншалықты жақсы?

4. Оқытудың қай бөлігі сен үшін барынша тиімді болды?

5. Егер дәл осы сабақ басқа топта өткізетін болса, нені өзгертер едің?Неліктен бұл бөлігін өзгертер едің?

Бақылаушылардың пікірі