"?ала мен ауыл" та?ырыбы бойынша д?ниетану п?нінен ашы? саба?

Пән

Дүниетану

мерзімі

04.04.2015

Тақырыбы

Қала мен ауыл

Жалпы мақсаты

Қала мен ауылдың айырмашылығы жайлы білу.

Оқу нәтижелері

Қала мен ауыл адамдарының еңбектерін түсінеді.Қала мен ауыл тұрмысының айырмашылықтарын айта алады.Қала мен ауыл өміріне байланысты өз пікірлерін жеткізе біледі.

Дереккөздер

Оқулық, әдістемелік нұсқау, кестелер.

Сабақ кезеңдері

Орындалатын жаттығулар

Оқушылардың іс-әрекеттері

Ұйымдастыру кезеңі

5 минут

1/Оқушылардың сабаққа дайындығын тексеру 2/ «Сағат бойынша достар» әдісі арқылы ынтымақтастық атмосферасын қалыптастыру.

1.Қолын қысыңыз

2. Арқасынан қағыңыз

3. Күлімсіреңіз

4. Қол бұлғаңыз

5. Көзіңізді қысыңыз

6. Жылы сөз айтыңыз

7. Бір тілек айтыңыз

8. Қолынан сүйіңіз

9. Қол ұстасып, айналыңыз

10. Басынан сипаңыз

11. Құшақтаңыз

12. Қол ұстасып 3 рет секіріңіз

Оқушылар сағаттың суретін салып, 1-ден 12 –ге дейінгі сандардың тұсына өзінен басқа сыныптаста рының атын жазады. Тақтада алдын- ала дайындалған үлгіге қарап, іс-әрекеттерді жасайды.

Өткенді пысықтау кезеңі

3 минут

«Алақан» әдісі арқылы өткен тақырыпты қайталап, оқушылардың білімдерін тексеру.

• Досың саған ішкі сырын айтса, оны көпшілікке жариялама.

• Досың қиындыққа тап болса, оған көмектеспе.

• Досыңмен ренжіссең, кешірім сұрама.

• Достарың жайлы ғайбат сөз айтпа.

• Достарыңның жетістіктеріне қуанба.

• Досыңның адамгершілігінен үлгі ал.

• Достарыңа адал бол.

• Кез келген адамның жақсы қасиеттерін байқауға тырыс.

• Досыңның қунышын бірге бөліс.

Оқушылар жағымды әрекеттерге қызыл алақандарды, жағымсыз әрекеттерге көк алақандарды көтереді.

Қызығушылықты ояту

5 минут

Оқушыларды «Мозайка» әдісі арқылы «Қала адамдары» «Ауыл адамдары» атты 2 топқа бөлу.

«Сұрақ –жауап» әдісі арқылы жұмыс:

-Балалар сендерде қандай суреттер шықты?

-Көп қабатты үйлерді қайда кездестіреміз?

-Жер үйлерді көбінесе қайдан көреміз?

-Олай болса бүгінгі сабағымыздың тақырыбы қалай аталады деп ойлайсыңдар?

Оқушылар пазлдарды таңдап, біріктіру арқылы көп қабатты және жер үйдің суретін шығарып, 2 топқа бөлініп отырады.

Оқушылар мұғалімнің қойған сұрағына жауап беру негізінде жаңа тақырыпты ашады.

Мағынаны тану

3 минут

15 минут

1.Презентация арқылы қала мен ауыл өміріне шолу жасау.

2. Топтық жұмыс: Постер құру.

Тапсырма : а) Оқулықтағы мәтінді оқу

ә)Мәтін мен берілген қима суреттерді пайдалана отырып, қала және ауыл туралы постер құру.

б) Постерді қорғау

3. Сәйкестендіру стратегиясы арқылы қала мен ауылдың айырмашылықтарын айқындау.

ірі елді мекен

өндіріс кәсіп орындары

шағын елді мекен

Қала фабрикалар

мал шаруашылығы

театрлар

Ауыл трамвай, троллейбус

трактор, ат арба

көп қабатты үйлер

жер үйлер

Оқушылар презентацияны тамашалайды.

Топтар оқулықтағы өздеріне тиісті мәтінді оқып, мазмұны бойынша постер құрастырады, және оны қорғайды.

Топтар бір-бірінің жұмыстарын смайликтер арқылы бағалайды.

Интерактивті тақтада берілген ұғымдарды актив қалам арқылы сәйкестендіреді.

Ой толғау

5 минут

«Жарнама» әдісі

Тапсырма:Көрнекіліктерді пайдалана отырып, қала мен ауылды жарнамалау.

Әр топ өз қалауы бойынша көрнекіліктерді пайдалана отырып, жарнама жасайды.

Сабақты қорыту

Рефлексия:

1/Кері байланыс: «Сөйлемді аяқта»
2/ Үйге тапсырма беру

3/Жиынтық бағалау

Берілген кері байланыс парақтарындағы сөйлемдерді аяқтайды

Оқуға арналған тапсырма

Мәтінді оқу.

Кестемен жұмыс жасау