Интеллектуалды саба?: «Тап?ырлар»

Оңтүстік Қазақстан облысы

Мақтарал ауданы, Асықата кенті

«Жеңіс» мектеп – гимназия»

коммуналдық мемлекеттік мекемесі

Бастауыш сынып мұғалімі

Әбілбашарова Жанат Ортайқызы

Сабақтың тақырыбы: «Тапқырлар» Интеллектуалды сабақ

Сабақтың мақсаты:

1. Оқушылардың өткен сабақта алған білімдерін пысықтау .

2. Математикаға деген қызығушылығын арттыру.

3. Ұйымшылдық қабілетін дамыту, достық сезімдерін ояту.

Әдісі: Сұрақ – жауап, ойын, түсіндіру.

Түрі: Сайыс сабақ

Көрнекіліктері: Ауызша есептеу топтамалары, геометриялық фигуралар.

Сабақтың барысы:

1.Ұйымдастыру кезеңі:

Психологиялық дайындық.

Үлкенге де сіз,

Кішіге де сіз,

Сәлем бердік сіздерге

Әдеппенен біз.

Балалар, бүгін біздің сабағымызға қонақтар келіпті. Демек бұл сабағымыз жай сабақ емес, ерекше сабақ болып өткелі отыр.

“Келгенше қонақ ұялады,

Келгеннен соң үй иесі ұялады”

демекші, біз ұятқа қалмауға тырысайық.

“Білікті бірді жығар, білімді мыңды жығар” дегендей, өткен тақырыптар бойынша ауызша сұрақтар қойып, өткенді еске түсіреміз.

1. Санды немен белгілейміз? (цифрмен)

2. Цифрды біз не істейміз? (жазамыз,көреміз)

3. Қандай геометриялық фигураларды білеміз? (нүкте, сәуле, бұрыш, үшбұрыш, дөңгелек, төртбұрыш)

4. Қосудың компоненттерін ата.

5. Азайтудың компоненттерін ата.

6. Заттарды бір-біріне біріктіргенде қандай амал қолданылады? (қосу)

7. Заттарды бір-бірінен алғанда қандай амал қолданылады? (азайту)

Бүгінгі сайысқа үш топ болып қатысамыз.

Лабиринт тарату.

«Тапқырлар» тобы.

Ұраны: Оқу – білім бұлағы,

Білім – өмір шырағы.

«Білгірлер» тобы.

Ұраны: Ақыл азбайды, білім тозбайды.

«Алғырлар» тобы.

Ұраны: Таудай биік талаппен, білім шыңына өрлейміз.

1. Сайыс: «Жаңылтпаштар» сайысы

Әр топтан бір оқушыдан шығып, жаңылтпашты қайталап, жарысады.

1.Ұшып кетті үш құс

Ұшып келді ұшқыш.

2.Жоғалды бес шыбыш

Жоқ әлі еш сыбыс.

Жоқ әлі еш сыбыс.

Жоғалды бес шыбыш.

2-сайыс: «Санды мақалдар» сайысы

1. Білгенің 1 9

Білмегенің 99.

1. Жеті жұрттың тілін біл,

7 түрлі ілім біл.

1. Ағайын- 6 ау

Ана- 1 еу

4. Бесік баласы 5 түлейді.

5. 7 атасын білмеген – жетесіз

6. 6 ау ала болса, ауыздағы кетеді,

4 еу түгел болса, төбедегі келеді.

3 – сайыс: Логикалық тапсырмалар.

1. Асан мен Үсен шахмат ойнады. Асан 2 рет ұтты, Ал Үсен 2 рет ұтылды.Олар 1 рет тең ойнады.Барлығы неше рет шахмат ойналды?

2. Інісі 5 жаста, ал әпкесі 8 жаста. 10 жылдан кейін олар неше жаста болады?

3. Шелекке 3 литр су құйғанда ол жартысына дейін толды. Шелекке қанша литр су сияды?

4 – сайыс: «Фигураларды тап» сайысы

1-топ. - ? -? 2-топ. - ?

3-топ. -?

5 – сайыс: «Бұл қандай зат?»

1. Төртбұрышыты, жылтыр, өзіңді көресің.

2. Қызыл, домалақ, жұмсақ, желінеді.

3. Ақ, төртбұрышты,іші суық.

4. Жасыл, домалақ, тәтті, іші қызыл.

5. Қара, төртбұрыш, сөйлейді, көрсетеді.

6. Көп бетті, іші толған білім.

6 - сайыс: «Қызықты фигуралар» сайысы

1 –топ 2-топ

1-ден 9- ға дейінгі сандарды пайдалана отырып, мәні 15-ке тең болатындай етіп орналастыр.

1-ден 9-ға дейінгі сандарды пайдалана отырып мәні 20-ға тең болатындай етіп орналастыр.

7 – сайыс: «Ой жаңылыстыру» сайысы.

1.Қыста тауық бола ма?

2.Асқар келе жатса, шалқасынан өтіп кетіпті.

3.Аңшы сауысқанды атқанда қарға түсіпті.

Қорытындылау:

Осымен сайысымыз аяқталды.

Барлықтарың алғырлық танытып, жақсы қатыстыңдар.

Қатысқандарыңа рахмет!